يالله يا مجري تصاريف الأفلاك

[اللحالي]

يالله يــا مـجـري تصـاريـف الأفـــلاك‎يـــارب يامـحـيـي الـديــار المـحـيـلـه

أنـت الكـريـم وكــل خلـقـك تـرجـاك‎نطـلـبـك جـــودك يامـنـجـي دخـيـلــه

يـافـارج الـشـدات بالضـيـق نـنـصـاك‎علـيـك تخـفـيـف الـحـمـول الثقـيـلـه

مـاخـاب مخـلـوق لـجـا لــك ونــاداك‎مـــن لا رحـمـتـه يـاالـولـي عزتـيـلـه

ياالعبـد لاتشكـي عـلـي غـيـر مــولاك‎مايجـدي المخـلـوق لــو تشتـكـي لــه

لـو تشتـكـي للعـبـد مـاثـاب شـكـواك‎مالـه علـى حـل المصـاعـب وسيـلـه

لاصــار ماتقـضـي لـزومــك بيـمـنـاك‎مقـسـوم رزقــك ماتحـوشـه ابحيـلـه

لاتحـتـمـل مــعــروف هــــذا ولا ذاك‎لــو قـــل مـالــك والـمــوارد قلـيـلـه

لاشــك نفـسـك عـزهـا عــن دنـايـاك‎والـــرزق خـــلاق الـخـلايـق كـفـيـلـه

ولا تلتـهـي بالـمـال والـمـوت يقـفـاك‎الـعـمـر يـفـنـا بـيــن يـومــن ولـيـلـه

تسـيـر بــك سـمـر الليـالـي لمـثـواك‎ومـن طـول المنـزل لزومـن رحيـلـه

لابــد مــن يـومـن عـــذاراك تـنـعـاك‎ولابـــد مـــا يـنـقـال هــيــا نـشـيـلـه

مـافـيـه بالـدنـيـا مـواطــن ومــــلاك‎كـلـن يسـيـر وعـابـرن فــي سبـيـلـه

وكانـك تحـسـب انــك مخـلـد بدنـيـاك‎فـكـر ونـاظـر ويــن جـــدك وجـيـلـه

واسمع كلام اللي علـى الخيـر وصـاك‎قـولـه يـحـثـك لـلـشـرف والفضـيـلـه

يـرشـدك لــدروب المـكـارم وينـهـاك‎‏‎‎عـن موقعـن فيـه الـدنـس والرذيـلـه‎

وعن صحبـة الهلبـاج والـلاش حـذراك‎مـن صاحـب الخايـب يحـطـه زميـلـه

قريـن ســو ابلـيـس مغـويـه وأغــواك‎عـمـيــل شــــر ولا يــربــح عـمـيـلـه

عـزاه لـك مـن خـوتـه كــان خــاواك‎يرمـيـك بـــدروب الـــردا والفشـيـلـه

عـلـيـك بـالـلـي للشـرابـيـك فــكــاك‎قرمـن اليـا حـدك لزومـك تـجـي لــه

لا جيـب علـم الطيـب ينقـال شـرواك‎يـرقـا درج ممـشـا الخـصـال النبيـلـه

والا الـردي لـوهـو ولــد عــم يجـفـاك‎ورايـــه بـعــد مايستـشـيـر الحلـيـلـه

وش عاد لـو تقضـي لزومـه ليـا جـاكتجـهـد علـيـه وفــوق راســك تشيـلـه

اليـا قضـى بــك حاجـتـه راح يشـنـاك‎وغيرك عمل بـه طيـب وانكـر جميلـه

الـيـا بـدالـه لازمـــن جـــاك يـنـخـاك‎وان درت بــه لازم ضـلـوعـه هـزيـلـه

مدحك يغيضه كـان بـه جيـب طريـاك‎وعـلـيـك يـفــرح بـالـخـزا والخـذيـلـه

ضميـره اسـود والحسـد ســم فـتـاك‎الـيـا سـمـع مـدحــك تـــزاود غلـيـلـه

قـصـده يـغــار ولايـســوي سـوايــاككـبــه وتـلـقـا لـــك رفــيــق بـديـلــه

تـراه مهمـا جـدت لـه خـاب مسعـاك‎ومــن تــاه فـكـره مايـفـيـد الدلـيـلـه

عليك باللي دوم يحـرص علـى رضـاك‎قـريـب لــك لــو هــو بعـيـد القبـيـلـه

احرص عليـه وسامـك العـرش ياقـاكيـروف بـك عــن كــل عيـلـه وميـلـه

واليا مشيت اجعل على الحق ممشاك‎مـايـرتـفـع راع الــدجــل والـخـتـيـلـه

وصلواعلى اللي بالهدى زال الأشـراك‎‏شفيعـنـا عــن حـــر جـمــر الملـيـلـه

الشّاعر تركي بن فوزان بن ماضي التميمي

اصايل معجب بهذا

[اصايل]

اللهم صل وسلم ع نبينا محمد
صح لسان الشاعر
وسلمت يمناك ع النقل الرائع
كل التقدير والاحترام

اللحالي الغيداني معجب بهذا

[اللحالي]

آمين الله يجزاك الخير مديرتنا

اصايل حرب ؛ تحيّه وتقدير