07-14-2016, 02:16 PM
|
#1 |
|
عضو مُشارِك
تاريخ التسجيل: Jul 2016
الدولة: كل يوم ديره
المشاركات: 93
|
قصة غزل الاولين
اسمع لغزل الاولين البنية و الشايب أبو قلب خضر بدايه القصه عن شايب هواوي ( قلبه خضر إلا ماله قلب) ما يشوف بنت الا ينفتن فيها ومشهور بانه حبيب يعني ( كازنوافا البدو ) وفيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون ؟؟؟ فراحت له وردت عليه السلام , كيف حالك يا شايب رد السلام والله بخير وفجأه عطته ظهرها ومشت ولا استإذان ولا شي !!!!! ولع الشايب من حركتها وقال فيها كم بيت يستعطفها فيها ويقول انها ذكرته بالماضي و اذا ما عطيتيني وجه لحقت باخوي الي في قبره ويذكر التاريخ واليوم اللي قابلها فيه يقول الشايب : يا بنت خوذي خاطري وارحميني.....لا تجرحين العود بعيونك السـود غضي نظرك وغطي الوجنتينـي.....لعل يومٍ جدد الجرح مـا يعـود يوم انتهى مع مرمسات السنيني.....جتني صواديفه على غير مقصود باول شهر عشره نهـار الثنيني.....حمدان مروا به على جنازة حمود البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل ردت عليه وهزأته تقول : يا شايب الرحمن وينـك ووينـي.....عزي لحالك قدمك الباب مسـدود قلبك عطوف وجاه قلـبٍ متينـي.....والبنت ما تشفق على مغازل العود حبل الرجا مقطوع بينـك وبينـي.....مثل الغليث اللي رعا قلبه الـدود اقفى شبابـك والعـرب مقبلينـي.....يا عود ما يرجع من العمر مفقود حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه يقول حمدان : يا بنت صـدي بالعيـون الظليلـه....لا صد عنـك الله نهـار القيامـه مالي ومالك يالفـروع الطويلـه.....لو فيك من رسم البـداوه علامـه يابنت مـا لـي بالثمانيـن حيلـه....اهدف كما تهدف على البير قامـه اقفى شبابي والدهر شفـت ميلـه.....يالله حسـن الخاتمـه والسلامـه اعطيك موجز والبضاعـه قليلـه.....واخذت لك من صافي الماء سنامه يتبع..................
__________________
لا اله الا الله اللي واجب توحيده كل م نمسي و نصبح لا اله الا الله |
|
|
|
07-14-2016, 02:18 PM
|
#2 |
|
عضو مُشارِك
تاريخ التسجيل: Jul 2016
الدولة: كل يوم ديره
المشاركات: 93
|
يتبع ..
وبعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب ( المسيكين عنده أمل ) يقول حمدان : يا بنت ما جاك الكبـر والخشونـه.....وعادت شباب اليوم يجفل من الشيب ياسرع ما وبلك تمزع مزونـــه.....يالفاتنه يا ام الثمــان الرعابيـب يا بنت ما بيني وبينـك مــهونه..... كلــمة شرف نبي تحيـه وترحيب الله من عــودٍ ثـقيله طنــونه..... ينصاه راع المشكلـه والمواجيـب على الكرم والدين نفسه حنونــه..... تلقاه بالاجواد شــرق وتغاريـب جهز الابيات وارسلها مع عجوز ووعد العجوز بهديه اذا وصلت الرساله لها راحت العجوز وعطت البنت الابيات شافتها البنت وقفلت على العجوز وقالت مثل ما جيتي بابياته ترجعين له بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف تقول البنت : العود عود وطايحـاتٍ سنونـه.....من كثر ما يرقد على جرة الذيب عودٍ مهرقل والعرب ما يبونـه.....ياعود ما لك في طويل المراقيب اقفى شباب العود راحت حتونه.....مثل اليتيم اللي بكا ما له مجيب جداه ينثر دمعـة ٍ مـن عيونـه.....غريق موجٍ ما لقا له مقاضيب.... ان شاء الله تكون اعجبتكم هذه المناظرة
