09-14-2015, 11:41 AM
|
#1 |
|
مالك الموقع
تاريخ التسجيل: May 2014
المشاركات: 6,555
|
قصة طريفة وأبيات
كما يعرف الجميع في هذه الأيام رسايل الوتس وفيها ما يلفت النظر في بعض الأبيات اللي لا نعرف أصحابها ومنها مايلي يـا وجــودي عليك الله وأمانه وجـود وجـد مـقــرود حــظٍ يــوم ربّي قـرده اشـتـرى بكـرتيـنٍ و اشـتـرى له قـعـود يـوم دنّـق يبـي يعقـل الـقـعـود هـبـده وجـاه أكبـر عيالـه واختطـف له عمـود ويبـي رأس الـقـعـود ولا لـهـا عـن يـده وغيرها انكسر ضلعين وإحدى العضود ونوب يسب الحـلال ونوب يسب ولده لانعرف شاعرها؟ هذا ما وصلني على الوتس لا أعرف شاعر هالابيات وصلن لي من اثنين من أقربى واضفت كلمه(أياحبيبي والله يا هالقعود) وانا ليّ مقصد وارسلتها ؛ لولد أحد الخوات يعني أنا خاله؟ وراعي بعارين؟ هو؛طلال الغيداني؛ أبورغد؟ هذا شاعر ومسوّي نفسه ما يدري عن شي المهم انّي سبق أن بثّيت التّحريات بجس نبض من بعيد (حرفه بريئه) في ما مضى وجاءت هالصدفه وقلت لا تفوت؟ وأرسلتها له / أنا يعرفونني كثير إنّي حبيب وأجودي وقلت انتظر وما هي إلاّ ساعه أو تزيد بقليل و حصل الآتي يقول الحبيب؟ شايـبٍ من طراز العـود ما هـو بعـود كيف يكسـر ضلوع وعضد يامج يده يشرب من الحليب اللي يقوّي الزّنود ويـاكـل من اللحـوم اللي بوسط بلده ثـمّ عـوّد على النّعـمـه عروط وهبـود ربّــك اللـي يـسـلّـط مـنـه مـا يـلـهـده يـلطـم بهـالبهايـم كـل معـنـى البـرود ودّي ألــزم حـيــاد وحـدّنــي بـحـدده طلال الغيداني حبايبي تلاحظون البيت الأخير انجبر يعترف يعني صار هو اللي قاريني غيب ونظر وأنا يالغافل على نياتي لكن قلت خلووووووووووها يـا طـلال الـطّـلول الـجـالـده بـالـنـفـود عندي احساس ماضي واستبنت وكده أشـهـد إنّـك عنـاي اللي جزيـل الشّنـود لـكـن أسـمـع كـلامـي يـالـفهـيـم وقـده خـذّ كـلامن مـثل بالوصـف عدّ النّـقـود أو مثل مـا الجبـل يتعـب جهدك سنده مـاني اللي بدعت القـاف يابو الـرّغـود جـابـه الـوتـس سـاريبه سـريـع هـدده قـلت أبي أخذ به المقصود يابو العنود وأدري إنّــه كـلامـن يــسـتـبـيـح روده جـمّـل الله أحـوال مـعـرّبـيـن الـجدود وأنـت مـنـهـم عسى كلّن يغنـم سـعده وعـلّـنـا فـي رسايلنا كـسـرنـا الـجـمـود لا يـصـيـــر إنّ خـالـك بـالـفـلاه وحـده وبـارك الله بـمـسـبـوبـن يـفـك الـقـيـود عـن شـفـاوي على صـدرن صغيـر نهده سرهيد اللحالي المهم يا حبايبي طلبتكم ما تنقدون على الشايب وابن اخته ؛؛؛ وانتم تعرفون المثل اللي يقول عزّتي للخال من رمح البناخي اقصد من حبّ البناخي ؛؛؛؛؛ خاصّةٍ هالبناخي حبييييييييب؟
__________________
لا إله إلا أنت سبحانك إنّي كنت من الظّالمين |
|
|
|
09-15-2015, 03:55 PM
|
#2 |
|
عضو مُشاركة
تاريخ التسجيل: Sep 2014
المشاركات: 2,693
|
ايه هين على نياتك يالشايب بالحيل الا ولد اختك هذا وراه مايسجل معنا في المنتدى والله ان شكله عنده علوووم واااجد تنفع لي هههههههههههههههههههه صح لسانك واعتلا شانك انت ولد اختك مافيكم حيله اثنينكم |
|
|
|
|
09-15-2015, 11:34 PM
|
#3 | |
|
مالك الموقع
تاريخ التسجيل: May 2014
المشاركات: 6,555
|
اقتباس:
