إضافة رد
 
أدوات الموضوع انواع عرض الموضوع
قديم 01-17-2021, 09:54 PM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي ياسالم. يارجا؟

ياسالم. يارجا. يالرّبع مـعـكـم ليه شـاط شـباط
على. نـاري..هـبـاهـيـبـه..تـلاوفـني بـمـجـلاسي

وعلى ثوبي يلوف الجمرقبل ادري عنه واحتاط
بكل اللي يقـولـون الـعرب فـي برد الاحـسـاسي

وانا مع سـيـرة الايّـام كـنّي مـع طـلـوع..الـغـاط
احسبه سهـل لكن من طـلوعـه ثـارت..انـفـاسي

وانا ماشوف لي يالرّبع عند الـمـلـتـمـس مقـلاط
مـع انّي صرت من بعض المشاكي تكثر اوناسي

اللحالي

هلا يامرحبا بـالـشـاعـر اللي كـنّ فـيـه مـغـاط
تحس انـه على ظهـر المـطيّه غـيـر مـتـواسي

مع انه يستطيـع يعدد الـمـده لـعـشـر اشـواط
مخضرم عاصر ايّام الرخـا مع وقتـه الـقـاسي

رزين يوجه المعنى على اليـمّـه بـدون هـيـاط
ولا يـشـكي ظـروف تعرّض دروبـه. بلاساسي

و لكنّي بديت اشـوف مـن جزاع نـوع حـبـاط
انـا خـايـف عـلـيـه يـكـون مـتذمـر و حساسي

رجا جهز الهويملي

هلا يامرحبا ياشـاكي الـشـكـوى بـدون افـراط
يـكـن و ثـمّ. يـبـدي مـايـكـنـه جـعـل مـابـاسي

يحس الجمره اللي يمسك الجمـره بـلامـلـقـاط
وهجها يشـتكـيـه الـلـي بـرجـلـيـنـه لـهـا داسي

وانا يخفى عليّ مثوّر إحساسك و منه اشـتـاط
ولكن يارفـيـقـي خـوذنـي مـحـزم و مـقـبـاسي

لو انّي أعرفك مـاتـعـطـي الـحـسّـاد لـلـشـقـلاط
لهم سم ٍ سقطري يشـربـونـه بـوسـط الـكـاسـي

ويقولون العرب طنّش تعيش و ضامرك ماشاط
تـرى الـتـطـنـيـش ياللحالي يـداوي كـل بـلاّسي

سالم مغيران السليمي

وفيتم بالكلام اللي لـه سـكوك الـذّهـب ابـسـاط
و تـوّجـتـوه.. بـالالـمـاس. تـاج. و لابـسـه راسي

اللحالي
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 01-18-2021, 07:01 PM   #2
اصايل
إدارة عامّة
 
الصورة الرمزية اصايل
 
تاريخ التسجيل: Jul 2014
المشاركات: 5,325

اوسمتي

افتراضي



هههههه
صح الله السنتكم
وياعمي جزاع اكيد مو انت الي بادئ بالهواش
احترامي وتقديري

__________________


اصايل غير متواجد حالياً   رد مع اقتباس
قديم 01-19-2021, 09:46 PM   #3
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

هههههههعهههه

صح الله بدنك يالاميره اصايل هم اللي يهاوشونني انا حليل ههههههههههههههه
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 12:43 PM