صح لسانك ياعتيبي

[اللحالي]

.الـبـارحـة مـرّيـت دار الـغـيـادين
أهل الوفاء والطيب وأهل الجماله

دار الكرام الوافيـيـن الـعـزيـزيـن
كسّـابـة النّامـوس في كل قاله

مـن حـرب حـرابـة للـمـعـاديـن
سـلالـةً يـاحـيـهـا مـن سـلالـه

افعولهم تذكر من اول لـ هلحين
اقولها وغـيـري مـن الناس قـالـه

اقولها صـادق وعـنـدي بـراهين
والطّيّب يـذكـر لـيـا جـاء مـجـالـه

لي صـاحبً منهم ويسوى ملايين
نافل ولد سالم عسى الخير فاله

راع الكرم والجود والمذهب الزين
وكل الـعـلوم الوافـيـه من خـصـاله

ياقف مع الاصحاب فالعسر واللين
وعـز الخـوي الـيـا لـفـاه وعـنـالـه

ترفـع له البيضـا بروس الـمـيـادين
وتشهد مواقـيفـه بـحـق الـزمـالـه

الشاعر .ضيف الله بن جهجاه بن ربيعان

ـــــــــــــــــــــــــــــــــ

صح لسانك ياضيف الله ومشكور على الابيات المعبره والجزله من الجزل
وكفو عليك وعلى امثالك من الطّيبين وابو سليمان يستاهل
ولله يجعل الجميع بعزّ ومعزّه

اصايل ,دحمان-الحاج معجبون بهذا

[دحمان-الحاج]

صح لسان الشاعر الجزل ضيف الله بن جهجاه بن ربيعان
ويستاهل المدح والثناء ابو سالم نافل الغيداني ( بناخي ابو سلطان )

وتسلم يا أبا سلطان (يا ملك) على هذا النقل المميز

اللحالي الغيداني معجب بهذا

[اللحالي]

مشكور ياخي يابو براهيم

الله يجزاك خير واخوانك المسلمين

والعذر والسموحه منك ومن الجميع اضفت الموضوع من الجوال

حال وصوله من بعض ناس ههههه وانت يالمرسل وجماعتك شبابه العتيبي والغيداني تستاهلون كل خير

ودّي لو أنّي متهاوش معهم لكن ذليت والدنيا برد ههههههه

[اصايل]

والنعم بعتيبة والغيادين
صح لسان الشاااعر
وسلمت يمين الناقل
احترامي وتقديري

اللحالي الغيداني معجب بهذا

[اللحالي]

الله يسلمك اصايل حرب

جزاك الله خير واخوانك المسلمين
ويستاهلون الطّيّبين من وين ماكانوا
ونعم بأهل السلوم الجزله بالجزيره العربيه