إضافة رد
 
أدوات الموضوع انواع عرض الموضوع
قديم 03-07-2015, 03:24 PM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 5,639

اوسمتي

افتراضي قلعة دومة الجندل


احبابي


من اعضاء وعضوات والزّوار والزّايرات


السلام عليكم ورحمة الله وبركاته احببت اهدي لكم هذا الموضوع من احد مدن الجوف لعلّه ينال أستحسانكم


بأختصار صارت لي سفره لمناطق عدّه منها الجوف ؛ تبوك ؛ حقل؛ العلاء ؛ حائل ؛ القصيم حيث الموطن وهذه السفره لم يتسنّى للوزير مرافقتي


ولا المواطن هههههه


يعني صرت لوحدي في هذه الرّحله / وصرت اسولف على روحي بالسوالف القافيّه


ومن ماسولفت إليكم من السّالفه الاولى ؛؛؛؛ أقول



من يمّة الفيحاء مشيت وتعدّيت=حايل ولمّ الجوف ليّ فيه موضوع

‎ ‎‎ ‎ ‎ = ‎ ‎ ‎
وصلت مقصودي وعنده تمسّيت=ومع المساء يومين من حسبة اسبوع

‎ ‎‎ ‎ ‎ = ‎ ‎ ‎
ومن دومة الجندل تنهّض شفرليت=وعلى محطّة التّزوّد بميقوع

‎ ‎‎ ‎ ‎ = ‎ ‎ ‎
وعطيته المطلوب ثمّ استمرّيت=مع الطّريق اللي لتبوك مشروع

‎ ‎‎ ‎ ‎ = ‎ ‎ ‎
وبمثلّث العجرم وقفت وتقهويت=من واهجن للكيف ماهوب من جوع




يا أحبتي "لهانا" يكفي
ما ترضون لي أكشف كل الأمور السّموحه من الجميع /ادري ان ابومناحي وثنين غير بيهاوشوني لكن بحاول "من هان وهان ، إيه"








من أطراف منازل القلعه التاريخيّه بدومة الجندل وكما في الصّور المباني كثيرة التّهدّم وتراكم احجار البناء على بعضها





كما ترون بالصّوره أعلاه الكثير من مخلّفات المزارعين المجاورين لمنازل القريه التاريخيّه وهذه صوره مؤسفه تشوّه المواقع التي يرتادها كثير من عشّاق التراث







القلعه من أحد الجوانب على المرتفع الجبلي من الجنوب لمنازل القلعه


وإليكم من بقايا المباني الحجريه بالقلعه التي تهدّم اغلبها ولا زال بعضها قائم ويشاهد بالصوره منارة الجامع بالقلعه وكذلك القلعه




قرون من السنين عديده ولازال بعض المساكن قائم











كما ترون مداخل مبنيّه من قرون وكأنّ لها سنين فقط








علو منارة الجامع بمنازل القلعه وخلفه بالصوره أسفل القلعه




ناتي هنا بالقرب لجامع القلعه المسمّى بمسجد عمر ابن الخطّاب رضي الله عنه ، قيل انّه هو من اشار بتصميمه بعد ان شاهد ؛ المسجد الاقصى وفي عودته أشار بذلك
وحين انا دخلت الجامع وشاهدت الاعمده اراها متقاربه مع اعمدة الاقصى ما عدى فارق جُبْرَ الاعمده بالاقصى وقضف الاعمده في هذا الجامع الصّغير بالنسبه للاقصى
حيث انّي سبق وان شاهدت صور للمسجد الاقصى




ياذالحمام اللي على أبراج الاطلال=وش هقوتك بمصمّمين القواتيل





ماقول غير الفرق في حال عن حال=ذولا سلالات الزّحول الحلاحيل

يا غاليني لاتواخذون الشايب يسولف على حاله




من الجوانب القريبه للجامع في القلعه






هذه الصّوره تبيّن احد ابراج القلعه والتي تم تجديدها على الشكل المعماري القديم












من احد جوانب القلعه









من احد دهاليز القلعه المسمّاه حاليّاً مداخل وممرّات فهي أقل من ان يقال لها زقاق كما يسمّى بالحجاز



كذلك الدهاليز القريبه من الجامع أقل من ان يقال لها زقاق حجازي هي مجرّد ممرّات

















هذه من السّاحات المجدّده والمعده كـ ساحات لعرض التمور والزيتون بالمواسم الزّراعيّه وغيرها






