إضافة رد
 
أدوات الموضوع انواع عرض الموضوع
قديم 05-29-2019, 03:27 PM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 5,639

اوسمتي

افتراضي يالسامعين

يالسّامعين اقول.كلمه... جابها.. فكري.... نزوف
اقولها.... للي.... يعرفون.... الغبب.. و. اغموقها

سلام ٍ . أحلى. من شهاليل.. القراح. من القنوف
اللي.. من. المنشأ.. رعدها...مع.. لميع... بروقها

بأوّل دخول الوسم غيثه فوق خلق الله زحوف
يشرح صدور اجسام.. يتساقى الأمل.. بعروقها

إن الكريم.اللي وقف له في بيوت الله.. صفوف
في كلّ..ليله بعد صوم.. أيّام... صعب... بيوقها

يقبل.. صيام.. اللي لوجه الله بمجهوده. شغوف
يجمع... لمرحاله... من الدّنيا... وزيف... رهوقها

ياسعد.عين. اللي قضى شهره بمجهود امخلوف
يدخل...مع.. الرّيان....للجنّه.... بعاطر... شوقها

الله يهنّي.. كلّ باذل...خير... ما لحقه... حسوف
ويكفي. شرور اللي.. بقيل وقال رغي.. احلوقها

تلوخ.. بالألسن.. مثل ضرب الرّقاب من السيوف
الشّلّه....اللي... بالنّمايم..... ثار.. شر... افسوقها

مير .انتبه ياللي تخاف الله ترى الوضع امعروف
إن النّفوس. العايشه.. تاصل... لوقت... ازهوقها

ياعزّتي للي... يبي من...مثله.... بحاله... يروف
ماساعده حظّه....على حاله... بوفي.... احقوقها

لكن. يامن تعرف... حسوّ الشّهد لإكرام الضّيوف
ترى...الرّجال... الطّامعه.... ما تستهين... بنوقها

و العاقلين... اللي بمجهوداتهم... نقي الصّحوف
ترى... المكايل....ماتبي من يستبيح.... اطفوقها

وأقول.... يا شبابنا.... لا تغفلون.... مع..التّروف
ماهو بدايم...شمسكم. صافي سطوع...شروقها

لابد. ما تأتي مواقف تجعل... السّاطي... بخوف
واللّه... يستر. من صواعق.... باغته.... بشعوقها

ياما.. عرفنا..من. حوالينا... و. ناصينا....زحوف
يأهل. البشوت. اللي. لازالت. مأستمت. بفتوقها

ترى. العيون اللي تشوف وفي غشاوتها...رهوف
غير. العيون... اللي بليلتها....سرت.... بسروقها

السّالفه. ما هي بكيف الذّيب يسرح مع. خروف
ولا هي عن الشيهانه .اللي صار. طلق. اسبوقها

ولا هو بكيف..إن النّقط.. منزالها. فوق الحروف
ياللي تقفّيت. الخَلوج.....مع الفجوج... تسوقها

السالفه.. كيف.. الغدر يفتك و خلق الله. تشوف
وقت الضحى و طفول....رعيان العرب بربوقها

والسالفه. كيف الظنون استسرجت فكرالزّهوف
ثم... تجعله... سلعه. بيد... دلّالها. . في.سوقها

والسالفه كيف...اندماج.. الأقوياء. مع.الضعوف
بعد... ابتعاد.... الأغنياء. عن الضعوف و عوقها

صاروا. بداخل. دايره بأخسوفهم. ويّا الكسوف
الذّل... ملحفهم... عباته... رغم.. كِثر..اشقوقها

لكن ياطيبه. دام... بالرّكضات.. تطمير.الجروف
اليوم وقت الصّاليات... اللي جحاف... حروقها

يالله.. دخيلك... يالعليم.... بمايشيلنّ...الكتوف
حسب... اجتهاد. الوالدين بمن غبق... مغبوقها

تجعل بمجهود الخلافه. خير بسكون.. اللجوف
للي نزل. في باطن ارضه... بعد كونه.... فوقها
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 06-07-2019, 04:52 PM   #2
الهاشمي
شاعر متميِّز
 
تاريخ التسجيل: Nov 2015
المشاركات: 86

اوسمتي

افتراضي

صح لسانك اللحالي
تسلم ع هالجزله يالجزل
الهاشمي غير متواجد حالياً   رد مع اقتباس
قديم 06-08-2019, 08:50 PM   #3
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 5,639

اوسمتي

افتراضي

صح الله بدنك ابو ورنس
جزاك الله خير الله يسعدك واخوانك المسلمين
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 06-09-2019, 08:36 AM   #4
اصايل
إدارة عامّة
 
الصورة الرمزية اصايل
 
تاريخ التسجيل: Jul 2014
المشاركات: 5,094

اوسمتي

افتراضي

صح لساااانك و



__________________


اصايل غير متواجد حالياً   رد مع اقتباس
قديم 06-10-2019, 09:20 PM   #5
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 5,639

اوسمتي

افتراضي

صح الله بدنك الاميره اصايل
جزاك الله خير واخوانك المسلمين
الله يسعدك يابنت اخوي ومن يعز عليك
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 11:39 AM