حظي اللي

[اللحالي]

واحضي اللي حط مركى وتكا = عيّا يقوم الحظ من فوق مركاه
لاذ الريال ودونه الباب صكا = والرزق عند اللي جزالن عطياه
أن كان ما باب (ن) من الخير فكا = ولا لعله روحت مقيط ورشاه
ما يلحق الرجال فالنفس شكا =لو كان ما يبدي على الناس شكواه
وانا من اصدوف الزمان اتشكا= يالله تفرجلي من الضيق يالله
الضيقة اللي تكت الصدر تكا =على جميع الخلق بالصدر مخفاه
اخاف يأخذ غايتي من تحكا =واللي يحفظ السر ما عاد نلقاه
والهرج ذودن بعد ما بات دكا =ياطى على قلب البنادم ويرعاه
والا كلام الطيب دايم مزكا =مثل السحاب اليا وطى دارن احياه
يحيي هشيمن في ثرى الارض ركا =يرد للفلاح جمن نقص ماه
والفقر عودن بالعصاه يتتكا=اليا قعد ما قام وان قام عزاه
لو هو عقيد القوم الاول والاذكا=لا طاح كلن ما يبي غير فرقاه
اخذني الطاروك مع وقفت اكا=شطره وقف بكا وعجزه يجرآه

الشاعر : عبدالعزيز بن طويق

اصايل معجب بهذا

[اصايل]

اللحالي الغيداني معجب بهذا

[اللحالي]

الله يبارك فيك اصايل