إضافة رد
 
أدوات الموضوع انواع عرض الموضوع
قديم 08-27-2014, 04:54 AM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي فوق خطّ المستوى


=اللحالي الغيدانـــــــي
يامن يبي يمشي معي في خطّ فوق المستوى=نبـي نسولـف عـن نجومـن فــي سمـاهـا سـاريـه
هــرج الاوادم فــي زمــان الـيـوم شاعـيـه أغـلـوى=مايـنـجـذب بـالـدّلـو مـــن جـــمّ الابـــار الـصّـاريــه
=ناصــر الشميلانـــــــي
اكرب حزامك ياللحالي واستوى الخط استوى=عنـدك طــواري تـوهـا فــي مــخ راســك طـاريـه
عندك خبر ماكـل خلـق الله ياصاحبنـا سـوى=سـايـر زمـانـك والكـواكـب فـــي فلـكـهـا جـاريــه
=اللحالي الغيدانـــــــي
ابشر بما يحتاج للفاهم مع الجوّ سروى=يشوفه انّه في طراة العمر وانت تباريه
يامرحبابك ياجنيه الشعر والشّف ارتوى=من وابلٍ بأوّل وسـومـه ناقـع بـخـباريه
=ناصــر الشميلانـــــــي
هـرج الـعـوارف ياللحـالـي ماتـقـول الا دوى=ياراس خلّك بين روسٍ بالشجاعه ضاريـه
عساك تبقى والمثل معروف قلب وماهوى=ادريبهـا واهـل النظـر والعـرف مثلـي داريـه
=اللحالي الغيدانـــــــي
يـابـو مـناحـي صـار للصّـوت ومـزايـاه صـدوى=مـن بـايـعين الـصّـوت واللي للهدايف شـاريـه
ياخوي فكري شفت له بين اللجاليج حدوى=وعلى ذباذيب الشّعـايـف مـرسـلٍ سـباريه
=ناصــر الشميلانـــــــي
ياحبنـي للشايـب اللـي ماخفـاه المحـتـوى=نوب الاشاره مـن رداره غيـر بالانضاريـه
مـاكـل مــره تـتـبـع الـفـكـر الـمــدوّي لادوى=ترى الكسور احيان ماينفع بها الجباريه
=اللحالي الغيدانـــــــي
اللي فـبـالي يـاعـزيـزي امـر مافـيه أرفوى=بعـثر شتات الفـكر كيـف أعـيـده لحـصـاريه
اشوف ناسٍ مـاتبي للأمـن بـلارض بـقـوى=واشوف ناسٍ من سوايا النّاس هذي زاريه
=ناصــر الشميلانـــــــي
انت اذكر الله واشكره والسارح اللي ماضوى=ماهـو بــلا حـظـي ولا حـظـك ومـعـه مجـاريـه
الامـن سـايـد مستـتـب بـيـن الـمـلازم والـلـوى=لاكن نظام السعوده سبـب غـلاء الاسعاريـه
=اللحالي الغيدانـــــــي
انـا أدري انّـه مـثـل مـاتـقـول للامـن ضـفـوى=لـكـن تـزايـد حـسـبـة اللي عـاصـرو حـراريه
مأقشر من اللي راح بعياله بمحسوب سبوى=وشلون ضحّى في صـغـارالسّن مـن قشاريه
=ناصــر الشميلانـــــــي
حسبي على اللي غرر بحرٍ نداوى ثم غوى=حــراً نــداوي مــن حــرار صـقـور بـالاوكـاريـه
قطرة همـاج المـاء لهـا تاثيـر بعـدود الـروى=والـنـاس ياكـتـاب الصحـافـه للكـتـابـه قـاريــه
=اللحالي الغيدانـــــــي
آيوالله انّك جبت صلب العلم مافيه ثنوى=ذكّرتني في مـنـبـع الاسـباب وبـحـداريه
فيمامضى ياكثرمن في منهج الدّين سموى=واليوم بـسـم الـدّيـن كلٍ شـاهـرٍ شـبـاريه
=ناصــر الشميلانـــــــي
العلم من راس الفهيم اللي للابداع اهتوى=يامنبـع الابـداع بالمـشـوار كـيـف احتـاريـه
اللي تسمى منهج الاسلام لو يـوم انكـوى=يمديـه قـدام الدخـول يحـسـب للمضهـاريـه
=اللحالي الغيدانـــــــي
ابانشدك ياصحبي عن علم مافيه قبوى=انت الفهيم اللي بعون الله بدت شواريه
مافيه في سطح القمرمشفى لمن فيه سهوى=لـو ان بـعـده وارتـفـاعـه حـاتـمـن خـطـاريه
=ناصــر الشميلانـــــــي
الطرقي اللي ينشد الـراوي ويفهـم مـاروى=يبغى الدوا عن مشكلات تشتت الافكاريه
حاول يسافر للفضاء لكـن شكلـه ماقـوى=وعلاجه بمشفى ديـاره ماعليـه احصاريـه
=اللحالي الغيدانـــــــي
انادري انّك ودّك انّي لابسٍ قلنسوى=وان السّفر لبلادها في رفقة البحاريه
لكن من يرافق لك الشايب بعيد الارسوى=وإلاّ البـحر ياكثر بـعـده عن سـبب غـزاريه
=ناصــر الشميلانـــــــي
ياخوفي ان الشايب يروّح مع الطرقـه هـوى=والكهربـه والمـاس قـدمـه بالسـلـوك العـاريـه
ان قلت له هذا الطريق يقول لي مالك لوى=ماعنـدي الا ادعـي لــه الغـفـار بالاسحـاريـه

__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 09-02-2014, 12:21 AM   #2
معيض الضعيني
شـاعـر
 
تاريخ التسجيل: Aug 2014
المشاركات: 908

اوسمتي

افتراضي

الله ما شاء الله عملاق مع عملاق ابداع لاعدمناكم
معيض الضعيني غير متواجد حالياً   رد مع اقتباس
قديم 10-12-2015, 11:15 PM   #3
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

ماعليك زود يابو وليد

مشكور على الاشاده منّك يالجزل
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
فوق خطّ المستوى اللحالي مساجلات 0 08-27-2014 04:53 AM


الساعة الآن 01:56 AM