![]() |
#1 |
مالك الموقع
تاريخ التسجيل: May 2014
المشاركات: 6,541
|
![]() أنا بناقشك يا فكري بـبيتيني=حول المريسه ومن ياكل حثايلها
السّالفه ما تعدّانا يالاثنيني=في قادي السّالفه وإلاّ بعايلها وأبيك تسمع ولكن لا تناحيني=بس اسمع السّالفه وأترك حكايلها أقول اسمع كلامي وافهمه زيني=ترى لياليك ما تومن ذوايلها ياللي على لا يطيق الحال تسنيني=لا تحسب السّالفه تمدي مهايلها وش فيك يالفكر طول الوقت مغثيني=وأنت تعرف حالتي جفّت ثمايلها وتقوم يالفكر تبعدني وتدنيني=بالقصّه اللي شَغل قلبي جهايلها ما هو على كامل القصّه مناديني=من خمس ميّه ورى المليار قايلها لكن على قولتك في ما يسرّيني=بأرض الجزيره بليلي مع خمايلها وتبي على كيف مقصودك تمشّيني=لو في لواهيب الأيّام وقوايلها وأنا مع الصّوره اللي وينها وويني=الصوره اللي بعيني وأتخيّلها يا كثر ما أطرق على الصّوره نظر عيني=ونظرات عيني تشاكى من بَحَايلها ويعوقني بالنّتايج منّي وفيني=مع اللواهيد ومصارع حبايلها ويبقى براسي عواميسه تخاويني=يا كثر ما يثقل براسي كهايلها وتلوفني حالةٍ بالهمّ تشقيني=اللي بتصعيبها تدفع رحايلها مع من تصبّحني ومع من تمسّيني=والكل منهن تململني ملايلها لو هن مرض كان أبلقى من يداويني=لكن قِشر كلّ وحده في شكايلها في صحوتي وبمنامي طيلة سنيني=ما شفت حالي تشافت من علايلها واللي له الصّوره وأصله يناجيني=وأنا نسيت الشّجاعه من سلايلها لا خير فيني ولا باللي يحاليني=ما باقين بالجسوم إلاّ هزايلها ما فيه من يجذب الماء لجل يسقيني=يالفيضه اللي جِفَتْ فيها مسايلها ما شافت المزن في مقدار ستّيني=يعني وأنا حول ستّ سنين نايلها لليوم هذا وطول العمر معطيني=لكن مع اللي ملحفني شلايلها تقول لا ترفع أصواتك وتخويني=خلّك بنومتك وحلومن تكايلها وأنام لكن بحلم الليل تأتيني=اللي بنومي ومنه أقوم شايلها متشرّبه مع خلايا الرّاس تشضيني=لا معتقتني ولاني من قتايلها وأشوفني واقعن بشباك تحزيني=وأمالي أشوف جور الوقت غايلها ويلاه لو ياصلنّ الأصل رجليني=وياطأ القدم روضةٍ نكسب نفايلها من رحمة اللي له عباده مصلّيني=يالله في قومةٍ تثمر صوايلها فزعتك ياللي من الأمشاج منشيني=ما غيرها فزعةٍ تثمر حصايلها يالله يا حي يا قيّوم تعطيني=الطّلبه اللي جليلاتن فضايلها في ثلث ثالث ثلاثه وأرفع ايديني=في طلبةٍ رحمة الله هي كمايلها
__________________
لا إله إلا أنت سبحانك إنّي كنت من الظّالمين |
![]() |
![]() |
![]() |
الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
ابي انشد اللي | اللحالي | ديوان اللحالي سرهيد | 4 | 07-12-2018 07:31 AM |
اللي درس | اللحالي | مختارات من نبض المشاعر | 4 | 10-18-2016 07:52 PM |
حظي اللي | اللحالي | مختارات من نبض المشاعر | 2 | 09-05-2016 03:57 PM |
الكلمه اللي تعز | اللحالي | مختارات من نبض المشاعر | 2 | 07-15-2016 08:53 PM |