كلن تسجّل سيرته في كتابه

[اللحالي]

كل بيت في هذي القصيدة درس مستقل من دروس الحياه

من لا يقاسم فالطعام الذيابه = يموت جوع ولقمته مشتهيها
ومن طق باب الناس ينطق بابه = و يذكّرونه في علومِ نسيها
ومن لاتفقد كل جابه وجابه = لا جاته الزلات يصبر عليها
ومن لايثمن فالمجالس جوابه = الطيّبه يبطي وهو يحتريها
و اللي يضيع فالملاقا ركابه = يجلس ويتركها لمن يمتطيها
ومن لايصد القوم ماينغزى به = والنايفات يموت ما يعتليها
واللي يسولف في ظهور القرابه= اخير منه اللي تحني يديها
واللي يقيّل في بيوت الخرابه= لو تطرده منها يروح ويجيها
وان مات والا عاش محدٍ درى به= يجهل علوم الطيب لو يدعيها
ومن لايهاب الناس محدٍ يهابه = ويرضى بها من هو لغيره رضيها
واللي يحسب الرزق يؤخذ نهابه = اليا انهبوه القوم لا يرتجيها
ومن لايفصّل فوق جسمه ثيابه = ياشين لبستها بعد يشتريها
والفعل يفرق والملامح تشابه = ولا للمواقف غير من يحتميها
واللي كلامه سيف صدره نصابه = و قدام ينطق كلمته يحتسيها
وكلن تسجل سيرته في كتابه = اما لها و الا تسجل عليها

للشاعر مطلق الثبيتي رحمه الله

اصايل معجب بهذا

[اصايل]

أبيات من ذهب
رحم الله الشاعر وبيض الله وجهك ع النقل الرائع

أحترامي

اللحالي الغيداني معجب بهذا

[دحمان-الحاج]

فعلا يا ابو سلطان كل بيت من هذه القصيدة درس مستقل من دروس الحياة
رحم الله الشاعر وتسلم يمينك على هذا النقل الجميل✏❔

اللحالي الغيداني معجب بهذا

[اللحالي]

المشاركة الأصلية كتبت بواسطة اصايل

أبيات من ذهب
رحم الله الشاعر وبيض الله وجهك ع النقل الرائع

أحترامي

نعم الله يرحم شاعرها واموات المسلمين

مشكوره اصايل حرب

على المرور جزاك الله خير

[اللحالي]

المشاركة الأصلية كتبت بواسطة دحمان-الحاج

فعلا يا ابو سلطان كل بيت من هذه القصيدة درس مستقل من دروس الحياة
رحم الله الشاعر وتسلم يمينك على هذا النقل الجميل✏❔

ابو براهيم انا اعتبرها هديتك مع غيرها

للمنتدى وعموم مرتاديه من مسؤلين وزوّار

دحمان الحاج ؛؛؛؛؛ ماني معلم ان لك

بالشّعر والسجع لاكنك ماترغب السّير في مجاله
لكن إذا تذكر لعمي الله يرحمه ؛ شيء

اتحفنا فيه
مشكور يالغالي