على يمينك

[اللحالي]

لا تعترض في سيرتي يا محيميد=مانت الوحيد بما تمدّ الأيادي

على يمينك من يصارع لواهيد=وأنت السّبب يا محتزم للطّرادي

تبي تخمّ الطّيب وتزيد وتعيد=وتكرر العودات بالأزتيادي

ما هو على كيفك كفيت الحواسيد=أنا سليل ملاعبين الهنادي

يوم العصور بحال شدّ السّواعيد=للخيل سرج وللمطايا شدادي

لليوم دايم عن بعضهم نواشيد=وعليّ أنا بالذّات لهم رصادي

لو يسمعون إنّي ضعيف المهاديد=جولي سكارى نجد بالأنهدادي

وأروح ضحيّة غيادين في عيد=ويصير قطف الرّوح ساعة عيادي

ثم وش يفيدك من فعول المقاريد=وأنا خويّك وابو فيصل يلادي

يابوك حنّا بين خلقن شواهيد=ومكشاتنا برفوق ما هو أهتبادي

ونعرف حيلاتك وسبك التّماهيد=والصّبر له حدّ ويبتّ القيادي

ومثلك لنا في بذلت الطّيب تشييد=وأنت تعرف غيدان بالاشتيادي

وتعرف ابن وايل ولافيك تنويد=ما يأخذ نعاسك براسك نيادي

وأنا يا ابن راشد بديت التّواديد=ومراعين خالد بكلّ الودادي

خويّنا توصف عليه الصّناديد=يا حيّ ابن منصور علمن وكادي

الوايلي ما يلحقنّه مناقيد=على ما قالوا من طيور الهَدادي

يا حيّ أبو فيصل أمير الأواليد=من غير قاصر فالكرام الجيادي

وكانك يابو فارس تجيد التّهاجيد=في ماضي سنينك وباللي جدادي

هدابيّات الشّام لو هن مقاييد= ما برّكن بحمولهن بالحمادي

جن من دمشق الشّام مع جرهد البيد=يبنّ مكّه حاملات العتادي

ويمشون معهن حاملين البواريد=ما همّهم لو المسير متمادي

في ماينات أحوالهم والتّحاشيد=مثل الصّقور مشعثرات الثّنادي

في وقتهم من جودهم بالتّساديد=يوم الضِّوي تشعل بقدح الزّنادي

واليوم حنّا في شريعه وتوحيد=ونبذل من المجهود ونقول عادي

وكان أنت يالعوفي طموع التّواجيد=وطبعك بمزروع الكرم لك حصادي

مانت الوحيد اللي دفعت المفاريد=للمغترات مفتّخات الأيادي

وأنا ماجبت السّالفه لجل تشويد=لكن تورّيت استبيح العنادي

معيض الضعيني ,اصايل معجبون بهذا

[اصايل]

معيض الضعيني ,اللحالي الغيداني معجبون بهذا

[اللحالي]

صح بدنك اصايل الله يجزاك الخير

هالقصيده ؛ سببها طلعنا رحله برّيّه قبل يومين من تاريخ نشرها بالمنتدى

انا وواحد عوفي ووحد عنزي ؛ كلهم رجال كرم
الله يوفقنا وياهم ولكن العوفي زوّد السالفه

غير اللي لخواصّ الرحله من الجميع ومع ان السياره سيارته ؛ يبي الزيادات المضافه عليه

ويتغيفلنا بشراءها ويقول حاجات بسيطه

وحنّا شايفين حالنا شوي انا يالغيداني

والعنزي مانبيه يغلبنا

وتورّيت انّي أتهاوش معه بهالابيات

عشانه رجل كفو وخويّنا الثالث بعد كفو

الله يوفقهم واخوانهم المسلمين

معيض الضعيني ,اصايل معجبون بهذا

[اصايل]

والنعم فيكم جميع
بيض الله وجيهكم

معيض الضعيني ,اللحالي الغيداني معجبون بهذا

[دحمان-الحاج]

صح لسانك يا ابو سلطان
والله وألفين نعم فيك
وفي اخوياك
العوفي والعنزي

معيض الضعيني ,اللحالي الغيداني معجبون بهذا

[اللحالي]

ماعليك زود يابو براهيم

صح بدنك يالغالي لاهنت ياخوي

معيض الضعيني معجب بهذا

[معيض الضعيني]

صح السانك ابو سلطان ونعم بالجميع وما شاء الله ابدعت واجزلت يا الجزل

اللحالي الغيداني معجب بهذا

[اللحالي]

والنعم بك ابو وليد وصح بدنك

ولا عليك زود وامثالك

تحياتي للجميع

معيض الضعيني معجب بهذا

[ترانيم حربيه]

صح لسانك واعتلا شانك قصيدة رائعه مافيك حيلة يالشايب

بس حتى بطلعات البر والوناسه لازم مهاااوش ههههههههههههههه

بنشوف لك حل ان شاء الله مع الهواش يسهل الله

خخخخخخخخخخخخخخخخخخخخخخ

معيض الضعيني ,اللحالي الغيداني معجبون بهذا

[اللحالي]

المشاركة الأصلية كتبت بواسطة ترانيم حربيه

صح لسانك واعتلا شانك قصيدة رائعه مافيك حيلة يالشايب

بس حتى بطلعات البر والوناسه لازم مهاااوش ههههههههههههههه

بنشوف لك حل ان شاء الله مع الهواش يسهل الله

خخخخخخخخخخخخخخخخخخخخخخ

صح بدنك يابنتي الجنّيّه الغاليه

هههههههههههههههههههههههههه

ترنومتي كما ذكرت بالقصيده وبكلام قبل هذا

العوفي هو اللي يبا الطّيب الاكثر له

ماحنّا مخلينه يغلبنا المسروحي

لا وخواله بني عمر

وانتي يابنتي توعدين بي وانا هالشايب
البدوي ؛ لكن مايطيعك قلبك الله يجزاك الخير
وبعدين من يهاوش حبايبي لو هاوشتيني
ههههههههههههههههههههههههههه

على ماقال المصري ؛ دناغلبان ياست الستّات
ههههههههههههههههههههههه

على الكل مشكوره ع أشادتك الجزله

منّك يالجزله ؛ هنا وهناك وكل مكان

تحياتي لك وللجميع

معيض الضعيني معجب بهذا