ديوان سعد تركي السمين الحربي

[سعد السمين]

مرثية
يالله يلـي بإسمـك الخلـق تدعـيـك

يـابـو سـعـد غـادرتـنـا يـــم بـاريــك=يوم إنتهى عمرك ونادتـك ساعتـك
قبل أمس أنا وياك جالس أقهويـك=واليوم تبكي العيـن لاشفـت دلتـك
ليتك محلي الحين يوم إني أرثيـك=وأنا محلـك ِفيًـه النـاس عـزتـك
ولا جلست أكتب لي أبيات وأنعيك=وعيني على ثوبك وبشتك وغترتك
كل ما دخلت البيت أنسى وأناديك=وأحيان أروح بـدون مـدري لغرفتـك
وليـا دخلـت العيـن قامـت تراعـيـك=وأقول ليتـه حلـم وأفـرح بشوفتـك
يابو سعد تدري بالأرواح نفديك=ولا فيه شي إلا لك نقول فدوتك
لكنها الأقدار من روحت فيك=ودون القدر مافاد قولة سلامتك
لو غاب جسمك طيب الذكر يحييك=وأنته ملكت الطيب والطيب عادتك
وحنا على دربك ونمشي مماشيك=ونحقق أمالك ونتبع وصيتك
وصيتنا بالوصل ناصل غواليك=ونهيتنا عن قطع باقي صداقتك
الله يقدرنا نحقق أمانيك=ونجمع رضى ربي وبرك ورغبتك
يالله يلـي بإسمك الخلـق تدعيـك=أنـت الوحيـد وكلنـا تـحـت رحمـتـك
أنتـه خلقـت الكـل والـكـل يرجـيـك=والعبد مهمـا صـار ترضيـه حكمتـك
والروح أمانـه والعمـر شـي بيديـك=ونحيـا بفضلـك ليـن تـاخـذ أمانـتـك
يالله عـبـدك يـرفـع يـديــه يـدعـيـك=أنـت الكريـم ونطلبـك مـن محبـتـك
أبـــوى عـنــا راح يـمــك ونـاصـيــك=إستقبلـه وإفتـح لـه أبـواب جنـتـك
سعد تركي السمين

اصايل ,اللحالي الغيداني ,معيض الضعيني معجبون بهذا