إضافة رد
 
أدوات الموضوع انواع عرض الموضوع
قديم 08-20-2020, 01:07 PM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي ديوان الشاعر عوض عواض

حبايبي الجميع مرتادي منتدى اللحالي
السلام عليكم ورحمة الله وبركاته وبعد إليكم ديوان الشاعر الجزل بمعنى الكلمه غني عن التعريف هو الشاعر عوض عوّاض الغيداني كان له دواوين بمنتديات قديمه توقفت وانتها وجودها لذالك توجب علينا هنا بمنتدى اللحالي وضع ديوان له حيث ان قصايده ثمينه وله جمهوره من القديم و الان. لذالك سنبذل مانستطيعه من جمع مأمكن جمعه هنا وسنتواصل معه ليتحفنا بمالديه من الارشيف والجديد و يامرحبا بالشاعر و سنوافيكم بمانستطيع وإلى الاتي

بعض السوالف سامجه تدبل الكبد
يجيبهـا ناقص عـقـل و يـتـحمّـس

لاقـام بأعراض العـباد يهـبـد هـبد
ودّك على خـدّه تـصـكّه مـخـمّـس

من شان للشّيطان ماينقلب عـبـد
و يقوم لظهور الـعـبـاد إيـتـلـمّـس

ابو عواض

الـلـه انّـه لا يـواخـذني عـلـى تـفــريـطي
لو أحاول و اجـتـهـد مـصِـرّ ٍ بـلـيـاغـفـله

لـيت عـلـمـي مثل علم محمد الشنقيطي
لجل يشفع لي ماهو شعرالنبط و الحفله

عوض عواض
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-20-2020, 02:41 PM   #2
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي



رفيق ٍ ماياقف وقت الشّدايد رفقته تنعاف
غنيّن عنه في وقت السّعه مأنته رفيق ٍ له

رفيقك من يقاسمك الهموم وحتمي الميقاف
ترى كلّش طراتـه مـثـل مـاقـالـوا على حلّه

رفيقك بالسعه ينكرك لاجات السنين عجاف
ليامنّه وطـاك الـوقـت صـدّ و قـال لك خلّه

تعلّمنا من احداث التجارب قـيمـة الانصاف
وعرفنا اللي يعقدالحبل و اللي يـقـدر يحلّه

أخذنا بالحياه دروس والمبصر بعينه شـاف
احد يدمح خطأ ربعه وأحد يبحث عن الزّلّه

واحديطلع من ذراعه واحديصعدعلى الاكتاف
واحمد ضايع برأيه و أحد رأيه لـلـسـنـع دلّه

صحيح ان التجارب فارقه وان الرجال اصناف
تشوف اخوان كلن لـه اسلوب وطبـع وجبلّه

حقايق و الحقايق واضحه ماتجهل الـعـرّاف
لبيب العقل يعرف مقصـده قـدّام ياصـل لّـه

كتبنا واختصرنا الهرج تركيز ٍ على الاهـداف
لـيـا طـال الكلام الـمـسـتـمـع لو جـامـلـه ملّه

عوض عوّاض
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-20-2020, 03:23 PM   #3
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي



لـيـأذّن الـمـذّن تـعـوّذ مـن بـلـيـس
لياوحيت ذكر الله عليك احترامـه

نزّل ماوسط يديك مابه مجاليـس
ترى الكسل عن طاعة الله رخامـه

الله.غـنـي و إلاّ عـبـاده مـفـالـيـس
الـعـبـد. مـاربـّه. بـحـاجـة مـقـامـه

لاتغرّك الدنيا و جمع الـقـراطـيـس
وتطيح من ركضاً وراها الـعـمـامه

احذر ترى الدّنيا مثل لقطة غليس
مـامـن وراها إلاّ التّعـب و النّدامه

والـعـمـر فـرصـه والمنايا متاريس
و لاتـنـفـع الاعـذار يـوم الـقـيـامه

دنـيـا مـتـاع و لا عـلـيهـا مقاييس
مـادامـت لـخـيـر العـبـاد إستقامه

محمد اللي اسس الدين تاسـيـس
افضل صلاة الله علـيه و سـلامـه

عوض عواض
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-20-2020, 03:24 PM   #4
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي




يالله تـطـوّل عـمـر ابـويـه وامّي
على الوفاء وهدايتك والطّـاعـه

الـلـي غـلاهـم جـاريـن في دمّي
لياتعب احد منهـم يجيني راعـه

ابوي اقول لـه سـمّ وامّي سـمّي
نفسي لطاعتـهـم قِبَل خـضـاعـه

دايم جمـيـع اعضاي تحسدفمّي
لياقـبّلـتهـم نـفـسي الـخـضّـاعـه

رضاهم وطاعـتـهـم اكـبـر هـمّي
خوفن من الله و برضاه طماعه

عـلـى وفـاهـم. لـو أنـفّـذ. كـمّـي
مأرد لو ربـع الـوفـاء من صـاعه

لكن أحاول و اجتـهـد و اهـتـمّي
في برّهم جنّـه و خـيـر بـضـاعه

معهم احس ان الشّـمـل مـلـتـمّي
لـعـل مـوتـي قـبـلـهـم لـو سـاعه

أخفض جناح الذّل ليأغضوايمّي
رحمه و اوامـرهـم عليّ مـطـاعه

امـعـرّبـن من راس خـال و عـمّي
حب الـوفـاء مـزروع فـي زراعه

لـبـّيـه يـاعـمـري يـابـويـه و امّي
روحي فداهم والسمع و الطاعه
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-22-2020, 10:54 AM   #5
اصايل
إدارة عامّة
 
