ثمينات المعاني

[ابو مناحي]

عن الاحداث عبّر يازماني=وعطني من ثمينات المعاني
بجزل الشعر وبيوتٍ نوادر=فرايدها لها تعبير ثاني
تكمل باللزوم اليا بغيته=وتعطيني عن الواقع بياني
وانا شاعر وشعري كم حشمته=عن الهزلات من طول الزماني
ولاجا بالمواقيف الرديه=حشمته واعتلا باعلى مكاني
ولا قللت في قدر الرفاقه=سوا بالفعل او نطق اللساني
ونزلت النشاما بمنزلتهم=رجال العرف ذربين اليماني
مداغيش العيال اهل المواقف=اذا دارت محاحيل الزماني
على وضح النقاء ماهو مجامل=ولاجاملت انا قاصي وداني
بعيد الشوح وانظاري بعيده=بصف الجدي وسهيل اليماني
وعلمي واضحٍ مافيه ريبه=ولا يحتاج شرح وترجماني
يعيش اللي على الجزلات راهن=حكيم وفاز في كسب الرهاني
الا ياكبر ماله من مكانه=تجدد بالدقايق والثواني
وسيع العرف محمود السجايا=وانا بالوقت اعده من خواني
كتبت الشعر فيه ويستحقه=وشعري طاع لامري ماعصاني
عسى راع الوفاء تبطي سنينه=ويكرم عن مواقيف الهواني
ختام القول هذا اللي طرالي=دعيت القاف مدري هو دعاني
وسجلت الحقايق من جديدي=بقافٍ فيه من سحر البياني
عن التجديد وختامه تحيه=وصوت الحق يسمع بالاذاني
=.
=ناصر الشميلاني

اللحالي الغيداني ,معيض الضعيني ,أيوب و 2 آخرون معجبون بهذا

رجآوي ,اصايل

[اصايل]

كفو
صح لسااانك وبيض الله وجهك

ابداع أخوي القدير ☆ناصر الشميلاني☆
دمت بحفظ الرحمن

[رجآوي]

رائعة وصحّ إيمانك على هالمعاني الجميلة

أبدعت الله يحفظك

.

[اللحالي]

صح لسانك يابومناحي على الجزله من الجزل
تحياتي وتقديري

[معيض الضعيني]

صح السانك ابو مناحي وجزله من جزل لاعدمناك

[سعد السمين]

صح لسانك يابو مناحي
مبدع كما عهدناك
تحياتي وتقديري لك