يا صاحبي وش فيك

[اللحالي]

ياصاحبي وشفيـك قلّـي عسـى خيـرتشكـي وانـا خابـرك رمـز الشجاعـة

ان كـان حـاديـك الـزمـن والمقـاديـرالصـبـر لـلـرّجّـال يـعـطـي مـنـاعـة

اسمـع وخـذ مـنـي نصيـحـه وتذكـيـرذرب الكـلام اللـي يفـيـدك سمـاعـه

صـــوادف الـدنـيـا ورود ومـصـاديــروافضـل كنـوز الوقـت كنـز القناعـة

اللـي كتبـه الله عـلـى عـبـده يصـيـرصـبـراً جمـيـل ودبــرة الله مطـاعـه

مادمت من روس الرجال المشاهيـرمايـرتـخـي راسٍ شـمــخ بارتـفـاعـه

بكره تبـي تلقـى العـوض بالمخاسيـرتاصل حبال الوصـل عقـب انقطاعـه

العـافـيـة تـســوى كـنــوز الدنـانـيـروالرجـل دايــم نجـدتـه مــن ذراعــه

صـكــات بـقـعـا لانـصـنّـك طـوابـيـرخـلـك كـمـا ضـلـعٍ تقـانـب سـبـاعـه

شـامـخ شـمـوخٍ مـاتـهـزه اعـاصـيـرلو هـو محاصـر بالخطـر كـل ساعـه

سايـر زمانـك وانتبـه تعكـس السـيـروسمـح الجنـاب اللـي يراعيـك راعـه

ربـعـك حـزامـك باللـيـال المعاسـيـرصــدرك عليـهـم لايضـيـق اتـسـاعـه

قـد قـالـو الـلـي يحكـمـون التعابـيـرتـرى يــد الله مــع يـديـن الجمـاعـة

حـذراك دينـك لايـجـي فـيـه تقصـيـرلاضـاع دينـك مـاش غـيـره طمـاعـه

ابلـيـس لــو زيّــن دروب المـحـاذيـرأبـعـد عــن الـلـي مايـجـوز اتـبـاعـه

عـقـب المـنـيـه ماتـفـيـد المـعـاذيـرواللـي يطيـع ابليـس مـالـه شفـاعـه

إشرْ الرفيق اللي يعينـك علـى الخيـروبيـع الـردي فالسـوق بيـع البضاعـة

لازم يجي مـن صاحـب السـوء تاثيـريـدوّر الـلـي يخـشـره فــي ضيـاعـه

اللـي يحمـل المسـك ماينفـخ الكـيـرومجـالـس المـقـرود يـاخـذ طبـاعـه

كـم مـن كبيـرٍ عقـل وعمـره صغيـروكم من كبير ... بعقل سن الرضاعة

لاتسـتـشـيـر الا حـكـيــم الـتـدابـيــررجــلٍ تـفـيـدك خـبـرتـه واطّـلاعــه

العاقـل يشـاور هـل العـرف ويشيـروكـلٍ علـى ماقيـل حسـب اقتنـاعـه

الطـيـب يـبـدي بالوجـيـه المسافـيـريـبـدي كـمـا نـــورٍ تـوهــج شـعـاعـه

يشفـيـك حــرٍ لانـهـض كـنـه الطـيـرالـطـيـب مـــزروعٍ بقـلـبـه زراعـــه

فـي طلتـه تلقـى السعـد والتباشـيـرواليـا نخيـتـه قــال سمـعـاً وطـاعـه

تلقى الكرامه عنـد ريـف الخطاطيـروتلقـى اللكـاعـه عـنـد راع اللكـاعـه

ما بالبشـر مخلـوق مـن غيـر تقصيـرمـيـر القـيـام يـكــون بالاستـطـاعـه

واليـا ظهـر سـرك ولوقـال فـي بيـرتــراه مـابـه بـيـر مــن غـيـر قـاعـه

يبـدي ويبـدي بـه مـن النـاس تزويـرحيث ان بعـض النـاس مثـل الاذاعـة

يصـبـح كـمـا جــمٍ مـلـتـه الغثـابـيـرويمسـي طعـام مروّجـيـن الاشـاعـة

الظلـم ظلمـه فـي وجـيـه المعاثـيـرمايفـلـح الظـالـم ولــو طــال بـاعـه

يلقى الجزا لو عقب طول المشاويـرســواة مـاسـوّاه واعـظــم شـنـاعـة

مـن دعـوة المظلـوم احـذرك تحذيـرالـيــا رفـــع لله كــــف الـضـراعــة

يجـيـب ربـــه دعـوتــه دون تـاخـيـروابــو قـنـاع يبـيـن خـافــي قـنـاعـه

راع الحسـد لـو ينـدفـع يـمـك مغـيـرعـنّـز عـلـى الله واتـركـه باندفـاعـه

كـل الصعـاب بـعـون ربــي تياسـيـرمـن يتـكـل بالله ومَــن كــل راعــه

قدمت لـك عـن واقـع الحـال تقريـرببـيـوت شـعـراً فـيـه فــن وبـراعــة

صدرتهـا مـن صافـي الفكـر تصـديـروحقوقـنـا مـاهـي حـقـوق الطبـاعـه

وختـامـهـا مـنــي تـحـيــة وتـقـديــرشـاري خـوي الطيـب مـاعـاد بـاعـه

‎               ‎‎               ‎                ‎‎                       ‎                       ‎

قصيده لا نعلم قائلها لكن صحّ لسانه

كماهو واضح بتعقيب الشاعره ترانيم حربيّه قالت ان القصيده للشّاعر رئد العالي العتيبي
المهم صح لسانه وكفو عليه الجزاله وأمثاله

اصايل معجب بهذا

[ترانيم حربيه]

صح لسان الشاعر

وتسلم ياجدي على الاختيار الرائع دايم اختياراتك موفقه

ربي يطول بعمرك ويسعدك

والقصيده للشاعر رائد العالي العتيبي

اللحالي الغيداني معجب بهذا

[اللحالي]

المشاركة الأصلية كتبت بواسطة ترانيم حربيه

صح لسان الشاعر

وتسلم ياجدي على الاختيار الرائع دايم اختياراتك موفقه

ربي يطول بعمرك ويسعدك

والقصيده للشاعر رائد العالي العتيبي

مشكوره يابنتي ترانيم
على الاشاده الجزله منّك
يالجزله ومشكوره على
ذكراسم شاعر القصيده
وباضيف اسم شاعرها

ولعلمك بنتصادق كلّ
هالرّبيع وبعده نشوف

[اصايل]

صح لسان الشاعر والناقل
ابيات رائعه واختيار راقي .

اللحالي الغيداني معجب بهذا

[اللحالي]

صح بدنك اصايل حرب

مشكوره يابنتي

اصايل معجب بهذا

[معيض الضعيني]

صح السان شاعرها وجزله من جزل
وتسلم يا ابو سلطان على النقل الجزل
وسلمت ترانيم على إثبات شاعرها
ودمتم بخير