العود هذا تغيّر

[اللحالي]

كتب الشاعر طلال الغيداني

عزّ الله إنّ العود هذا تغيّر=وجاه التطوِّر في حدوده وبرّد
‎ ‎‎ ‎ ‎ = ‎ ‎ ‎
من يوم يومه ما عرفّ للمقيّر=وسط النّفود ومع جلادن مجرّد
‎ ‎‎ ‎ ‎ = ‎ ‎ ‎
عودن على جمسه وكنّه مذيّر=يكفيه ربّي من عيون المقرّد
‎ ‎‎ ‎ ‎ = ‎ ‎ ‎
واليوم توتَر شايبي بالزّريّر=وإليا بدعت القاف يحرجك بالرّد
‎ ‎‎ ‎ ‎ = ‎ ‎ ‎
واللي محيرني وهو ما تحيّر=العود صوته كيف لامنّ غرّد

وهو يقصد خاله اللحالي الغيداني

ردّ اللحالي :

حيّاك ياحضرة جناب الأوميّر=اللي على وكر الزّعامه تبرّد
‎ ‎‎ ‎ ‎ = ‎ ‎ ‎
شاعر على جزل القوافي يضيّر=قاف البيوت اللي عليهن تفرّد
‎ ‎‎ ‎ ‎ = ‎ ‎ ‎
وبديت فيهن تستفزّ وتعيّر=مختصرن الموضوع في خمس شرّد
‎ ‎‎ ‎ ‎ = ‎ ‎ ‎
عساك لمعادي بنادم دحيّر=لا تستبيح العود ثم يتمرّد
‎ ‎‎ ‎ ‎ = ‎ ‎ ‎
وأقول يا من جيت فيهن مسيّر=خذّ من على هدّاج تيماء مورّد
‎ ‎‎ ‎ ‎ = ‎ ‎ ‎
لو الجمل اليوم ما به اهديّر=يادوب بالمفلا يروح يتعرّد
‎ ‎‎ ‎ ‎ = ‎ ‎ ‎
لكن أنا بنشدك ياللي تميّر=ياللي بجزلات المواجز تجرّد
‎ ‎‎ ‎ ‎ = ‎ ‎ ‎
ما شفت بالنّفود أمّ الحويّر=اللي ولدها بالثّلايج تصرّد
‎ ‎‎ ‎ ‎ = ‎ ‎ ‎
عن مستشيط البرد ما له حظيّر=وذراه من لفح الهبايب تهرّد
‎ ‎‎ ‎ ‎ = ‎ ‎ ‎
وإن جاه حرّ القيض وين الغديّر=منه انحرم بأسباب طرد المسرّد
‎ ‎‎ ‎ ‎ = ‎ ‎ ‎
وتبيني أبقى في دياره مزيّر=والنّاس بالغبّه تصيّد زمرّد
‎ ‎‎ ‎ ‎ = ‎ ‎ ‎
ما قلت لي بالسّوق طبّ وتخيّر=طفليّةٍ تدفيك فيها تشرّد
‎ ‎‎ ‎ ‎ = ‎ ‎ ‎
باقيك يا مسيّر تحسبك مخيّر=باللي من الأوراد قام وتورّد

والسّموحه يابو رغد ومن الجميع

قافيّتك هذي أفحمتني فيها الله يجزاك خير والجميع هههههههههه

باقي شعرتين متكانفات الغاذيه وحتيتهن بهالقافيّه

لا تعوّد الشراسه ياااااااااااااااااا وإلاّ تدري بعدين ؛ الله يستر من بعض ناس

معيض الضعيني ,اصايل معجبون بهذا

[سعد السمين]

صّـْْ(☑)ـْْحّ لسان بناخيك
الشاعر طلال الغيداني
وصح لسانك يابو سلطان
مافيكم حيله الله يعطيكم العافية
دمتم بخير

اللحالي الغيداني معجب بهذا

[اللحالي]

صح بدنك يابو محمد

وماعليك زود يالغالي

ترى من الان ورايح ابو محمد
اعني ابوتركي /سعد السمين

[اللحالي]

انابارو للجديّده
من الرّوعه اغلطت بالكتيبه
بعض ناس ممممممم

[ترانيم حربيه]

صح لسان اخوي طلال وصح لسانك يالشايب مافيكم حيلة

والله معاه حق منت بسيط وصلت لتويتر يالشايب

دخلت صفحتك بغيت اضيفك عندي بس قلت خلها بعدين

كل اللي عندك رجال استحيت منهم خخخخخخخخخخخخخخخ

اللحالي الغيداني معجب بهذا

[اللحالي]

المشاركة الأصلية كتبت بواسطة ترانيم حربيه

صح لسان اخوي طلال وصح لسانك يالشايب مافيكم حيلة

والله معاه حق منت بسيط وصلت لتويتر يالشايب

دخلت صفحتك بغيت اضيفك عندي بس قلت خلها بعدين

كل اللي عندك رجال استحيت منهم خخخخخخخخخخخخخخخ

هههههههههههههههههههههههههه

انا خابر عائلة اللي عيونهم طول

مايستحون ولايهابون الله يدفع البلا

هههههههههههههههههههههه

والحمد لله على حضرة الاجواد

ههههههههههههههههههههه

يآآآآآآآآآآآآآآآآم

[معيض الضعيني]

الله الله صحت الالسن يا الغيادين يا عاسفين الشرد
وبيض الله اوجيهكم

اللحالي معجب بهذا

[اللحالي]

وياك ي ابو وليد ماعليك زود ي الغالي