يا فاهمن قصدي وانا عنك نشّاد=على بعيد البعد يا بعد شوحي
ما هو بمدح بذات يشقى باﻷبداد=ولا استبيح الليل يكبح جموحي
لو قلت لك يابو مناحي بالأوكاد=عن ما درست وشفت ناتج نجوحي
وأشوف لي مع هدّة الناس مهداد=لكن غبوقي صار حزّة صبوحي
وأخذت كم قرطوع من غير مقصاد=في هادي التّرويق ماني شفوحي
وأقول لك في غاية القصد ميعاد=حول السّحاب اللي بروقه تلوحي
أشوف بعض الناس قليل الأفواد=من ما بداخل جوف صدره يفوحي
ويمدح بنفسه ويتباها للأشهاد=وعلى بعض الناس طبعه قبوحي
والنّاس ما يستعجلون التّهبّاد=وأنا مثل ما قيل من دون روحي
أوميت لي في من تعزوى باﻷبعاد=وأوميت لك في من سرح لك جموحي
نسوسهم ياخوي في طوي اﻷبعاد=والكل منّا مستفيد الرّبوحي
حنّا الحروب اللي عريبين الأجداد=من غير قاصر في شماخ الصروحي
وش أنت يا فرعون يا ذي اﻷوتاد=والله ما لك من طرفنا بيوحي

حييت ياللي للطواريق قصاد=وعلى ثمين العلم منت بشحوحي
والكيف له عندك مقاييس وقناد=وتشرح لغيرك منت باغي شروحي
وليا بغيت الراي بثبات الاسناد=الجد يفرق عن هروج المزوحي
واللي على الغرّات ضاري ومعتاد=ياكثر مايشكي كثير الجروحي
والطب في بعض المعاليل مافاد=وان مانتبهت اسقاك سمٍ ذحوحي
وانكان برق المزن يقفاه رعّاد=يرعد وفيه البرق يقدح قدوحي
ماهو غريب ان صار للزرع حصّاد=والديك قوقا والحمامه تنوحي
والبني جاله من هذولاك هدّاد=والذيب عقب اعواه عوّد نبوحي
اتصد لو انك تعرّض للالهاد=ولا شاف معروفك قصير الشبوحي
في داخل بلادك يبا بعير وشداد=ودّه يضحّي باللبن والمسوحي
واللي يقدّر قيمة الملح والزاد=باله وسيع وله قليبٍ نصوحي

المشاركة الأصلية كتبت بواسطة اللحالي الغيداني (المشاركة 6509) كفو كفو يابو مناحي هذي هقوتي فيك يابن العم آيوالله سعة الصدر زينه يمكن السّبب يعرف حجمه زين مندون زرقة سهم ههههههه ماودنا بمخامش الخشوم ههههه دام للصبر مدزّ / تسلم ياحربي