__________________
لا اله الا الله اللي واجب توحيده كل م نمسي و نصبح لا اله الا الله |
|
|
|
|
07-14-2016, 07:13 PM
|
#3 |
|
مالك الموقع
تاريخ التسجيل: May 2014
المشاركات: 6,555
|
هههههههههههههههههههههههههههههههههههه وانا عارف ان الهواش بيحصل ؟ وش معنا قصّة الشايب شابت رموش العدو ؛؛؛ انا ماوصلت الثمانين لهالحين توي ولابغيت اتسوّق يادوب بالجديده ياليت, ماطبيت,,, بعنيزه,,, السّوق انا,,,بريضان,,, المتاييه,,,, سوقي انا عرف نفسي من الناس مطفوق وأخاف من بعجت, صميل, الغبوقي خلّيت, ثنتين,,, الارانب,,, وخرنوق صرت, الخزز, يوم, المطوّع,سلوقي العمر, ياشامان,, لاصرت,, ملحوق و لا,, يصيدك ,من, نوى,, بالّحوقي الوقت,, هذا, وقت, خانق ومخنوق ولاخير, في, من قيل عنه مخنوقي الشايب التالي ههههههههههههههههه المهم الله يعطيك العافيه والسوالف اللي عن الشيبان اغفل عنها الله يجزاك الخير واخوانك المسلمين شف عن العجايز ههههههههههههههه امهات كنيبيعات طبيت سوق العجايز جعلهن للذّهاب والكل,, منهن,, عليّ, تطيّر, اعيونها وانا مسالم ولاني مفتش في, زهاب مير,, العجايز,, عليّ,, تفرّك, اغبونها استغر الله وأتوب إليه مجرّد تسالي الله يتوب علينا ههههههههههههههههههههههههههههههههههه والسموحه من الجميع ياحبايبي سلام
__________________
لا إله إلا أنت سبحانك إنّي كنت من الظّالمين |
|
|
|
|
07-14-2016, 07:56 PM
|
#4 |
|
عضو مُشاركة
تاريخ التسجيل: Sep 2014
المشاركات: 2,693
|
حلووووة يالشايب اثاري منت بسيط ولك سوابق مع العجز خخخخخخخخخخ |
|
|
|
|
07-14-2016, 08:22 PM
|
#5 |
|
مالك الموقع
تاريخ التسجيل: May 2014
المشاركات: 6,555
|
كلها من شقاوي الله يجزا الجميع خير يحليل طلال هههههههههههههههههههههه لكن وش اللي يخليك تغيبين ولا فضفت مثل ذالك ولا حاضره كل هذ عشان دورت الهوش او دورت حاصل قضايا تودي لفندق ابوغريب يااااااااااام
__________________
لا إله إلا أنت سبحانك إنّي كنت من الظّالمين |
|
|
|
|
07-14-2016, 08:45 PM
|
#6 |
|
عضو مُشارِك
تاريخ التسجيل: Jul 2016
الدولة: كل يوم ديره
المشاركات: 93
|
ابو سلطان انت شكلك تدور الهواش ههههههههههههه قصه اعجبتني وحبيت انقلها لكم والا شكلك ماتحب الغزل ههههههه
__________________
لا اله الا الله اللي واجب توحيده كل م نمسي و نصبح لا اله الا الله |
|
|
|
|
07-14-2016, 10:41 PM
|
#7 |
|
مالك الموقع
تاريخ التسجيل: May 2014
المشاركات: 6,555
|
نعم نعم الغزل يخلعني ممنوع عنه عشان كذا اتهاوش مع الناس لاجاطاريه
__________________
لا إله إلا أنت سبحانك إنّي كنت من الظّالمين |
|
|
|
|
07-14-2016, 10:57 PM
|
#8 |
|
عضو مُشارِك
تاريخ التسجيل: Jul 2016
الدولة: كل يوم ديره
المشاركات: 93
|
اجل ابشر بالقصائد الغزليه دامك ماتحب الغزل ههههههههههههههههه
__________________
لا اله الا الله اللي واجب توحيده كل م نمسي و نصبح لا اله الا الله |
|
|
|
 |
| الذين يشاهدون محتوى الموضوع الآن : 2 ( الأعضاء : 0 , والزوار : 2 ) | |
|
|
العرض العادي