صح بدنك يابنتي أوّل حاجه السموحه عشاني اقسي على الجدّه الله يعينها وش اسوي زملاك مايهاوشون وماني متهاوش مع حالي ؛ وبالنسبه لبورغد اللي هو؛؛؛ طلال الغيداني عزّالله انك صادقه يابنتي لو سجل ابي اصير مؤدّب واطرم عشانه رغم صغر سنّه إلاّ انّي اخاف يفحمني لكن الحمدلله انّه فقط ع الوتس والسبب عشانه يعمل بالطواري واكثر وقته مرابطه / الله يعيننا وياهم وتريحي ياجدّة آدم ماهو حاصل اللي تقصدينه الله يجزاك الخير واخوانك المسلمين هههههههههههههههههههههههه .gif "F (2)") .gif "F (11)")
__________________
لا إله إلا أنت سبحانك إنّي كنت من الظّالمين |
|
|
|
|
|
09-16-2015, 12:32 AM
|
#4 | |
|
عضو مُشاركة
تاريخ التسجيل: Sep 2014
المشاركات: 2,693
|
اقتباس:
يالبااااا قلبك ياجدي انت وش سموحته اصلا انا يضيق صدري اذا ماتهاوشت معك ياجعل ربي يخليك ويطول بعمرك على الطاعه وياعسانا مانفقد وجودك بيننا وان شاءالله للحين عندي امل ان اخوي طلال يسجل في المنتدى ونستفيد من ثقافته العاليه ومعلوماته الغزيرة عن بعض الناس خخخخخخخخخخخخخ .gif "F (22)")
|
|
|
|
|
|
09-17-2015, 05:42 AM
|
#5 |
|
إدارة عامّة
تاريخ التسجيل: Sep 2014
المشاركات: 1,852
|
اسفرت المناوشات عن روائع من الابيات وكلكم على نياتكم بيض الله وجيهكم ولاهنــــتم ولكم تحياتـــي وتقديـــري ومشكور على النقل يابو سلطان 
__________________
 |
|
|
|
|
09-17-2015, 06:31 AM
|
#6 |
|
مالك الموقع
تاريخ التسجيل: May 2014
المشاركات: 6,555
|
.gif "F (18)") صح الله بدنك ولاهنت يالغاليوالخال وبناخيه يفتخرون بك وامثالك ؟(واللي خفت منه وقع ) لقيت هله اسم بالمنتدى اكيد لقاء كلام بعض ناس واخذته الحميّه بالفزعه هههههه يالله منك العون ياكريم ؟لاتباعدون الله يجزاء الجميع خير ترى ؛ الزّوّار مايدرون عن اهداف الفازع والمفزوع له تحياتي وتقديري للجميع ودعواتكم حنّابأيّام فضايل الله يتقبل .png "R (17)") .png "R (16)") .png "R (14)")
__________________
لا إله إلا أنت سبحانك إنّي كنت من الظّالمين |
|
|
|
|
09-18-2015, 02:35 PM
|
#7 |
|
عضو مُشاركة
تاريخ التسجيل: Sep 2014
المشاركات: 2,693
|
وهلا وغلا باخوي طلال الغيداني الله يحييه في منتدى الشايب ويارب يكون قدومه قدوم السعد عليه وعلينا وعلى المنتدى |
|
|
|
|
10-09-2015, 01:34 AM
|
#8 | |
|
مالك الموقع
تاريخ التسجيل: May 2014
المشاركات: 6,555
|
اقتباس:
والله يستر يابنت حرب هههههه على من دوووووو
__________________
لا إله إلا أنت سبحانك إنّي كنت من الظّالمين |
|
|
|
|
|
10-10-2015, 06:10 PM
|
#9 |
|
عضو مُشاركة
تاريخ التسجيل: Sep 2014
المشاركات: 2,693
|
بس بناخيك وينه هالي مثل بيض الصعو على قول جدتي يذكر ولايشاف فرحنا يوم شفنا الاسم بس ماش شكلك متوعده هههههههههههههههه .png "R (2)")
|
|
|
|
|
10-10-2015, 09:40 PM
|
#10 |
|
مالك الموقع
تاريخ التسجيل: May 2014
المشاركات: 6,555
|
احسن ان يكون على الوتس وبس لكن تسجيلته للعضويه مدري وش وراها اواجهه بمناسبات ويوززع ابتسامات ...... اقول عساها رحمه ............والله يستر
__________________
لا إله إلا أنت سبحانك إنّي كنت من الظّالمين |
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض العادي