وهذه كذلك






لم أرى أجمل من هذا البناء الحجري في ماعرفت او سمعت من واصف دقيق















هذه قواعد المئذنه يتوسطها مدخل الجامع



كما هو باين الدخول من تحت المناره كما تسمّى الآن







بعد الدخول من تحت المناره الالتفاف لليمين والدخول مع هذا الباب والنّزول مع الدّرج




الدّرج النّازل للجامع من جهة اليمين للمصلّي





بداية النزول للجامع بالدّرج


صوره للمناره بعد النّزول لأرضيّة الجامع والدّرج الخاصّ بالمناره










بعد النّزول مع الدّرج وصلنا للجامع وهذه اوّل الاعمده





كما ترون الاعمده لجامع القلعه بدومة الجندل












هذه أعلى الاعمده من الدّاخل مسقوفه من اعمدة شجر الاثل على الاحجار





اعمدة الجامع من الخلف والمبلّطه أرضيّتها بأحجار











المسجد الخلفي من الجامع وأبواب الدخول إليه من الامام






هذا محراب المسجد الخلفي


















من الجامع





من الجامع





من أمام الجامع

محراب الجامع ومنبر الخطيب




وسط الجامع محاذات الخطيب والإمام






علو وسط الجامع






من يمين الجامع الخروج


القلعه




القلعه المطلّه على كل ماحولها من مباني







زير لماء الشرب عند المدخل للجامع ولوحه كتب بها (مسجد عمر ابن الخطاب) والمعذرة إنّ الصورة لم تكن كاملة ليتبيّن ما كُتِب










مباني من القلعه لازالت بحاله سليمه






منازل من القلعه كذلك سليمه كما بداية تشييدها






هذه الصوره من على سطح الجامع لماحوله من المباني المتهدّم اغلبها








منارة الجامع بقلعة دومة الجندل




سطح الجامع












من سطح الجامع










منارة الجامع















من المباني السليمه بالقلعه


أحد جوانب القلعه من جهة الشمال وهو المطلّ على المباني السكنيّه للقلعه مباشره




من احد جوانب منازل القلعه












درج سطح الجامع ومثاعب السيول










مدخل سوق القلعه التجاري المسمّى سابقاً مدخل الحوانيت
ولكن لم يبقى سوى حوانيته الشّرقيّه أمّا الغربيّه و الشماليّه مزاله ولا أعرف السّبب







لعلّي اكون قدّمت لكم ياحبايبي موضوع يليق بأذواقكم وتقبّلوا تحيات وتقدير واحترام الشايب والمعذره بالقصور

__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 03-08-2015, 12:35 AM   #2
اصايل
إدارة عامّة
 
الصورة الرمزية اصايل
 
تاريخ التسجيل: Jul 2014
المشاركات: 5,094

اوسمتي

افتراضي

ماشاء الله تبارك الله

رووووووووووعه الله يعطيك العافيه بس لو يهتموا فيها شوي خساره

يبغالها زياره بس في النهار لانها تخوف في الليل بسم لله ^^

تحياتي وتقديري
__________________


اصايل غير متواجد حالياً   رد مع اقتباس
قديم 03-08-2015, 12:42 AM   #3
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,700

اوسمتي

افتراضي

وعليكم السلام ورحمة الله وبركاته

ماشاءالله تبارك الله وش هالزين ياجدي انت صور رائعه واكثر من رائعه

ياسبحان الله رغم القدم الا انها لاتزال متماسكه وواضحة المعالم

بس عاد ليه يوم صرت رايح لحالك ماخذت رجاوي وخذتنا معها كان تصير احلا رحله هههههههههههههههههه
ترانيم حربيه غير متواجد حالياً   رد مع اقتباس
قديم 03-08-2015, 01:02 AM   #4
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 5,639

اوسمتي

افتراضي

اقتباس:
المشاركة الأصلية كتبت بواسطة اصايل مشاهدة المشاركة
ماشاء الله تبارك الله

رووووووووووعه الله يعطيك العافيه بس لو يهتموا فيها شوي خساره

يبغالها زياره بس في النهار لانها تخوف في الليل بسم لله ^^

تحياتي وتقديري
عافاك الله يابنت حرب مشكوره على الاشاده الجزله
منّك يالجزله / وعلى قولتك يابنتي لو تجد اهتمام
لجزالة مقامها التاريخي الاسلامي
لكن نقول الامر يوم إذن لله
والله يوم شفت التهدم اللي حول الجامع انّي انغثيت
ولكن الشكوالله مشكوره اصايل
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 03-08-2015, 01:19 AM   #5
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 5,639

اوسمتي

افتراضي

اقتباس:
المشاركة الأصلية كتبت بواسطة ترانيم حربيه مشاهدة المشاركة
وعليكم السلام ورحمة الله وبركاته

