يابو مناحي

[اللحالي]

بدايات مواجز وأبي رأي ناصر الشميلاني في كلام الشايب

يـا فاهمـن قصـدي وانـا عـنـك نـشّـادعلـى بعـيـد البـعـد يــا بـعـد شـوحـي

مـا هـو بمـدح بـذات يشـقـى بـاﻷبـدادولا استبـيـح اللـيـل يـكـبـح جـمـوحـي

لـو قلـت لـك يـابـو منـاحـي بـالأوكـادعن ما درسـت وشفـت ناتـج نجوحـي

وأشـوف لـي مـع هـدّة النـاس مهـدادلكـن غبـوقـي صــار حــزّة صبـوحـي

وأخذت كم قرطوع مـن غيـر مقصـادفـي هـادي التّرويـق مـانـي شفـوحـي

وأقـول لـك فـي غايـة القصـد ميـعـادحـول السّحـاب اللـي بروقـه تلـوحـي

أشـوف بعـض النـاس قلـيـل الأفــوادمن مـا بداخـل جـوف صـدره يفوحـي

ويـمـدح بنـفـسـه ويتـبـاهـا لـلأشـهـادوعلـى بعـض النـاس طبعـه قبـوحـي

والـنّــاس مـــا يستعـجـلـون التّـهـبّـادوأنـا مثـل مـا قيـل مـن دون روحــي

أوميت لـي فـي مـن تعـزوى باﻷبعـادوأوميت لك في من سرح لك جموحي

نسوسهـم ياخـوي فـي طـوي اﻷبـعـادوالـكــل مـنّــا مستـفـيـد الـرّبـوحــي

حنّـا الحـروب اللـي عريبـيـن الأجــدادمن غير قاصر فـي شمـاخ الصروحـي

وش أنـت يـا فرعـون يــا ذي اﻷوتــادوالله مــا لــك مــن طرفـنـا بيـوحـي

سعد السمين ,معيض الضعيني ,ابو مناحي معجبون بهذا

[ابو مناحي]

صح لسانك يابو سلطان
شاعر علم ومافيك حيله
لكن الله يعين

حيـيـت يالـلـي للطـواريـق قـصــادوعلى ثمين العلم منـت بشحوحـي

والكيف لـه عنـدك مقاييـس وقنـادوتشرح لغيرك منت باغي شروحي

وليـا بغيـت الـراي بثبـات الاسـنـادالجـد يفـرق عـن هـروج المزوحـي

واللي على الغرّات ضـاري ومعتـادياكثـر مايشـكـي كثـيـر الجـروحـي

والطب في بعـض المعاليـل مافـادوان مانتبهت اسقاك سـمٍ ذحوحـي

وانكـان بـرق المـزن يقفـاه رعّــاديرعـد وفيـه البـرق يقـدح قدوحـي

ماهو غريب ان صار للـزرع حصّـادوالديـك قـوقـا والحمـامـه تنـوحـي

والبنـي جالـه مـن هــذولاك هــدّادوالذيب عقـب اعـواه عـوّد نبوحـي

اتـصـد لــو انــك تـعـرّض لـلالـهـادولا شاف معروفك قصير الشبوحي

في داخـل بـلادك يبـا بعيـر وشـدادودّه يضـحّـي باللـبـن والمـسـوحـي

واللـي يقـدّر قيمـة المـلـح والــزادبالـه وسيـع ولـه قلـيـبٍ نصـوحـي

سعد السمين ,معيض الضعيني ,اللحالي الغيداني معجبون بهذا

[اللحالي]

كفو كفو يابو مناحي هذي هقوتي فيك

يابن العم آيوالله سعة الصدر زينه يمكن السّبب
يعرف حجمه زين مندون زرقة سهم

ههههههه ماودنا بمخامش الخشوم ههههه

دام للصبر مدزّ / تسلم ياحربي

معيض الضعيني ,ابو مناحي معجبون بهذا

[ابو مناحي]

المشاركة الأصلية كتبت بواسطة اللحالي الغيداني

كفو كفو يابو مناحي هذي هقوتي فيك

يابن العم آيوالله سعة الصدر زينه يمكن السّبب
يعرف حجمه زين مندون زرقة سهم

ههههههه ماودنا بمخامش الخشوم ههههه

دام للصبر مدزّ / تسلم ياحربي

ماعليك زود يابو سلطان
وربي يسلمك من كل شر
وان شاء الله ماتصل زرق السهوم
مع اني مدري وين رحلتنا
ههههههههههههههه
ولك تحياتـــي وتقديـــــري

اللحالي الغيداني ,معيض الضعيني معجبون بهذا

[معيض الضعيني]

بيض الله واجيهكم وصحت السنتكم وعمالقه وابدعتم لاعدمناكم
والله يسدد اخطاكم ويغفر خطايكم

اللحالي الغيداني ,سعد السمين معجبون بهذا

[سعد السمين]

صح ألسنتكم
يابو سلطان
وأبو مناحي
جزلين الله يعافيكم
تحياتي وتقديري لكم

اللحالي الغيداني معجب بهذا

[اللحالي]

ابو وليد وابو تركي مشكورين ع الاشادات الجزله من الجزلين

وسامحونا بالتّقاصير نسرح بهالمعاني ولكن بطيبة بال

وانا احب الهواش مع ابو مناحي مثل مأأنتم شايفين

معيض الضعيني معجب بهذا