الموجز الّلي ضافني تالي الّليل

[اللحالي]

كتب : اللحالي الغيداني

الموجز اللي ضافني تالي الليل=ما شفت به يابو محمد حمايد

غير إنّه أصحاني من النّوم تعليل=وصار السبب في ركعتين وسجايد

وبعد طلوع الشمس شفت الأزاويل=اللي حشد بالقرب واللي محايد

وبديت يا عويّض بزينة تماثيل=قصيدةٍ تحسب بضمن القصايد

والبست رجلين القصيده خلاخيل=وقلت ارقصي مع ناقضات الجعايد

ما عاد فكري باقين لك زهاميل=أغزي على الأسماع حلوة نشايد

إمّا خذيتي من هل العرف تبجيل=ويطلع لك بما تحتوينه شهايد

وإلاّ ذلوف اللي وقع بالمحابيل=مع غفيته في موجعات الهجايد

ماشوف لي مِنْ سَمْك بيتك محاصيل=ولا شفت فلواتك وحاد الهدايد

قبلك قصايد مجزلين الأقاويل=في ما يسرّ المجتمع بالفوايد

على البسيطه بالمنافع جماميل=وفي عون خالقهم جزال الحمايد

و سلاحهم سلطانهم بالتّواغيل=ومن واقع التّطبيق صاروا روايد

ناس(ن) تمادوا للفضاء بالتجاويل=وأنا على البيداء بقيت الشّرايد

من كبر عمري صار ما بالجسد حيل=وحجزت مع قايد رحيلي وعايد

واسلم وسلّم لي على سايس الخيل=ابن عبيّد وأنت نعم الفهايد

قل يا مساعد شايب(ن) طفّح الكيل=وجانا بصفصاف البيوت الفرايد

وأنا بقول القطن يلقط سماليل=والحلق يغثّه شموم الغدايد

وأنتم تعرفون اجتهادة شرحبيل=يوم الغذاء خبز الشعير وثرايد

واليوم من بحر العرب نارد النّيل=مع جوّ وإلا مع سريع السّوايد

حتّى ايش لو في مجتمعنا قلاقيل=ومن غشغشتهم شايطات الكبايد

ردّ الشاعر : عويّض محمّد الغيداني

موجز ومنه تشيل وتحطّ وتشيل=ما هي لكم يا شيب سلمى عوايد

تركع وترفع بالرّموش المهاديل=وما تطلبه من فضل ربّي بزايد

إن باج نور وشفت منه المخاييل=وتصوّر إنّك بين مفلس وصايد

الكحل عزّ(ن) للرّموش المضاليل=وإلاّ أنت لا صايد ولا انته بفايد

عن ما بها لو لمّحت لك من الويل=يا زين عنها منك بعض الوسايد

عليّ لا ترمي ببعض المواويل=مثلك حصيلي من عتبهن نكايد

للرّجل سير حجول ما هي مفاتيل=يا ملوّنن كرعانها بالحدايد

ذولي بهن مقفي وذولي مقابيل=شرد(ن) أطوّعهن على كلّ كايد

ما شفت في جيلي وجيلك ولا جيل=إلاّ رموز أعلام ما هي جرايد

منها عن الماضي مواقف رياجيل=ما عيّدوا بسلومهم عيد عايد

بحدب السّيوف ودون حرش العصاقيل=كم ناحت الطّرقى من القوم قايد

هذا مناسبهم بكلّ التّفاصيل=وهذا حصيل البيت من بدّ بايد

ما يلحقونك حرب بالقال والقيل=لو هم هل الطّولات خصم المكايد

ولا ترخي الهمّه تشوش المهابيل=أكرب رشاك وخلّ عنك العقايد

وحط المقامه للرّشا والمحاحيل=واسقّ الضّوامي من زلال الرّكايد

خلّ الفضاء لهل الفضاء والبلابيل=ومردّ روّاد الفضاء رون سايد

يعني بعكسك لاتّجاه الدّرابيل=تبقى زبونن للتّعب والنكايد

وأذيال جرب القوم دايم مشاويل=ولا يعترض للجرب غير البلايد

ونزل المطامن فيه لا تامن السّيل=ما ينزله يا كود راع الرّدايد

ولا لي على مساعد ببعض الأقاويل=حرّن ذلوله برقبتها قلايد

عن دربها ما ردّدوها الدّلاليل=مفتكّها وقت الرّخاء والشّدايد

ولانته بشايب شيّبت بك بهاذيل=يا سعد من جالك من الضّيم عايد

ردّ الشاعر : مساعد عبيّد الغيداني

الشّايب اللي لا ارتكى طفّح الكيل=جانا بصفصاف البيوت الفرايد
كنّه مفصّلها على الجرح تفصيل=ماني بمستغرب وهي له عوايد
أهلا هلا به عدّ وبل الهماليل=وعداد ما هبّت هبوب النّوايد