ماشاءالله تبارك الله وش هالزين ياجدي انت صور رائعه واكثر من رائعه

ياسبحان الله رغم القدم الا انها لاتزال متماسكه وواضحة المعالم

بس عاد ليه يوم صرت رايح لحالك ماخذت رجاوي وخذتنا معها كان تصير احلا رحله هههههههههههههههههه
هلابك يابنتي والله يجزاك الخير على الاشاده الجزله منّك يالجزله مشكوره يابنت حرب

وبعدين ليه اروح بكم لو رحتم معي كان كل 50 كم
نتهاوش ماسلمنا من الهواش بالمنتدى حتى نتصاحب بالسفر ههههههههه وانا بالسفر
آكل أكل الجمال وعلى الله الاتكال
ماهو شوووووههههههه
وامي جايبتني لحالي الله يرحمها
بلا حربيّات بلا همّ
حتّى اللي قبل يخاوونني جرّبت الرّاحه منهم
لكن القلعه الثّانيه بتبوك ماعليها طريق اللي هي
(قلعةوادرين) من وين ليّ طائره شراعيّه الله يسهّل
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 03-08-2015, 01:40 AM   #6
اصايل
إدارة عامّة
 
الصورة الرمزية اصايل
 
تاريخ التسجيل: Jul 2014
المشاركات: 5,094

اوسمتي

افتراضي

بلا حربيات بلاهم

ههههههههههه أفا وش دعوى قلبت علينا ياعم بعد السفر

لاعاد تسافر ^^الله يسعدك
__________________


اصايل غير متواجد حالياً   رد مع اقتباس
قديم 03-11-2015, 04:50 PM   #7
رجآوي
إدارة عامّة
 
تاريخ التسجيل: Apr 2014
الدولة: بَيْنَ ذِكْرَىَ وَحَنِينْ
المشاركات: 560

اوسمتي

افتراضي

صراحة أماكن تستحقّ الزيّارة بحقّ

،

ترآنيم خلّينا وأناختك ليا بغينا نروح نروح لحالنا ، بلا حروب بلا همّ < أبد ما تردّها ههههههههههههه

.


رجآوي غير متواجد حالياً   رد مع اقتباس
قديم 03-11-2015, 05:54 PM   #8
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,700

اوسمتي

افتراضي

اقتباس:
المشاركة الأصلية كتبت بواسطة رجآوي مشاهدة المشاركة
صراحة أماكن تستحقّ الزيّارة بحقّ

،

ترآنيم خلّينا وأناختك ليا بغينا نروح نروح لحالنا ، بلا حروب بلا همّ < أبد ما تردّها ههههههههههههه

.


ياريت على قول المصري ههههههههههه

مهي المشكله وانا اختك انا مانقدر نروح بلا هالحروب ولاكان من زمان رايحين هههههههههههه

الا ان كان وحده منا تتنكر بملابس رجال تراني مستعده واعرف اسوق خخخخخخخخخخخخ
ترانيم حربيه غير متواجد حالياً   رد مع اقتباس
قديم 03-11-2015, 10:21 PM   #9
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 5,639

اوسمتي

افتراضي

اقتباس:
المشاركة الأصلية كتبت بواسطة ترانيم حربيه مشاهدة المشاركة
ياريت على قول المصري ههههههههههه

مهي المشكله وانا اختك انا مانقدر نروح بلا هالحروب ولاكان من زمان رايحين هههههههههههه

الا ان كان وحده منا تتنكر بملابس رجال تراني مستعده واعرف اسوق خخخخخخخخخخخخ

هلا هلا يعني الحذر واجب

من الجنسين ههههههه
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 03-12-2015, 01:19 PM   #10
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,700

اوسمتي

افتراضي

اقتباس:
المشاركة الأصلية كتبت بواسطة اللحالي الغيداني مشاهدة المشاركة
هلا هلا يعني الحذر واجب

من الجنسين ههههههه

وش حذره يالشايب مهنا الا العوافي

بس رجاوي توافق وتبشر اطق الشماغ والعقال واللطمه

وامرها على فكس ار مهو شاص ومانخلي ديره بالشمال مانمرها

هههههههههههههههههه يااااااا لو اقدراسويها والله لسويها
ترانيم حربيه غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
خولة بنت ثعلبة اصايل تذكير من الآيات 2 06-09-2017 11:36 PM
قلعة المويلح اللحالي آثــار الــديــار 12 12-07-2015 09:05 PM
شيلة دولة التوحيد اللحالي جلسة النخبة 6 07-24-2015 06:28 PM


الساعة الآن 02:01 PM