إضافة رد
 
أدوات الموضوع انواع عرض الموضوع
قديم 10-24-2019, 12:53 AM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي العلم يابن هندي

حبايبي مرتادي منتدى اللحالي
إيلكم الاتي منقول من (قروب شعراء الجزاله)
......
قال معيض؟
ابو عبدالله شاعرنا سالم المغيران
هيض شيبانا ابوخالد المحرول وابو سلطان اللحالي
ونطحهم الشمال قبل الربيع
وهم مستعجلين الله يهديهم تقل مايبونا معهم وانا متحلم ان التيس شايلينه معهم حي يبون يذبحونه حول حزم الجلاميد
وانا اديره ذيك ماابخصها ياابن هندي

وربعنا الباقين ساكتين تقل جايز لهم الوضع موعدين او معلمين بمكان ذبحت التويس

وانا حضي بري


الـعلم ياابن هندي على الجيب شيبان
يـــم الـشـمـال مـنـحـرين الـمـرامـيس

تركي المحرول على ايمنه ابو سلطان
الـلـحالي الـلـي شـجـعه بـالاحَـاسيس

خـذولـهـم عــزبـه بــهـا كــل غـرضـان
نــاويـن بـالـمـركوز تـعـلـقيت الـتـيس

تـوقـيـتـهم يــبــون قــبــل الـمـسـيـان
مـن شـأن فـك الـبوح لـكل الـهوجيس

الـكـل مـنـهم فــي زمـان مـن الازمـان
فــي كــل ديـره مـشيهم كـالعواسيس

وش حـيـلتك وش الـسـنع يـاكحيلان
نـبـي نــروح ونـقـعد لـهـم بـالمتاريس

مـن شـأن لاجـهز الـعشاء وجوهم زان
نـلـبق عـلـيهم لادمــس الـيل تـدميس

اعـلـومـهم يــطـرب لـهـا كــل طـربـان
مـن جـزلهم لامـن أطـلقوا لـلمحابيس

ولـقـروبـنـا ازكــــى تـحـيـه وعــرفـان
الــكــل مــنـهـم كــاســبً لـلـنـواميس

مـــعـــيـــض عـــــلــــي الــضــعــيـنـي

يـامعيض علمك زين يـاطير حوران
حركت لشجونـي وكل الاحـاسيـس

الجـيب مثــله جيب والتنـك مليـان
مجهز. ضـــد الوعـــر والتضــاريـس

نبيلنا. من مدهــل. الصيــد غـــزلان
والا حبــاري. متـعبــات. القرانيــس

البــر. له مشـهــاه. عنـدي وله شــان
وريح. النفل عندي ولاعطور باريس

يا زيــن شبــة نــارنــا عنــد غــدران
وفاح. العبق. من عشبهـا بالنسانيس

نســوي. لنــا فنجال من بن خــولان
وصفة علاج عـن جميع الحواسيس

ونلقا .العماوي واللحــالي بـليـهــان
وتركي سواليفه على البـال تنفـيس

مـجـهــزيـن البــن بــدلال رســـلان
ونخــاشر الغاليــن بمفطـح التـيس

وباق اخويـانـا ياهـل العرف لاهـان
حاضر مـع الغالين خلف. الكواليس

حسين عبيدالله بن هندي

يامرحبا... عداد...همّال... الامزان
بااللي سوالفهم. جداد و مداريس

كسابتٍ... للطيب...في كل ميدان
اهل هلا و محرقين ...المحاميس

صديقهم يقلط على اذناب خرفان
و عدوهم يمسي.. بهم وعواكيس

يومٍ. نجد امخيف و سنان و عنان
لياروحن... سرد...السبايا كراديس

مركاضهم يشبع به الذيب سرحان
باالسيف.. و الا بمهات.. النواديس

تركي المحرول

بسم الله.. ابداء. بالقوافي و الاوزان
اجمل.. بدايه. ياهل العرف والقيس

من بعد ذكره هاضني قاف. الاخوان
ماسجلوا. له وسط. بيض الكراريس

ربعٍ... لهم... بالمجد صفحه وعنوان
وليا... عتلوا..للخيل. فريس فريس

اعمهم... ماخصص... فلان. و فلان
اهل الفعل و الطيب. بكل المقاييس

وياماحلى يالربع في بعض الاحيان
رحلتك... مع ربعٍ تونسك... تونيس

في ديرةٍ... فيها... عن الهم.. مزبان
فيها الجبال. الشاهقه و الطعاميس

ليا خذت فيها سبوع كايف وطربان
جرعة.. علاجٍ عن جميع الهواجيس

وان كان جونا اللي لهم. عندنا شان
في مجلسي.. متر. اكيينن وجليس

والله لجر الصوت في عال الاللحان
فرحه.. بكم. و اشب نور الفوانيس

(سالم مغيران السليمي)

وافــي فداك عــداك ياذرب الايــمـان
ياالصــاحب الوافي بعيد المـراميــس

واللـه يبيـض وجــه ســالم مغيـــراان
راع المــليحـاا لاعتـزاا يـرهب ابليـس

غالــي ولـه مقــــدار عالـي ولا هــــان
ولاهــانوو اللــي يــكسبون النـواميس

وقـــال المــثل للعلــم زبــده وبرهــان
وللشـعر بحــر وللمــخايل عواسيـــس

محمــد حزام الجليــدي

يامعيض خذ بالقاف مايلفض لسان
من موهبة. بدع القوافي هجاريس

ماني بشاعر. مير دغدغتم..اشجان
ياللي.. بديتم... بالقوافي.. نباريس

اللي يقول حسين مع باق. الاخوان
جزل. المعاني سالمه.من هساهيس

مير اللحالي مع هل الشعر...غويان
يحس.في فكره.. منادغ...نواديس

و أليا.. سمع... بيتٍ.. بمعناه. مليان
يقول. ياسليمان وش حال. بلقيس

ماكنّه. إلاّ. عاش في ذيك.. الازمان
يحس في فكره لمافات.. تجسيس

و اليوم. من ثلاثة أصدوف شكيان
القلب. و السّكر. و خافق...نقاريس

ودّي على قطع.. الفيافي و شفقان
لكن. تحيّرني... سقوم.... الاوانيس

واخاف من عارض. يعكّر..لصفيان
وتعلو على عرش السعاده كوابيس

اللحالي اغيداني
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 10-24-2019, 01:59 AM   #2
معيض الضعيني
شـاعـر
 
تاريخ التسجيل: Aug 2014
المشاركات: 908

اوسمتي

افتراضي

بيض الله وجهك يا ابو سلطان على نقلك وصح السانك على قولك وجزلك وصحت ألسنت شعراء قروب الجزاله لاعدمناهم وحفظهم الله ورعاهم ودام المنتدى وراعيه
معيض الضعيني غير متواجد حالياً   رد مع اقتباس
قديم 10-24-2019, 02:15 AM   #3
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

ووجهك ابيض يابو ولبد
تستاهلون يأعضاء قروب شعراء الجزاله
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 01:26 AM