من كثر مايطري على البال طاريه

[سعد السمين]

من كثر مايطري على البال طـاريه=طـاريه علـم دمعتـي الجـاذبيه
صار الحزن للقلب صـاحب يباريه=ولاهو بكيفي الحزن غصبن عليه
ملزوم أعيش الحزن ولا أجـاريه=وما قـدر الله شي ماهـو بيـديه
ومالي على الاقدار أية مشاريه=وعسـاه بـالجنـه وحيـاته هنيـه

BnT AllAhAlE ,اصايل معجبون بهذا

[اصايل]

صـــح لسانكـ. أخوي سعد
أبيات مؤثره الله يبعد عنك الحزن ويسعد قلبكـ ياخوي

والله يرحمه يارب ويسكنه الفردوس الإعلى

دمت بحفظ الرحمن

سعد السمين معجب بهذا

[سعد السمين]

المشاركة الأصلية كتبت بواسطة اصايل

صـــح لسانكـ. أخوي سعد
أبيات مؤثره الله يبعد عنك الحزن ويسعد قلبكـ ياخوي

والله يرحمه يارب ويسكنه الفردوس الإعلى

دمت بحفظ الرحمن

اللهم آمين
صح بدنك اختي أصايل
الله يسعدك ويحفظك
دمتي بخير

[ترانيم حربيه]

ياصعب نسيانهم يابوتركي من 12 سنه وللحين ماقدرت انساه

جعل ربي يجمعني فيه بجنات النعيم وربي يبعد عنك الحزن

والدموع ويرحم ميتك ويسعدك دنيا واخره

سعد السمين معجب بهذا

[سعد السمين]

المشاركة الأصلية كتبت بواسطة ترانيم حربيه

ياصعب نسيانهم يابوتركي من 12 سنه وللحين ماقدرت انساه

جعل ربي يجمعني فيه بجنات النعيم وربي يبعد عنك الحزن

والدموع ويرحم ميتك ويسعدك دنيا واخره

اللهم آمين
ويسعدك ويحقق آمالك ويحفظك ياالغاليه
أدري والله ياترانيم الحزن بركان خامد يندفن مايروح
لا راح اللي قبل 15 سنه ولا ألتئم اللي له شهور
ولكن لانملك إلا الدعاء لهم
أسأل الله أن يجمعنا بهم في جنات النعيم
دمتي بخير

[رجآوي]

الهمّ عسى الله بقدرتـه يجليـه ~ ولا يأسرك وتصير مثل الضحيّه

والحزن ينزاح ويصحـب بلاويـه ~ لا صـارت آملـك بـربّـك قـويّـه

والمـوت حــقّ وكلّـنـا ذايقـيـه ~ نطلب رضـى الله قبـل المنيّـه

والماضي المؤلـم لازمٍ تنسيـه ~ حاضرك من ربّك أفضـل هديّـه

،،

الله يرحم ميّت المسلمين وحيّهم

ما يقدر الواحد فينا ينسى أكيد نحن بشر ، لكن يحاول يشغل نفسه باللي ينفعه وينفع من فقده ، أفضل من وقت يقضيه بين دموع وجراح وأحزان وضيقه

وصحّ إيمانك يا سعد ولا هنت

.

اصايل ,سعد السمين معجبون بهذا

[سعد السمين]

المشاركة الأصلية كتبت بواسطة bnt allahale

الهمّ عسى الله بقدرتـه يجليـه ~ ولا يأسرك وتصير مثل الضحيّه

والحزن ينزاح ويصحـب بلاويـه ~ لا صـارت آملـك بـربّـك قـويّـه

والمـوت حــقّ وكلّـنـا ذايقـيـه ~ نطلب رضـى الله قبـل المنيّـه

والماضي المؤلـم لازمٍ تنسيـه ~ حاضرك من ربّك أفضـل هديّـه

،،

الله يرحم ميّت المسلمين وحيّهم

ما يقدر الواحد فينا ينسى أكيد نحن بشر ، لكن يحاول يشغل نفسه باللي ينفعه وينفع من فقده ، أفضل من وقت يقضيه بين دموع وجراح وأحزان وضيقه

وصحّ إيمانك يا سعد ولا هنت

.

اللهم آمين
صح بدنك أختي بنت اللحالي الله يحفظك ويوفقك
لاتحسبين اني دافن نفسي بالحزن ولا أنظر للمستقبل
بالعكس ماحد يموت مع الميت ولو أن الحزن يبقى في القلب

يامرحبافي بنت رجال نغليه=غلاه وسط النفس ماهو شويه
أحب راعي النصح وآقف وأحييه=وأقدر اللي يقدم النصح ليه
من فيه منهو ماشكى فقد غاليه= ومن فيه منهو مارضى بالمنيه
الكل راضي لكن الحزن يبديه=وحنا رضينا بحكم رب البريه
وماكل مانكتب بوقته نعانيه=وأبشرك ماني لحزني ضحيه

BnT AllAhAlE ,اصايل معجبون بهذا