بيت الشعر

[اللحالي]

يافكر وش وداك يم الفـضـاء فـوق
ماشفت لك جنـحـان فـيـهـا تـعـلـيا

او الجنون بسريتك جاحهـا الـبـوق
من جفـوة الاوطـان. لـلـجـوّ جـلـيا

من بعدمابيت الشعرطاح مـزهـوق
و الـدّابـه. بـالارض. تـفـلـيـه. فـلـيا

من عقب مالعمدان تاخذبه شهـوق
وتشدّه الاطـنـاب فـيـهـا الـكـمـلـيا

متشيّـد و للضيف يـالـقـابـه ريـوق
مير بسـنـيـن ريـوف و إلاّ مـحـلـيا

متشرّع و لاهو عن الضيف مغلوق
غير اللي الخـفـرات بـه تـجـتـولـيا

شقايق الشجعان حلوات مـنطـوق
كحلا العيون بغـيـر لا. تـكـتَـحَـلـيا

والبيت يزها فـيـه تـلـيـمـع ابـروق
مع من يشيدون الكـرم تـكـتـمـلـيا

ليامرّ..فيه اللي من الجوع مرهوق
يلقـا بـه الـمـيـسـور. مـايـبـتَـخـلـيا

مضت لـه الايّـام بـبـنـاه مـعـشـوق
واليوم مـكـنـاتـه من الارض خـلـيا

سرهيد ال شليبيط

اصايل معجب بهذا

[اصايل]

صح لساااانك
بس كل يوم مره اسم ياعمي جزاع
لازم تسجل اسمك بابياتك لحفظ الحقوق
احترامي وتقديري

اللحالي معجب بهذا

[اللحالي]

صح الله بدنك يالاميره اصايل
صحيح عندك حق لوكان كلامي ينطمع به لكن كلامي غير مرغوب لدى الكثير حيث معانيه لاتقبل غير صاحبه والاسماء كلها تعنيني من ماسماني ابي فيه و ماسميت انا... به ذاتي مشكوره على وجهة نظرك يابنت اخوي تحياتي وتقدير