إضافة رد
 
أدوات الموضوع انواع عرض الموضوع
قديم 09-27-2020, 06:20 PM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي هاض بالقلب هايض


يابو عبدالله هاض بـالـقـلـب هـايـض
اصبح بوسـط القلب شـيـن يـهـيـضـه

احس وسط الجوف جابـه رضـايـض
واذا بـرا. جرح(ن) يـعـيـده نـقـيـضـه

دنـيـا.. غـريـبـه. كـلـبـوهـا. نـقـايـض
واصحبت كالضميان في وسط قيضه

الوقـت دار و صـار بـالـوقـت فـايـض
لين الضعيف اجتاح بالوقت فـيـضـه

الـوقـت. زيـن مخـلـفـيـن الـفـرايـض
الـلـي هـروج الـنـم عـنـده. عـريـضـه

بين الجماعه يزرعون ،،،،، الشضايض
على الحسد والنـم نـفـسـه. مـريـضـه

و اذا مـدحـت فلان في عـلـم نـايـض
يكذبك و يـقـول جـاتـه حـضـيـضـه

وتسمع له ، الجيهل واهل الـرفـايـض
ومن لا يفرق بالسـحاب و نـفـيـضـه


و الـعـام. تـلـقـى لـلـمـفـارق عـوايـض
واليوم ابن الحر يـصـعـب عـويـضـه

لـكـن.. عـنـد الـلـه نـلـقـى الـعـوايـض
الـواحـد.. الـمـعـبـود رب. الـفـريـضـه

هليل سالم بن مشيط المحمدي

يـامـرحـبـا.مـاسـجـلـو لـلـعـرايـض
من هاجسٍ جزل المعاني يهيـضـه

جزل البيوت اللي سوات النقايـض
كن الـفـرزدق مـرسـلـلـي قـريـضـه

قضيّت ليلي بين جلس و نـهـايـض
انزل نزول الطير وانهض نـهـيـضـه

ابحث بهجسي عن اجزال القرايض
والشعرغيض وفيض وانواع هيضه

مابـاس يـاشـاكي جـروحٍ نـجـايـض
وجرح النمايم يستثير الحـفـيـضـه

ليا.خاض بعروض المخاليق خايض
وجاب العلوم اللي طوال وعريضه

كـنـه. مـوكّـل.. بـالاوادم. ايـلايـض
اعطه عن النمـات كـيـه نـجـيـضـه

والبيع نقـد و فـيـه بـيـعٍ مـقـايـض
وترى ضعيف العلم علمك يعـيضـه

وسكرسموعك عن سواليف عايض
اليا هرج بعروض عاضه وعـيضـه

والناس فيها احباب وفيهم بغايض
و الحـسـد افـه بـالاوادم بـغـيـضـه

ومن يتبع المقفين يلقى الغمـايـض
يفرك يديه من القهر والـغـمـيـضـه

واحْلف يابو ماهـر بـديـنٍ غـلايـض
اللي يغيضك يابن عـمـي نـغـيـضـه

خذني على اليمنى ليا العلم شايض
وعدو عينك غير تسمع جضـيـضـه

تـمـت لـوان الهجس بـالـمـاد رايـض
يـارد على الـعـد الروى مـايـغـيـضـه

(سالم مغيران العماوي)

...........................................
ياشاعرٍ اشرف عـلـى كـل مـشـراف
طوع حروفه وبالـمـعـاني حـكـمـهـا

شاعر ورث بالشعر بـنـدر. و صياف
وابيات شعره بالـمـشـاعـر. رسـمـهـا

منه نتعلم نكتب الحرف. و الـقـاف
وننظم على نضمٍ حروفٍ. نـضـمـهـا

حسين ابن هندي وللطيب مـيـلاف
و يديه تـعـرف بـالـعـطـايـا كـرمـهـا

بيته كرم للكل الرجاجيل مضـيـاف
رجل الغنيمه.و الـمـكـارم. غـنـمـهـا

هليل سالم بن مشيط المحمدي

يامرحبـاً اعـداد من بـالحـرم طـاف
ومن زار مكـه وابتـهل فـي حرمهـا

في شـاعرٍ جـاله بـالاشعار ميـقـاف
جتـه القريحه فـايـضه واغتـنـمـهـا

هليــل سـالم للطـواريـــق عـســاف
كـم قافيه من فيـض فكره وسمها

يفتل وينقض للصـعـيـبـات هـداف
اليـا مسك لزمــامـهــا و استلـمـهــا

والشعر فن وذوق وابداع وتحـاف
عمـله بـهـا الشعـار ترفع سـهـمـهــا

#حسين_بن_هندي
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 09-28-2020, 09:17 AM   #2
معيض الضعيني
شـاعـر
 
تاريخ التسجيل: Aug 2014
المشاركات: 908

اوسمتي

افتراضي

صحت ألسنتكم جميع وطاب نقلك ياابو سلطان
معيض الضعيني غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 11:04 AM