وعداد ما غنّت طيور البلابيل=وما جابت الورقى بهدف الجرايد
نجمٍ لمع بالجيل الأوّل وهالجيل=منه استفاد اللي يحبّ القصايد
إمداعبه إمداعب الرّمش للميل=وقساوته سيفٍ يقصّ الحدايد
إلى بغاها فنّ فنّان تشكيل=وإلى بغى الصّعبه رقاها سنايد
إن ساقها تنساق مثل الفناجيل=وإن قادها ينقاد للشّعر قايد
وإلى سرح سرحه بعيد المداهيل=وإلى ورد يارد على نبع زايد
ما قلتها قصدي تصنّع وتمثيل=الشّاهد الله يا وسيع البنايد
اللي نصر عبده بغزوة هَلَ الفيل=ما لي طمع بالمدح وإلاّ المجايد
يا مزلزل الأحرف بزين التّماثيل=أنا على ساقتك ما لي فوايد
هنا بقى موجز ويحتاج تحليل=والعذر منك ومرضي النّاس كايد
جانا العجاج اللي يقشّ المحاصيل=واجتثّ زرعي قبل وقت الحصايد
السّاحق اللي لا صفق ما هوّ حليل=اهبّ ما خلّى لجمعي شرايد
رحنا على دربه سوات السّماليل=من يوم ثارت منه ماني بصايد
كمّل على ما يطلب الشّرح تكميل=بالعرف علاّمه وبالشّعر رايد
ما ينطحه يا كود من ينطح السّيل=واللي سواتي عن ضفافه يحايد
أخاف يطلع عن مجاريه ويعيل=أو ينصدم بالسّدّ ويجيك عايد
الموجز اللي ضافني تالي الليل= خلّاني أطلع وانتظر (أوف سايد)

وبعد وصول مردّ ابو رامي اضفته وقلت

أنا يابو رامي طرقت المهاجيل=وركايبي ما عاد فيهن فدايد
ترايعن في وادي(ن) نبته أكليل=مسقيه جرّاف الغثاء له زبايد
ولولا القلم وجهود خمس الأناميل=في وقت مال الكمبيوتر رصايد
كان انكمش فكري وضاع الضّمحليل=ولا شفتني معكم بهدّ الهدايد
لكنّكم في شايحات المناويل=سقتم سبب مع مرزمات الرّعايد

حبايبي الجميع

البيتن الاخيرات يعرفون قصدي فيهن

هالحروب وسلامة الجميع

سعد السمين ,اصايل معجبون بهذا

[اصايل]

أبداااااع شعراءنا الكرام

صح الله ألسنتكم وبيض الله وجيهكم

كل التقدير والأحترام

سعد السمين ,اللحالي الغيداني معجبون بهذا

[اللحالي]

صح بدنك مديرتنا اصايل

الله يجزاك الخير يابنت حرب واخوانك المسلمين

سعد السمين ,اصايل معجبون بهذا

[سعد السمين]

صح لسانك يابو سلطان ملايين
وهذي زينة المثايل
وصح لسان الشاعر عويض الغيداني
وصح لسان الشاعر مساعد الغيداني
وعز الله إنكم كلكم جزلين ومافيكم حيله
تحياتي لكم جميعا

اللحالي الغيداني معجب بهذا

[اللحالي]

صح بدنك يابو تركي

ولاعليك زود يابن العم قد وقدود يالغالي

اقوله نيابةٍ عن الشّعّار أمثالك ياحربي

امّا انا يالشايب مفتون بالهواش وانا ماني هههههههههههههه
لكن من يعلم هذاك انّي هذاك ههههههههه

وحط بالك واناخوك ؛ ان أوميت لك ؛ الهمام

؟ يموت الولد مانخي ههههههههههه

سعد السمين معجب بهذا

[رجآوي]

أبدعتوا وأمتعتوا

الله يعطيكم العوافي

ولا خلا ولا عدم

اللحالي الغيداني معجب بهذا

[اللحالي]

مشكوره مديرتنا رجاوي ع

المرور الرّائع حياك

[شقاوي الغيداني]

صح السنتكم جميعع واعتلا شانكم

اللحالي الغيداني معجب بهذا

[اللحالي]

المشاركة الأصلية كتبت بواسطة شقاوي الغيداني

صح السنتكم جميعع واعتلا شانكم

صح الله بدنك يابن العم

يامرحبا.. بشقاوي... الغيداني
ابن. سكارى. نجد. بين. اخوانه

سكر. المعارك ماضي الازماني
ياللي تعرف الظّرف من عنوانه

[شقاوي الغيداني]

^


من بعد جتني جزال سماني
من شاعرٍ دايم فصيح ألسانه

دام البقى بك ي ذخر جدّاني
ي نسل شيخٍ فالكرم له شانه