إضافة رد
 
أدوات الموضوع انواع عرض الموضوع
قديم 08-24-2016, 04:59 PM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي حويّ ورويّ

يالهاشمي لو نطحن القمح برحيّ=ما نستفيد انفوعنا بالرّحيّا
يا بعد سرح حويّ عن مورد ارويّ=يفوق ما بين الثّرى والثّريا
وأنا يابو ريفه على مارد الميّ=ومظمي مع اللي من أوروده ظميّا
والا نفعني اخر الطّبّ بالكيّ=وأخاف من وقعي بأمرن فريّا
حاولت أسلّي خاطري في قوافيّ=وأقول يسلى خاطري بالقفيّا
مير الزّمن يطلبني الشي بالشيّ=وتكريره المطلوب ما هو شويّا
وأنا من المطلوب ماني بمعفيّ=فيه افهم اللي ليّ واللي عليّا
وأقول يا هاذيك خلّيك مع ذيّ=وتدارسن لغاتكن بالهذيّا
ترى كثير الصمت من جرحه النّيّ=ومعالج المجروح ما هو كذيّا
فقدتم الذّكره من الأبّ والخيّ=وشلون تخافون نضح الزّريّا
رزن العقول اللي تمادابه أسبيّ=يا مدوّرين ارفاه ماله رفيّا
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-24-2016, 05:17 PM   #2
الهاشمي
شاعر متميِّز
 
تاريخ التسجيل: Nov 2015
المشاركات: 134

اوسمتي

افتراضي

يامـرحـبا يـاللي بـمـعـنـاك تـرويّ
لعـل,,فـكـرك,,,يـالـلـحـالي رويّـا

كان الرّتيج بجـمّـة البـيـر يـهـويّ
وإلاّ انـطـلـق مـع عـاليات الجـويّا

الوضع ماهـوعـن مـعـانيه مكميّ
وراع السوالف يستـبـيـح الكمـيّا

لكن يابوسلطان لاتناحـي الـعـيّ
لايـجـذبـك زين السّـنح بـالـهـويّـا

تـرى الحـجازيين مـافـيهم اهـديّ
مـاهـو مثل طبع الشمالي هـديّا

وانت القـصـيمي بينهم بالتفدويّ
مـاقـلـت لي عـن من طلبك الفـديّا

والمـايسات الـفـاقـدات الـتّذكريّ
مـا يسـتـفـيدنّ القـضـاء بالـهـذيّـا

لوحازن الذّكره عـلى حـافة الطّيّ
نظـره عـلى الجـمّه ونـظـره عـليّا

وزريّة المـعـتوه لو شـيف تضـفـيّ
ماهـي عـلى قولك جـديدة ضـفيّا

واللي رزين العقل لو كان يسهيّ
من هاجـسن خـذا بـفـكـره سـريّا

مـع البـحـر يقفي به المـوج وإيجـيّ
مـيـر الـبـلا,,لاصـار,,مـالـه مـجـيّـا


والله والسموحه يالغيداني من كلامك شي مانا فاهمه
السموحه منّك ومن الجميع؛؛ وبيكم ياهلا
الهاشمي غير متواجد حالياً   رد مع اقتباس
قديم 08-24-2016, 06:08 PM   #3
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

لاوالله ماقصّرت يالذيب

الله يعطيك العافيع

اللي انت طلبت فيه المزيد
ماهو بيدي ولا بيدك عشان هيك
انا صفحت عنّه ويكفيني انّك فاهمني يارجال او نقول يازلمه
ههههههههههههه

سلام
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 05-15-2017, 08:37 PM   #4
الهاشمي
شاعر متميِّز
 
تاريخ التسجيل: Nov 2015
المشاركات: 134

اوسمتي

افتراضي

مشكور يالغالي ع كل حال
الهاشمي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 04:52 PM