كشوف الغياب - سعد ناعم السهلي

[اللحالي]

في رحلـة العمـر لاتنسـى الوعـد للأيـاب=تـرا السفينـه تخـوض الـمـوج باصحابـهـا
خلك مع الدرب لاتخطي طريق الصـواب=قـــدام الايـــام تـلـبـس بـاهــت ثيـابـهـا
ان كان حاسبت روحك قبل يوم الحساب=لاتـشـتـقـي بـالـلـيـال ودورة حـسـابـهـا
الله يجازي على الحسنى عظيـم الثـواب=اولابـهــا مومـنـيـن الـخـلـق واحـرابـهــا
المعصيـه ماتجـيـب الا النـكـد والـعـذاب=والجاهل اللـي غفـل عـن ساعـة عقابهـا
اليوم حاضر وباكر فـي كشـوف الغيـاب=ماعـاد يحـصـل لعيـنـك شـوفـة احبابـهـا
من عقب لبس المشالح والعقل والثياب=تصبـح بحـضـن اللـحـود وغيـهـب ترابـهـا
لاجيت مـن مرقـد النايـم تشيـل الكتـاب=واعمـالـك مـدونـه فــي داخــل كتـابـهـا
في يوم صم الجبـال تصيرمثـل السـراب=والنـار تحـت الصـراط تفـوح مـن مابـهـا
ان جبتهـا مظلمـه تشبـه سـواد الـغـراب=عنـك السـلامـه تغـيـب وتبـعـد اسبابـهـا
وان جبتها بيض ترجح فـوق حـد النصـاب=يفـتـح لــك الله بفضـلـه واســع ابـوابـهـا
ياخالـق البيـت يامنشـي ثقـال السحـاب=تفـرج عـن امـة محمـد نــازف مصابـهـا