10-09-2016, 06:21 PM
|
#1 |
|
مالك الموقع
تاريخ التسجيل: May 2014
المشاركات: 6,563
|
ذهول بعض الأوادم
يابو ابراهيم شفت الناس تطرد سراب=مدري وش اللي حصل ياخوي لعقولها يا مسندي بعد من ينشي ثقيل السّحاب=عقول بعض الأوادم يبحل أذهولها أجيال مستعربه مع يعرب الاعتراب=متسلسله والهزول تداخل اجزولها يمكن إنها نسيت التّمره بذيك العياب=متعولمه بالثقوف ونسيت جيولها وذهول بعض الأوادم من غبير التّراب=وذهول بعض الأوادم من طقق جولها وذهول بعض الأوادم من عويّ الذئاب=في ليلةٍ يتلف السّرّاي من طولها في سهلةٍ ما تسنّى له بها الاحتطاب=يقول وين السلامه نطلب احصولها من بردها اللي جمع فيه الرّهق والرّعاب=وعليه دهم السّحايب ترسل ثعولها هذا بوقتٍ مضى للنّاس فيه انتحاب=والنّاس يمشي مع الأوقات كنبولها وذهول بعض الأوادم صابها الاختباب=وذهول بعض الأوادم تجهل أوصولها تركض بهم راحلتهم في ذهاب وإياب=وين أنت ياللي تعلّمهم يدوهولها قالوا من العلم تتفتّح عقول الشباب=حتّى اللي تلفلف القذله بمريولها لكن على جوّهم خيّم قبيس وضباب=وتعريف نظراتهم في بطن مجهولها وجهودهم بالقضايا ما تفك النّشاب=ما به قضيّه تبرهن جهد مسؤلها وأشوف مشي الحمامه مهتويه الغراب=ويمكن يحسب إن زوله يشبه لزولها والفرق عندك خبر ماهوب حول الصّواب=البحر ما يشبه الوديان وسيولها واللي بنجد الجزيره في بياح الرّحاب=في عرض هضبة رحايب نجد وبطولها وجبال كلّ الحجاز وما بها من شعاب=ما ينتقارن بأربّا فارق اشكولها والفرق في من سكنهم فارق الانتساب=ما هي على جدّة الألباس وسمولها هاذي على سنّة الهادي ونهج الكتاب=وهناك قشر العقايد ويتنجووا لها واللي عرف مقصد اللي خرّ ساجد وأناب=ما هو مثل من جهل بالفلك واحمولها يابو ابراهيم شفت أمور منها ارتياب=والرّوس ما عاد تشفى من بنادولها وصداع راسي يسوق الفكر للأضتراب=من طوعة الناس للي يحبك قتولها والمشكل إن العدو معهم عزيز الجناب=هم الغنم والعدو في وصف مخيولها وين أنت يابن الوليد وشايطات الصّعاب=تشوف تذليلة الأعداء لمذلولها واللي هم أمثال خالد يتعبون الرّكاب=دواهي أوقاتها ما تفتر احيولها ياما على ظهورهم شالوا صفون الزّهاب=ومواطي خفوفهم ما تعرف نعولها بالله لو شافوا تويتر وواتس وسناب=مع باقي التّقنيات وناس صغيوا لها وش هقوتك وش توقّع ينسمع من جواب=عن ناس متفاخره في طايل شلولها بشلولها أقصد اللي يسبلون الثّياب=ماهو انشلال العقول وذهل مشلولها
__________________
لا إله إلا أنت سبحانك إنّي كنت من الظّالمين |
|
|
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
| أدوات الموضوع | |
| انواع عرض الموضوع | |
|
|
العرض الشجري