إضافة رد
 
أدوات الموضوع انواع عرض الموضوع
قديم 01-08-2017, 02:06 PM   #321
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,693

اوسمتي

افتراضي





مـدري وش اقول لكن جعلها خيره

لووو ان بعض السوالف مـالها داعي

ان جت لـطاري المعاتب فضها سيره

من كف غيرك ترى مابريت اوجـاعي

لااتـكمــل اللي بقى وتـزود الحيره

بعد غيوم الصبر شحّت على قاعي

همّك لحاله بنى له فـالحشاء ديره

وانـا يالـ لله افـل لـهمـي شراعي

ضــايق وثـوبي علي افـك ازاريـره

وكـل الحسايف معي جملة وقطاعي

خطـا مــايستـاهـل اندور معــاذيره

لا أقنعك فيه وبـلاش تحاول اقناعي

وكـان انك لغيبتك .قصيت تـأشيره

الالتفــاته وراء مـاهيب من اطبـاعي

لك مني احفظ لذاك الوقت تقـديره

واسامحك من دهر عمري لمرباعي

لو تعـرف الـود والتقــدير والـغيره

مـارحت ترقد وغيرك سـاهر ٍ واعي
ترانيم حربيه غير متواجد حالياً   رد مع اقتباس
قديم 02-08-2017, 11:30 PM   #322
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,693

اوسمتي

افتراضي



أضحك وأجامل وانا عايـش بعالـم غريـب
والــحـزن يـديّ بـيـدّه ، كنـي إمصاحبـه

والقلب مثل السما دايـم وسيـع ورحيـب
لكنّ مــافيـــه بـرق مـن الــفـرح لاح بــه

واذكر ليال الوصـل .. وأشغّـل العندليـب
لعلّي أنسى جروحـي بـه ،، وتنـزاح بـه

واللي عطيته خفوقي قلت لـه يـا الحبيـب
خلــه مــعك وأعشقه وأسكنْـه وإرتـاح بـه

طيّب مـعــه ميـر مــاينفـع معـاه أي طيـب
وإن قلت ردّه لصـدري طــالبْـك ، راح بـه

ويشوف من يعشقه ضايق وصدره صويب
ما كنْه يسمع صدى صوته ليـا صاح بـه

يرمـي سهومـه علـيّ ودايمـاً مايخيـب
وسنيـن حبـي معـاه ! وجيههـا شاحبـه

مافيه أقسى من جروح الهـوى و الحبيـب
والحب وادي سحيق وويل مـن طـاح بـه

ماكل جرح أتمنـى لـه يخـف .. ويطيـب
كم جرح ودي يطوّل .. من غـلا صاحبـه
ترانيم حربيه غير متواجد حالياً   رد مع اقتباس
قديم 02-23-2017, 06:01 PM   #323
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,693

اوسمتي

افتراضي



استريح شـوي واسمعنـي ثوانـي
بــعدها مسموح قول اللي تقولـه

جيت لك والقلب مــاهـو بالمحانـي
شف قبل لوصلك سابقني وصولـه

والله ان لولا الغلا مـا جـاك عانـي
يــا بعد منهم بكوا له وضحكوا لـه

خاطري مكسور من قسـوة زمانـي
وانت كــنــك إياااه وفعولك فعوله

تـعتبرني شخـص مـغـرور وأنانـي
واعتبرك الكون في عرضه وطوله

آآه لـوّ تــحـسّ بـجـروح الأمـانـي
كان ما تزعل علـي ّ بهالسهولـه

حط عمرك يابعد عمري مكاني
وان لقيت قصور قول اللي تقولـه
ترانيم حربيه غير متواجد حالياً   رد مع اقتباس
قديم 03-13-2017, 12:15 PM   #324
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,693

اوسمتي

افتراضي



خلا ص مالك في وطن قلبي مع احبابي نصيب

نــفسي عــليك العـام عــزتــنـي وانـا عـزيتهـا

خــلاص وجــروحك سوالــفها على قلبي نحيب

امــسي واعــالــج نــزفــها واصبـح ولا داويــتهـا

النــفس طـــابت واكثــر جــروح الغلا عيت تطيب

عــــزالله انـــك جبــتــهـا وراك مـــاوديـــتـــهـــا

ان كـــان قــصــدك تسرج خيول التعاسه يالحبيب

ســـويـــتــهـــا لابـــارك الله فــالــهـوى سويتـهـا

ضيــقــت فــي عيــني فــضا دنياي لو انـه رحيـب

وكــرهتــني فــي كـل حــاجـــه طيــبـه حبــيتهـا
ترانيم حربيه غير متواجد حالياً   رد مع اقتباس
قديم 03-26-2017, 09:36 PM   #325
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,693

