على مهلك يا قلبي

[اللحالي]

‎

على مهلك يا قلبي وانت في صدرٍ طويل البال=ضلوعه في رجاء من عنده التوفيق واسبابه
‎ ‎‎ ‎ ‎ = ‎ ‎ ‎
يا كم خابت ظنون ٍ ما تراود غير طيّب فال=تعدّت بالحسايف والندم ما يحسب حسابه
‎ ‎‎ ‎ ‎ = ‎ ‎ ‎
لا شلت الهاجس الرجلي يطيح الهاجس الخيّال=ضميري كلّ ماهبّت هبوبه شرّعت بابه
‎ ‎‎ ‎ ‎ = ‎ ‎ ‎
تجارب عمري الماضي رمتني بين جال وجال=لعلّ المقبله ماعاد تلقى ما تلهّى به
‎ ‎‎ ‎ ‎ = ‎ ‎ ‎
عرفت أنّ الوجيه ألوان .. وقلوب العباد أشكال=ما تشبه بعضها لو كلّها من طين متشابه
‎ ‎‎ ‎ ‎ = ‎ ‎ ‎
ولوّ كلّ الرجال ذكور .. ما كلّ الذكور رجال=مفاهيم الرجوله عند بعض الناس كذابه
‎ ‎‎ ‎ ‎ = ‎ ‎ ‎
ابو هيكل رجولي يفتل الشارب بعد ما طال= وهرمون الذكوره زاد في دمّه وجانا به
‎ ‎‎ ‎ ‎ = ‎ ‎ ‎
ضعيف الدين لو طالت محابيله قصير حبال=على التطبيل يدهن لحيته ويدسّم اشنابه
‎ ‎‎ ‎ ‎ = ‎ ‎ ‎
لا شفته ما يهاب الله بشغل المعصيه شغّال=عطيته هرجه ودرجه وردّيته لمن جابه
‎ ‎‎ ‎ ‎ = ‎ ‎ ‎
هلايم مثله وشرواه .. قاطع عنهم الإرسال=أعرّضها الخلا والعرف الأوّل ما شلع نابه
‎ ‎‎ ‎ ‎ = ‎ ‎ ‎
يا كثر اللي بعد خزّنت رقمه داخل الجوّال=حذفته اسمه ورقمه يا عسى المسلم ما يبلا به

للشاعر : سدّاح / سعد العتيبي

اصايل معجب بهذا

[اصايل]

صح لسان الشاعر
وسلمت ياعمي جزاع ع النقل الرائع
كل التقدير والإحترام

اللحالي الغيداني معجب بهذا

[اللحالي]

الله يسلمك اصايل جزاك الله خير

[ابو مناحي]

صح لسان سداح العتيبي
وسلمت يداك على النقل
وسلم فكرك على الاختيار
ولك تحياتـــي وتقديـــري