09-07-2020, 04:09 PM
|
#1 |
|
مالك الموقع
تاريخ التسجيل: May 2014
المشاركات: 6,559
|
العراقي واللحالي
والناس في الدنيا تلامـيـذ يـقـرون منا من يـواصـل حـيـاتـه تـفـاهـات ومنا من يطبق على الغـيـر قـانـون أكره من يـحـاول يـدس الـعـبـارات لكن احب اللي لـيـا قـالـو يـسـوون كـل الحكي مـا ينحكي الا لـغـايـات والا ترى مـاكـل مـن قـال مـجـنـون وزين الحكي هومن يزيل المسافات يوصل لقلب انسان ويقول ممـنـون خلك من اول شي شوف النـهـايـات هي من تحددمن معك أومن يخون واستشعر اخطارك قبل رفـع رايـات واعرف عدوك قبل من هـم يـودون للشر كـم نسمع دروس و حـكـايـات والخيرمايسكن سوى صدر مبخون ومبادئ حقوق الـبشـر و الـروايـات صارت مثل نكتة عليها يضـحـكـون والناس ماتت قهر. واحزان وآهـات ومن هو يراعي كاتم الهـم مـغـبـون حتى الرفيق اللي ليا قال لـك هـات أن ماعطيته مـاعـفـا عـنـك وتـهـون وإياك من ظلم الـزمن والـمـتـاهـات إن ما حذرت تقابلك غـدر وطـعـون وياصاحبي لا تامن اهل الوشـايـات ترى كثير الشك في حبس مسجون ناس ن تغـطي وجـهـهـا بالعـبـايـات وناس ن ليامـنك تجيهم يـروحـون وحـنا على الدنيا ضيوف ورسالات واحـنا تعودنا على ربـح مـضـمـون ابو وفي العاني .......................... اعجبتن قصيدة اخي ثائر من العراق وجاريتها بالاتي يـابـو وفـي الـعـانـي مـن الـعـراقـات يامسخر ابياتك على التّاءمـع الـنـون حيّاك يالقاصود من ارض الحضارات اللي بهـا النـهـرين بـالـعـذب يـجـرون اجاوبك من نـجـد وارض الـسّـراوات في بعض ماتـشـيـر لـه صرت مفتون يـامـا..أتـأمّـل.. بـالاوادم.. فــروقـات لكن مثل ماقـلـت كـيـف يـتـسـاوون اقـنعـتـني في شـامـخـات الـعِـبـارات وسجلتها في سـاحـة الـلـي يـمـرّون بالفـيـسـبـوك احـد وسـائـل لـقـاءات بـيـن الـعـرب لـلـي بـمـافـيـه يدرون أحـد..وسـايـل. يـوصـلـن الـرّسـالات بالذّبذبات اللـي مـع الـجـوّ بـالـكـون يامن تقول ان المعاوش صـعـيـبـات السعي مفروض ٍ على اللي يعيشون هذا أمـتحـان الادمـي بـالـكـفـاحـات فيها الاوادم بالـمـطـامـيـع يـشـقـون امّا كسب الـذّيـب عـشـر الـنـعـجـات وإلاّ وقع في قبضت اللي يصـيدون و اللي يـدسّـون الـعـبـارات حـيـلات عـسـاهــم بـكـبّـة جـهـنـّم يـهـيـمـون هم السّبب في تفرقات الـجـمـاعـات في طاعة اللي للفرص يـسـتـغـلّـون شف حالنا متـعـدّديـن الـحـكـومـات والكل مـنـهـم بـالاسـلام يـتـسـمّـون واربع مذاهب بالـشـريـعـه بـلـيغـات شف كيفهم في كل مذهب يصـلّون وأثني عشر مذهب عديد الديـانـات مـتـفـرّقـيـن بـطـاعـة الـلـي يـأمّـون مـثل جـمـاهـيـر أنـديـة الـريـاضـات و الطهبلات لصالـح الـلـي يـفـوزون حال العرب تعـوث فـيـه الـعـداوات مــاعــاد بـه مـجــال فـيـه إتـأخـون لكن يـامـن تعلو لسـبـع الـسّـمـاوات وامرك بـهـذا الكون بالكاف و النّون تستر على حال المسلمـيـن بـالـذّات وتجعل توالفـهـم بـمـايـسـتـحـبّـون فيك الرّجاء ياعـالـمـن بـالـخـفـيّـات ياوامر اعـبـادك لـبـيـتـك يـحـجّـون رحمتك فينا يامـجـيـب الـدّعـاوات تغيث من في رحمتك يستغـيـثـون لعل حسـن الـظـّن بـقـلـوبـنـا يـبـات ونكتم ضمايرنا عن اللي يسـومـون ونقيّم الألـسـن بـحـسـن الـكـلـمـات ولا ننخدع في من بالالماز يـلـغـون اللحالي الغيداني
__________________
لا إله إلا أنت سبحانك إنّي كنت من الظّالمين |
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض العادي