اوسمتي

افتراضي





طلبتك لاتعلّقنـي مـابيـن الشكل والـمضـمـون
مضامـيـن الـصـدور المغلـقـه مانـيـب ضامـنـهـا

أشوفك مختلف ما لـك مـن ألـوان الحبايـب لـون
ولــك مـيــزه تخبـيّـهـا .. ولـــك مـيــزه تبيّـنـهـا

تفاصيـلـك يغطيـهـا الجـمـال ولاتـقــول شـلــون
من أعــلاها ليا أسفلهــا ليا أيسرهــا ليا أيمنهـا

حصل بينـي وبينـك مثـل مـا قالـوا كـلام عيـون
وأنــا مــا ودّي عـيـونـك علـيّـه تـآمـر وتــنـهـى

لا تنشدنـي عـن أسـرار الغـرام وسـرّه المدفـون
تسولـف لـك عيـونـي وأنــت ردّ السالـفـه عنـهـا

طلبتـك لا تعبّـث فـي مشـاعـر شـاعـر ٍ مجـنـون
هـبـوب الـريـح لا هـبّـت عـلـى صــدره يلحنّـهـا

أخذني شاعر المعنى .. وأخذني شاعر المليون
وأبجمـع لـك ملايـيـن المعـانـي مــن مكامنـهـا

أغني فيك وأطرب منك لـو كـلّ العـرب يوحـون
لا تــدخـل بيننـا والـصـــوت لا فيـهـا ولا منـهـا
ترانيم حربيه غير متواجد حالياً   رد مع اقتباس
قديم 07-01-2017, 09:01 PM   #326
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,693

اوسمتي

افتراضي




من طيبتي بين البشر صرت مسكين

الــطيــب ضــاع وكــثــر الله خيــري

اجـرح وانــا بــقول لجــروحك اهلين

يــااغــلى مسايير ٍ لفــوا في ضميري

اسمــع وصــاتي قبل لا تــدمـع العين

لااعـلنـت عــن دنيا الـمـحبـه مسيري

اذا تــفــارقنــا ابــي مــنــك شــيــين

مــابيــك تــكرهــني و لا تـحب غيـري
ترانيم حربيه غير متواجد حالياً   رد مع اقتباس
قديم 07-13-2017, 09:50 PM   #327
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,693

اوسمتي

افتراضي




فنجــال بِنّك فــايــحٍ زعفرانــه

مثل افوَحان الورد لامسّته نود

وردٍ على اول زمّــة ازعيتمــانه

تــغشلته غــرّاً لها برق ورعــود

#عبداللّه_الغيداني


وهذا ردي على الغيداني


اقــلط على اللي نادر في زمانه

تصليح حربيه مهي شغلة اهنود

فــي مجلس واضح وبين مكانــه

تلقى به الترحيب مع نفحة العود
ترانيم حربيه غير متواجد حالياً   رد مع اقتباس
قديم 04-22-2019, 02:02 PM   #328
ترانيم حربيه
عضو مُشاركة
 
تاريخ التسجيل: Sep 2014
المشاركات: 2,693

اوسمتي

افتراضي


يا نـجـم ياللي غبت مــن غبت مـابنت

وشحــال بيـن أيـــام مــجـــدك وبـينـك

الشمس تطلــع وأسأل الصبح وين انت

وتـغيب شمــسي وأسأل الليـل ويـنـك

أقـــولــهـــا وينــك وأنــا أدل ويـــن إنـت

لاشـك مــن زود القــهــــر قـلـت ويـنـك

ويـا قصــر يــاللي بـدلوا طينك اسمنـت

احــذر تـــخــون وتنـكــر أصحــاب طينـك
ترانيم حربيه غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
أفضل نصائح للدكتور إبراهيم الفقي..رحمه الله اصايل الصحه 0 11-12-2015 03:21 PM
همسه في أذن كل أنثى..! اصايل ركن الأسرة 4 09-01-2015 06:18 AM


الساعة الآن 04:44 PM