بركان الأفغان

[اللحالي]

‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎
مــن مملكتـنـا رفـعـت الـصّـوت بألحـانـه=مستـرسـلٍ مقـصـدي بأبـيـات شـعـريّـه
قـلـت أحـمـد الله ربَّ الخـلـق سبـحـانـه=عــلــى نــجـــاح اجـتــمــاع الاتـفـاقـيّــه
في شهر الإحسـان قـرب البيـت وأركانـه=الّلـي سـعـت بــه حكومتـنـا السعـوديّـه
مجـهـود وأنــا أحـمـد الله بـــان بـرهـانـه=فــي وقـــف ذيـــك الـقـتـالات الـدَّمـويّـه
يـــوم الـطِّـمـع ثـــار بـالأفـغـان بـركـانــه=عــن دينـهـم صـــارت الأفـكــار معـمـيّـه
وتـنـاحــروا بـالـسِّــلاح وثــــارت أفـتـانــه=مـنـهـم وفـيـهــم مـصـاديــر الـخَـطَـريّـه
وشـعـوب الإســلام مِـمَّـا صــار ذهـلانـه=وأرادهـــا الله بـبــذل جــهــود سِـلـمـيّـه
مجهـود اسمـه شَـرَفْ والمـجـد عنـوانـه=وقـواعـده مــن أصـــول الـدِّيــن مبـنـيّـه
مرسـول برقـي يخـصّ أحـزاب شَبكـانـه=مـــن قـائــد اســـلام لـلأحــزاب بـرقـيّـه
سعي الفهد في خصوص أوضاع صعبانه=مــا بـيـن قــاده عـلـى حـكـم الوطـنـيّـه
واخــوان فـهـد الجـزيـرة شانـهـم شـانـه=بـقـنــاع قــــادات بـريـاســه حـكـومـيّـه
ناشـدهـم الـفـهـد بالـرَّحـمـن سبـحـانـه=والشِّيـخ ابـن بــاز مثـلـه مخـلـص النـيّـه
بايقاف سفكة دماء المسلم مـن اخوانـه=ونـــزع الـخـلافــات واحــــلال الـمـودِّيــه
وتـــمّ اتّـفــاقٍ بـــه الأطـــراف رضـيـانــه=وعسـى يـدوم الـرِّضـى بـيـن الجهـاديّـه
والله يثيـب الفهـد مِــن واســع احسـانـه=والّلـي مـع الفهـد قصـده يمنـع السَّـيــه
السِّيئـة الّلـي مـا بيـن اخـوان قبسانـه=وشبّـة لهايـب مــا بـيـن أوســاط أهلـيّـه
نــارٍ مِـــن ألهـابـهـا الاجـســام حـرقـانـه=مــع انّـهـا مِــن جحـيـمٍ قـبــل مـشـويّـه
والـيـوم صــارت هـذيـك الـنّــار خـمـدانـه=ونــقـــول لـعـلّـهــا تــــــدوم مـطـفــيّــه
راجـيـن مَــن نرتـجـي عـفـوه وغـفـرانـه=يـغـيـث الأفـغــان فـــي ولـفــه أخــويّــه
بالمـوطـن الّـلـي قـديـمٍ عـهـد وجـدانــه=والشَّعـب الأفـغـان فــي دولــه أفغانـيّـه
شعبٍ بـذاك الوطـن مـن ماضـي أزمانـه=الشَّعـب مسلـم وفـي دولـة اسلامـيّـه
وطـن غــزاه الـعـدوّ مِــن جــور طغيـانـه=مسـتـهـدف الـبـعـض مـنـهـم للعـمـلـيَّـه
منهـم حكومـة ومعهـا الــرّوس طمعـانـه=فـي ضـمّ ذاك الوطـن لأمــلاك روسـيَّـه
بقـيـادةٍ مِــن دروس الــرّوس طيـشـانـه=تـديـرهـا الـــرّوس بسـيـاسـات ســرِّيــه
بـانـت بـعـد وقــت مــرّوا فـيــه خفـيـانـه=مــن عـمـلـةٍ لـفـتـزاز جـمــوع شعـبـيَّـه
منهـا المـواطـن شـعـر بأخـطـار عـدوانـه=وإنّ الـخـطــورة بـلـيّــا شــــكّ حـتـمـيّـه
بـيـن العميـلـه وبـيـن الشَّـعـب بأوطـانـه=خـطـورةٍ مِــن هَــل الأهـــداف مَنـشـيَّـه
