08-25-2020, 12:50 PM
|
#1 |
|
مالك الموقع
تاريخ التسجيل: May 2014
المشاركات: 6,560
|
ديوان مهيد عوض الحربي
ياماحلا الطلعات في وقت الأمطار واليا شعمت النار لك في سليله لا قريّبٍ ديره و لاحولك جـدار برٍ خلا ماشفت لـك فـيـه زيلـه العشب زامي صاير علوّه ازهار من اين ما ناظرت والأرض نيله بس السماء فوقه تراديد مـدرار السيل يجري صافيٍ مع مسـيله والجيب لاندكروزر.و.نوع.V x r توّه جديدٍ في بدايـة مـوديـلـه بديه.مامسه غير قرطاس وغبار دقيت سلفه من مظلة و كـيـلـه معيه خويٍ من هل الكيف والكار اللي. تعـوزه حاجته يلتجي. له ماهو قطيع لسان ماهو بثرثـار سوالفه تشف النفوس العـليـلـه نجذي لنا دله بها شوي مسـمـار ومن زعفران ايران حاجه قليله وعقب قهوتناحان ميعادالأفطار فطور خبزٍ من سـواة الـحـلـيـلـه سمن وعسل والشاي خادرتخدار في كاسته كنه شفاة. الجـمـيـلـه اللي تريّق توت في بعض الاقطار ريمٍ تخف اهل العقول الـثـقـيـلـه ام الثمان اللي تقل حـص مـحـار مثل لهيب الـنـار لـون الـجـديـلـه العين. عين اللي على كف صقـار شيهانةٍ منـهـا الـحـبـاري قـتـيـلـه العنق عنق و بالنـحـر فـاتـح زرار من بيضتينٍ يـدحـمـن الـفـنـيـلـه حـشـت معالـيـق الضماير بمنشار ولا فيه. من يلقى عليها وسـيـلـه والشمس لاحترّت قعدنابالاشجار و قمنا نتداول بالمعـاني جـزيـلـه يسـعـدك بـيتٍ معتني فيه بيطار سـحر البيان اللي قـلـيـلٍ مـثـيلـه وشعرٍمثل سكين مقراض الأظفار اللي…تـلـبـث فـيـه.. واعـزتـي له يمـكيجـونـه مـار مـا سـر الأنظـار هذا يمـنـتـج لـه. و.هـذا يـشـيـله أمـا. بـشـعـرٍ كـنـه. الـسيـف بـتـار لا سـلـه. الـحـدمان. يشفي.غليله و الا. بلاش.من الـتـولـع بالأشـعار يا خـوي.لا فرضٍ و لا هـو .نفـيله ماهو بناقص من طويلين الأشـبار و لا زايد اللي ما يجـمـل حـصـيله هودفترالشيكات و حسابك اصفار ينفعك يومـنك بـجـيـبـك تـشـيـله مايختلف دفترك عن صك الإعسار لا تحرج الصـراف مـافـيـه حـيـله اليا نصـحـتـه قـال غِـيـره و غـدار قـول*انـتـه*اكبر شاعرٍ بالقبـيله؟؟ ليتك. تشوفه ساعة الموقف الحار يمكن يعـرّط و قـتـهـا في شـلـيـله ما عـاد فيـها حوصه يمين و يسار ورغـاك. في ساعـة هديرك. فشيله لا تبني آمالك عـلى جـرف يـنـهـار ولا.تـطـاوع الـلـي يشعلون الفتيله اياك واللي بس وش فيه وش صار لـسـانٍ اقـشـرمـع يـمـيـنٍ بـخـيـلـه ولاتخاوي اللي للردى يسرج امـهـار يشبهـا. بـيـن. الـقـبـيـل و قـبـيـلـه اكمل حقوق اهلك والضيف والجار و ادرى رفيقٍ ماتـحـصـل بـديـلـه لا يصير لك بابٍ تقـل باب نـجـار لا تنقص . المـيـزان كـلٍ و كـيـلـه والرفقه اللي وضعها اقبال وادبار احفر لها. و اردم عليها الـنـثـيـلـه راع المصالح لانتهى منك بـإنـكار الكدش ما تاخـذ مـزايا الأصـيـلـه ترى. الزمن.قالوا. هل العرف دوار ما تاخذ العالم عـلـى حـال طـيـلـه هذا تمـهّـد لـه طـريـقـه الـيـا. سـار حتى لو انه يطلـب الـمـسـتـحـيـله وهذاك تنصب له على الدرب شنكار و في كل شـيٍ ما يـسـره تـجي له الخلق ماله. في تصاريف الأقدار عند العظيم . اللي صفاته. جليله الله. سـبـحـانـه. هو النافع الضار و الـصـبـر سـنه. و التشكي رذيله مهيد عوض الحربي..
