ودي اسأل بس / ابوفهد

السلام عليكم صباحكم سعودي ودي اسأل بس من اللي مسؤل عن تنسيق قصائد الأعضاء ووضعها بقسم الدواوين وعندي اقتراح مهم جداً يجب ان يكون ديوان كل شاعر/ مغلق ولايحق لأحد التعليق عليه وشكر/

ابوفهد :

معيض الضعيني معجب بهذا

[اللحالي]

نعم فيه دواوين الشعراء لكن مافيه متخصص للتنسيق

انت تنسق او ان قدر ابو وليد يساعدك بس انتبهم من الغلط

حيث ان المدير الشاعر ابو مناحي إذا وجد خطى نقله

للارشيف وهناك عليه النقاش بسبب النقل

أمّا الصباح جزيري حيث يوجد بالمنتدى غير سعوديين

معيض الضعيني معجب بهذا

[ابو مناحي]

حياك الله يابو فهد
وأي خدمه حنا حاظرين
وطلباتك اوامر
وفعلاً انا معك ضد التعليق على الدواوين
ولك تحياتـــي وتقديــــــــــــــــري

معيض الضعيني ,اللحالي الغيداني معجبون بهذا

[معيض الضعيني]

يسعد صباحكم وانا معكم على ماتورون واقتراح في محله
وابو مناحي جنية الشعر بيض الله وجه له وقفات لا ينكرها الا من ينكر المعروف ماقصر بديوان بمنتدى حرب الادبي ديوان كسرات وديوان قوافي اوشكره بعد شكر الله بهذا المنتدى
بس عاد الربع يبون ينفذون طلباتك يا ابو فهد الشويب وانا ليه من سنة التاسيس ما حطولي ديوان لعل يشملني مشروعك
ههههههههههههههههههه
ويفتحولي شارع سيدين من الحفر على القصيم يلتقي بطريق المدينه السريع بس لازم يمر اعنيزه نقطة توقف وفنجال واعلوم ارجال عند والدي اللحالي الغالي راع الكيف والدلالي

ابو مناحي ,اللحالي الغيداني معجبون بهذا

[ابو مناحي]

حياك الله يابو وليد
وماعليك زود وانت وافي ورايتك بيضاء
بالنسبة للديوان عندي لو تبغاه اليوم
انت تامر وحنا علينا التنفيذ
وبالنسبه للشـــارع
الارض مملوكه بصك شرعي للحالي
ولاعندي صلاحيه اعطيك من ارضه وهو موجود
ولا يستوي معذار عن حاظر الراس
ولك تحياتـــي وتقديــــــــــــــــري

معيض الضعيني معجب بهذا

خير خير لا وين رايح يابو وليد يعني تدل عنيزة ولاتدل بريدة آخر محطة عندك بريدة طيييييييب على كلٍ حصل خير والله يستر كان ماصارت عاصمة القصيم عنيزة وبعدين انت تطالب بخط سريع سيدين وهذا غلط الخط السريع يتكون من ثلاث مسارات واذا مر على ارض مملوكة نزعة ملكيتها بس بدون تعويض على شانك لاهنت ولاهان ابو مناحي معك والجميع /

تحياتي لك :

معيض الضعيني معجب بهذا

هلا ابو مناحي وافي قول وفعل بس تم فتح الديوان فيمابعد اشكر لك تجاوبك معنا يامدير كبير بالنسة للشيخ اللحالي وارضه اللي قلت عليها ازهله عندي هو وارضه عندي واسطة تسحب الصك من قسم الأراضي لايهمك حتى لو فزع له راع الحفر ازهلهم كلهم الا اذا نفذ الطلب اللحالي يمكن نتفاوض معه /

تحياتي للجميع :

معيض الضعيني معجب بهذا

[ابو مناحي]

هلا يابو فهد
الديوان انا اقصد ابو وليد
يطلب فتح ديوان
من غير طلبات الطريق
هههههههه

معيض الضعيني معجب بهذا

لا لا لاتفتح له ديوان اذا فتحت له ابقفل ديواني واخرج من المنتدى علمتك لين يجاوب على السوآل المطروح هههه

الله يوفق الجميع :

معيض الضعيني معجب بهذا

[معيض الضعيني]

يارب تفرجها على عبدك معيض= دام الشويب صار خصمي اهنيا
اطلب عسى ناصر يشدد بتغليض = ويشوف من المخطي وش السويا
اما سجن او حضر من دون تخفيض = ولا بعد حكما يسوي كذيا
ولامن بداء الدخان والحرب بالقيض = الصوم طيب والشهاده اعليا