لجلاج الأنغام

[اللحالي]

يامن على عرشك لسبع السّماوات=باسمك بداية هرجتي بالتّكلاّم

إلى غيادين السّعد بالعبارات=أقول يهل العرف من مصدر إلهام

قبيلتي عمومها بالجزالات=للضّيف والجيره ووافين الأذمام

ومنهم بهذا الحفل جزلين طولات=أبدي لهم وأقول بالمنطق العامّ

هذا سلامي يالهليّل بالأبيات=لو ما يوفّي في مقامات الأحشام

و الله يعيد أعيادكم بالمسرّات=ويعينكم في طاعة الله بالإسلام

وأنتم تعرفوني بمشي المسافات=من نزلتي بجراب "بالبيرِث" مجهام

ومع والديني عشت مرغد بجنّات=رغم إن بعض النّاس بالوقت منظام

كدّوا عليّ ولا لحقني نقاصات=الله يرحمهم بجنّات الأنعام

وإخوانهم أمثالهم بالكفاحات=والله ما نلحق جزاهم بالأرحام

ويوم اكتمل ريشي نفضت الجناحات=من ماكرن بيدين حمدان مزوام

وأخذت بسلوم الجزيره وقارات=ماشي على منهاج صلفين الأعزام

ليا قيل غيداني سمعت التّنهّات=للّي قد اركوا به على الكبد ميسام

في ما مضى يوم الفعايل بلقوات=والأسلحه الرّمح والشّلف وسهام

واليوم صاروا من خيار الجماعات=وشبابهم صاروا دكاتر بالأترام

وبأرض الجزيره حسب الأعمال أشتات=وكلن بماجوب الوطن له تمحزام

وأنا بآخر عمر ما فيّ شكّات=هذا الصحيح اللي بلجلاج الأنغام

وطالت وعرضت سيرتي بالحسابات=والعمر في تاليه مابه تهندام

يا طول عمري يوم حسّبت ما فات=متعدّي السّتين في بضع الأعوام

مرّت عليّ سنين فيهن ملذّات=ومرّت عليّ سنين فيهن تندّام

وفي كلّهن شفت العجايب صنوفات=في صحة الأبدان وإلاّ بالأسقام

مير النّصيحه يا شباب المهمّات=أخذ الحذر واجب بتحقيق الأحلام

و لا فيه نصر بغير تطبيق الآيات=والسّنّه اللي ما بها غلطة أقلام

والنّفس لا تمرس بكم بالشّهاوات=حطّوا لها من واقع الدّين مشكام

وعلى الشّفيع لأمّته بالصّلاوات=عداد من صلّى وعداد من صام

شقاوي الغيداني ,اصايل معجبون بهذا

[اصايل]

والنعم



بيض الله وجهك ابيات رااائعة

أحترامي

اللحالي الغيداني معجب بهذا

[اللحالي]

صح الله بدنك يالاميره اصايل حرب

وأجزل التحيّه والتقدير لك وزملاك والزّوّار

وكل عام والجميع بخير وسعاده

اصايل معجب بهذا

[ابو مناحي]

الله
الله الله

صح لسانك واعتلا شانك
ابيات رائعه وجزله
وتضمنت الكثير من الحكم والنصائح
بيض الله وجهك ولاهنــــت
ولك تحياتـــي وتقديـــري

اللحالي الغيداني معجب بهذا

[اللحالي]

صح الله بدنك يابو مناحي

ماعليك زود يالامير ووجهك ابيض
الله لايهينك ياشاعرنا الغالي

وكل عام وانتم بخير واخوانك المسلمين

[ترانيم حربيه]

والنعم فيك وفيهم يالشايب

قصيده رائعه بيض الله وجهك

كفيت ووفيت ربي يطول بعمرك على الطاعه

بس متاكد ياجدي انت انها الستين اللي متعديها مهي السبعين

ههههههههههههههههههههههههههههه

[اللحالي]

مشكوره يالاميره ع الاشاده
الجزله منّك يالجزله

واغفلي عن بعض الاومور

ترى ماشيّب بي إلاّ الفندق


ههههههههههههههههههه

والارقام تشابه وإإلاّ انا توّي


الله يفرّحني بسعادة الجمع

ترانيم حربيه معجب بهذا

[ترانيم حربيه]

ياربي يطول بعمرك ويسعدك دنيا واخرة ويخليك لنا

ويفرحك بسعادة وشوفت غواليك حواليك

متوفقين ومبسوطين جميعهم

اللحالي الغيداني معجب بهذا