الصورة الرمزية اصايل
 
تاريخ التسجيل: Jul 2014
المشاركات: 5,325

اوسمتي

افتراضي




صح لسان الشاعر وتسلم يمين الناقل
مجهود يستحق الشكر والتقدير
الله يعطيك العافية ياعمي جزاع
__________________


اصايل غير متواجد حالياً   رد مع اقتباس
قديم 08-23-2020, 10:54 AM   #6
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

الله يعافيك اصايل حرب
نعم هذا الشاعر انا مخطي بحقه بالتاخير لكن اول كان له بمنتديات الغيادين و مجالس حرب كماتخبرين وسكرت ذيك المنتديات قلت اسوي له هنا لثقتي التامه بجزالة مفرداته و ماودنا نكثر المدح يمكن يتغلّا علينا ابوعواض.. . مشكوره مديرة المنتدى اصايل
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-25-2020, 08:54 PM   #7
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

الضّـيقـه اللي كل مـايـقـبـل الـلـيـل
تضوي عليّ يصبح الصبح صـاحي

أخفيتها عن ناقل الـقـال و الـقـيـل
و الـعـالـم الـلـي مـاتـدوّر صـلاحي

لها وراء عوج الـحـنـايـا مـداهـيـل
منها قضى صبري و غلّق كـفـاحي

ماتنكشف بالمختبر و الـتـحـالـيـل
الطّبّ فيها ضـاع و الـعـلـم فـاحي

والرّجل مهما صار له من غـرابـيـل
مايشتكي و الصبر سرّ الـنّـجـاحي

الصّبر مفتاح الـفـرج بـالـمـقـابـيـل
من لارفع نفسه مع الوقت طاحي

لابدّ. ماياتي الـفـرج و الـتّسـاهيل
ويصيد مخلابي ويكفخ جـنـاحي

عوض عواض
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-27-2020, 02:19 PM   #8
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

الهنوف الـلـي فـريـده مـزايـاها
والله ان فراق الاحباب موجعها

عقب ماني كنت مرهي بلاماها
أصبحت ذكرى بقلبي مواقعـها

يوم حظي عجزعنهاوانا ابغاها
كتبت لغيري و انا ميّت ٍ مـعهـا

لـعـنـبـو حـظ ٍ تـردّى و خـلاهـا
يوم جاته فرصت العمر ضيّعها

إستحالت و أخـذوهـا دنـايـاهـا
اطمعوها عقب ماكنت طامعهـا

اغصبوها ماحصل شي برضاهـا
ماجداها غـير هـلّـت مـدامـعـهـا

واصبحت صعبه و لاني بويّـاهـا
والقلوب القشر كبرت مواجـعـهـا

والله انّي كل مـاقـلـت ابـنـسـاهـا
قـابـلـتـنـي صـدفـة ٍ مـأتـوقـعـهـا

ورجـعـتني لـلـمـحـبـه و ذكـراهـا
والليال اللي مضت لي وانا معها

كـل. مـاتـطـري. عـلـي اتـمـنّـاهـا
عن هواها نفسي ازريت لاقنعـها

عوض عواض
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 09-05-2020, 12:24 PM   #9
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

خلاص انتها الموضوع لاتبحث الموضوع
طوينا الحبال الـلـي لـك الـعـام مـمـدوده

انـا و الـمـعـزّه. حـلـفـنـا. بـيـنـنـا. مـزروع
لايمكن نخـون الـحـلـف و نـغـيـر بـنـوده

مانخضع لغـيـر الله لـو أنّـا هلـكـنـا جـوع
عشقنا الشموخ و عزّة النّـفـس مـوجـوده

انا كنت هاقي ويـن يـاراسـي الـمـرفـوع
امـالـي. رعـاك. الـلـه مـاهـي بـمـحـدوده

لكني لقيت العكس بـالـمـاركـه و الـنّـوع
وقلت اعتبرها غلطـة ٍ غـيـر مـقـصـوده

ماعوّد على مستعمل الشي والمـمـنـوع
ولا. أقنع بـشي إلاّ اتـأكـد مـن الـجـوده

ادوّر على أغلى ماركه و الثمن مدفـوع
ليا اعجبني المضمون ماقلت وش زوده

عليك الغلا مـثنـي ورد الـبـراء مـربـوع
تسبـبـت في خـذلان قلبي و مـجـهـوده

ومادام الليالي مرحله والعمر مـشـروع
اخذت المفيد و كل واحد و مقـصـوده

ابأشعل من أمالي لـباقي الحاة شمـوع
الارزاق مضمونه و الاعـمـار مـحـدوده
عوض عواض
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 03:44 PM