الّـلـي غــزوه بجـيـوشٍ جـــات عـجـلانـه=قــــــوّات بـــرّيـــه وقــــــوّات جـــوّيـــه
والشَّعـب جاتـه جيـوشْ أهـالـت أذهـانـه=مــا كــان يـقـدر عـلـى صــدَّ الهجـومـيّـه
وتـشـرّدوا مــن وطنـهـم غـــدر وخـيـانـه=بـأرقـابـهــم والـعــوايــل لأرض أمــنــيّــه
وسمـح باكستـان بــــدخــول جيـرانـه=عــمّــا سـمـعـتـه بمـنـطـقـةٍ حــدوديَّــه
تـوافـدوهــا بــدفــع أقـــــدام حـيــرانــه=متـعـومـسـيـن الـفـكــايــر والـنَّـظــريَّــه
وأمـضــوا بـهــا فـتــرةٍ بـــأرواح حـزنـانـه=مِـــن مـوقــفٍ يـلـزمـه قـــوّات حـربـيَّـه
وتـدارســوا وضـعـهـم بـأفـكـار شـتّـانــه=الــيــد فـريـغــه وعـودتـهــم ضــروريَّـــه
وتـنـاهـمـوا لـلـجـهـاد رجــــال قـهـرانــه=مِـن مـا طردهـم عــن الأوطــان جبـريَّـه
ومـشـوا جـمـاعـات للمـحـتـلّ واعـوانــه=فـي بـادي المبـتـدى الشِّجـعـان رجلـيّـه
لجـل الشِّجاعـة لـهـا الشِّجـعـان هجّـانـه=كـــــلِّ تــزعّـــم جــمــاعــاتٍ قـتـالــيَّــه
مـقـاتــلٍ بـالـجـهـاد ســلاحــه إيـمــانــه=عـلــيــه مـجــهــود والــقـــدره إلـهــيَّــه
مـؤمـن بـمـا جــاء مِــن الخـالـق بقـرآنـه=الـمــهــتــدي بـالــهــدايــات الـنَّــبــويَّــه
لـو صابـه أخـطـر خـطـر مــا هــزّ بنيـانـه=مـتـثــبِّــتٍ بــالــرِّســـالات الـسِّــمــاويَّــه
عصـب علـى الـرَّاس مـا يحتـاج لاكفـانـه=ومــا يـسِّــر الله مِـــن أسـلـحـةٍ يـدويَّــه
ثــم استـقـام الجـهاد بفـعـل فـرسـانـه=وقـامـت دعـايـم هــلَ التـوحـيـد مـبـديَّـه
المملكـه فــي جـزيـل الـدَّعـم سخيانـه=مساعـي أهــل الـكـرم للخـيـر مسعـيَّـه
حـتَّــى بـهــا أفـــراد لـلـجـهـاد عـنـيـانـه=مـن شعـب آل سعـود للجـهـاد طوعـيَّـه
وأعداد جت مـن شعـوب اسـلام قدمانـه=تـوافــدوا واسـهـمــوا بـجـهــود فـعـلـيّـه
فيمـا حـصـل عـنـه كــلّ الـنّـاس دريـانـه=نـشــرات وأعــــلام وأقــــوال شـفـويَّــه
الـمـعـتــدي راح مـصــيــوبٍ بــخــذلانــه=والنَّـصـر لّـلـي لـــه الأوطـــان شـرعـيَّـه
وبـــلاد الأفـغــان عـــاد لـولـيـة أفـغـانـه=بَـعَـد قـتـال السِّـنـيـن مَـــعَ الشِّيـوعـيَّـه
قـتـالْ أعــاد الـوطـن لأوطـــان سـكّـانـه=بَــعَـــد قــتـــالٍ لـــــه الأرواح مــهــديَّــه
لـجـل الـوطـن صــارت الأرواح رخـصـانـه=مـــا كـنَّـهـا إلا لـحـفـل أفـــراح مـدعـيَّــه
مِــن شانـهـا فــي سبـيـل الله نهـجـانـه=مِــن سـامـح نـفـوس جـهــاد الفـدائـيَّـه
والّـلـي يـفـادي بـروحــه لـجــل جـدّانــه=لـــه الـفـخــر بالـشِّـجـاعـه والبـطـولـيَّـه
بطـولـة الـحـرب لّـلــي خـــاض مـيـدانـه=خــاض المـعـارك بالأفـعـال الشِّجـاعـيَّـه
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