قصيدة الوفاء والطيب بصدور الرجالي

[فارس الامواج]

قصيدة الشاعر / حربي بن بجاد العطية الحربي


الوفاء والطيب بصدور الرجالي ................. مثل ريح العود وإلا الجاونيـه

والحرار أوكارها رؤوس الجبالي ............... ما يضيق الكون ورحابه فضيه

أتعلم من تصاريف الليالي ..................... وادمح الزله وألحقها الخطيه

لين صدري صارمن صبري شمالي ............. الزمن غدار والطّيب ضحيه

كم غدالي من الرجال وكم بقالي ......... وكم عزيز (ن) راح وافته المنيه

أتصبر لين ما يدنى زوالي .................. واطرد اللي راح والحق فالبقيه

جيت للدنيا وأبي اتركها لحالي ................. عزتي بالله والنفس الفنيه

هيه ياللي ما أنت أغلى ما غدالي ...... رفقتك ماهي على مثلي خفيه

مثلك أدرى ما صفالي لو صفالي ...... لو عطاني الشمس و القمرا بديه

اكرهـه المغـرور واللي به تعالي ........... وابغض اللي فيه نظراتن دنيه

ورفقه الطيب مثل شرب الزلالي ........... تروي الضميان من جمٍ رهيه

آه لا صديت واللازم بدالي .............. والتزمت الصمت والشرهه قويه

كل ما حاولت مافيها مجالي ................ قلت وينه لا بغيت العين حيه

قلت وينه ويـن أبا زيد الهلالي ............. ولا لقيت اللي لها ويصيح ليه

ما لقيت اللي عليه ارمي عقالي ..... في عيون الخلق شفت المنكريه

يا وجودي كل ما الطيب طرالي ........ وجد من وصى على عياله خويه

ويا وجودي كل ما سميت غالي ............ قالوا إنه مات وحظوظه رديه

لا ترك ثروة ولا عقب عيالي .................. ودع الدنيا ولا وصى وصيه

اكتب الأشعار من باب التسالي ........... وإلا بعض أحيان قصه واقعيه

لو يقول الشعر بعض إلسان حالي ......... كان ما غنيت وجروحي نديه

يحسبوني من جميع الهم خالي .......... يوم سمعوني اجر السامريه

والقصيد يجول في ساحة خيالي .... ما خبرت اللي على الخاطر عصيه

مير أنا بالله أعلنت اتكالي .............. وما على غيره ليا ضاقت شكيه

اللحالي الغيداني ,اصايل معجبون بهذا

[اصايل]

صـــح لسان الشاعر والناقل

أختيار متميز أخوي فارس الإمواج ^^
دمت بحفظ الرحمن

[اللحالي]

صح لسان الشّاعر : حربي الحربي

وتسلم يافارس الامواج ع الاختيار / حربي يفخر بحربي؟

[رجآوي]

مير أنا بالله أعلنت اتكالي .............. وما على غيره ليا ضاقت شكيه

ونعم بالله ، ما غيره نصير

لا هنت يالفارس على الطّرح

.

[فارس الامواج]

لاهنتوا جميعاَ

[معيض الضعيني]

صح السان الشاعر وسلمت يدالناقل لاعدمناكم