__________________
لا إله إلا أنت سبحانك إنّي كنت من الظّالمين |
|
|
|
08-27-2020, 09:34 PM
|
#2 |
|
مالك الموقع
تاريخ التسجيل: May 2014
المشاركات: 6,560
|
الصداع اليا اختلط مع العـمـاسي ما تفيدك لـو جـذيـت الـشـاذلـيـه الصدور الـواسـعـه قـبـر الـمـآسي يضحكون في ضمايـرهـم لـظـيه ودي اني في حياتي دبلـومـاسي اتـعـامـل بـاحـتـراف و عـبـقـريـه لكن اني نوب من شدة حمـاسي صار لي عـند اقربـايـه مـكـرهـيه يارفـيقي و الله انك فـوق راسي لا نصحتـك سـر مـامـني خـطـيه لوحصل لك ماحصل طارالنعاسي مـا غـدا لـلـنـوم عـنـدي قـابـلـيـه لا لمس قلب الجهاز الالـتـمـاسي ما يفيد. مهنـدسـيـن الـعـالـمـيـه الصداقه لا حصل فيها اللتباسي هي صداقه صدق والا مسرحيه لاغدا حبل اللوازم بامـتـسـاسي تقل اشاعه في تخصص باطنيه الاطـبـاء دوبـهـا تـفـر الـكـراسي المريض يشوف منهم عاطـفـيه طمأنوه و قولهم. لاجـاك بـأسي و اخدموه بروحة لـلـصـيـدلـيـه في جناحٍ هاديٍ مابه حـسـاسي غير صوت الاجهزه و مرافـقـيه الكلام الصـدق بين و الـهـلاسي و النوايا تنكشف لو هي خـفـيه الاوادم نهجهم مـاهـو سـواسي شر خلقه من يثير الـعـنـصـريـه الجدار اللي يقوم بدون ساسي هج عن ظله ولـو لـلـصـنـقـريـه من هموم اليوم لابس لي مقاسي و يشكرون الصابرين العاقـبـيـه اتسلى بـالـتـفـسـح و الـتـنـاسي دون اسافـر لـلـديـار الاجـنـبـيـه روضةٍ ماللـغـنـم فـيـهـا مـداسي فوقها دوم الـمـزون الـعـقـربـيـه عشبها رويان ما جاه الـيـبـاسي والخـبـاري واجـده في كل نـيـه الدداسن ما تصلهـا و الـتـكاسي غر جيب ما يـعـرف الـبـنـشـريه مايبنشر لو وطا فوق الـمـراسي والسوايل مانقص منهـا الـبـلـيـه جيب شاصٍ كل شي فيه اساسي لامكانـيـكي ولا جـاء سـمـكـريـه مانشد عن الغراز و لا الخفـاسي واير البكره يجي له حـول مـيـه للظروف القاسيه راعـيه حـاسي والقدر مومن به و نفسه رضـيـه القدر من فوق تفكير الـسـيـاسي و قـوة الايـمـان عـز و مـعـنـويـه لو يبي عداه في روس الرواسي سايقه مطنوخ و عـزومـه قـويـه في دمـاثٍ مـابـهـا مـكان قـاسي طول ماحـنـا بـهـا و الـنـار حـيـه الدلال يـمـسـهـا مـنـهـا مـسـاسي ومن يبي يطبخ ويشوي له شويه الذبيحه باقـيـه مـلـي الـتـبـاسي اجذعه في سنـهـا مـاهـي ثـنـيـه مانت قايل ياولدوش انت ناسي كل حاجه حطهـا في مـطـبـقـيـه رحـلـةٍ بـاجـازة الـعـام الـدراسـي اتـنـهـت..كـل. مـا تـطـري عـلـيـه الشاعر مهيد عوض الحربي
__________________
لا إله إلا أنت سبحانك إنّي كنت من الظّالمين |
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض العادي
