11-23-2015, 11:20 PM
|
#1 |
|
مالك الموقع
تاريخ التسجيل: May 2014
المشاركات: 6,562
|
يا صاحبي وش فيك
ياصاحبي وشفيك قلّي عسى خير=تشكي وانا خابرك رمز الشجاعة ان كان حاديك الزمن والمقادير=الصبر للرّجّال يعطي مناعة اسمع وخذ مني نصيحه وتذكير=ذرب الكلام اللي يفيدك سماعه صوادف الدنيا ورود ومصادير=وافضل كنوز الوقت كنز القناعة اللي كتبه الله على عبده يصير=صبراً جميل ودبرة الله مطاعه مادمت من روس الرجال المشاهير=مايرتخي راسٍ شمخ بارتفاعه بكره تبي تلقى العوض بالمخاسير=تاصل حبال الوصل عقب انقطاعه العافية تسوى كنوز الدنانير=والرجل دايم نجدته من ذراعه صكات بقعا لانصنّك طوابير=خلك كما ضلعٍ تقانب سباعه شامخ شموخٍ ماتهزه اعاصير=لو هو محاصر بالخطر كل ساعه ساير زمانك وانتبه تعكس السير=وسمح الجناب اللي يراعيك راعه ربعك حزامك بالليال المعاسير=صدرك عليهم لايضيق اتساعه قد قالو اللي يحكمون التعابير=ترى يد الله مع يدين الجماعة حذراك دينك لايجي فيه تقصير=لاضاع دينك ماش غيره طماعه ابليس لو زيّن دروب المحاذير=أبعد عن اللي مايجوز اتباعه عقب المنيه ماتفيد المعاذير=واللي يطيع ابليس ماله شفاعه إشرْ الرفيق اللي يعينك على الخير=وبيع الردي فالسوق بيع البضاعة لازم يجي من صاحب السوء تاثير=يدوّر اللي يخشره في ضياعه اللي يحمل المسك ماينفخ الكير=ومجالس المقرود ياخذ طباعه كم من كبيرٍ عقل وعمره صغير=وكم من كبير ... بعقل سن الرضاعة لاتستشير الا حكيم التدابير=رجلٍ تفيدك خبرته واطّلاعه العاقل يشاور هل العرف ويشير=وكلٍ على ماقيل حسب اقتناعه الطيب يبدي بالوجيه المسافير=يبدي كما نورٍ توهج شعاعه يشفيك حرٍ لانهض كنه الطير=الطيب مزروعٍ بقلبه زراعه في طلته تلقى السعد والتباشير=واليا نخيته قال سمعاً وطاعه تلقى الكرامه عند ريف الخطاطير=وتلقى اللكاعه عند راع اللكاعه ما بالبشر مخلوق من غير تقصير=مير القيام يكون بالاستطاعه واليا ظهر سرك ولوقال في بير=تراه مابه بير من غير قاعه يبدي ويبدي به من الناس تزوير=حيث ان بعض الناس مثل الاذاعة يصبح كما جمٍ ملته الغثابير=ويمسي طعام مروّجين الاشاعة الظلم ظلمه في وجيه المعاثير=مايفلح الظالم ولو طال باعه يلقى الجزا لو عقب طول المشاوير=سواة ماسوّاه واعظم شناعة من دعوة المظلوم احذرك تحذير=اليا رفع لله كف الضراعة يجيب ربه دعوته دون تاخير=وابو قناع يبين خافي قناعه راع الحسد لو يندفع يمك مغير=عنّز على الله واتركه باندفاعه كل الصعاب بعون ربي تياسير=من يتكل بالله ومَن كل راعه قدمت لك عن واقع الحال تقرير=ببيوت شعراً فيه فن وبراعة صدرتها من صافي الفكر تصدير=وحقوقنا ماهي حقوق الطباعه وختامها مني تحية وتقدير=شاري خوي الطيب ماعاد باعه = قصيده لا نعلم قائلها لكن صحّ لسانه
كماهو واضح بتعقيب الشاعره ترانيم حربيّه قالت ان القصيده للشّاعر رئد العالي العتيبي المهم صح لسانه وكفو عليه الجزاله وأمثاله
__________________
لا إله إلا أنت سبحانك إنّي كنت من الظّالمين |
|
|
|
11-23-2015, 11:41 PM
|
#2 |
|
عضو مُشاركة
تاريخ التسجيل: Sep 2014
المشاركات: 2,693
|
وتسلم ياجدي على الاختيار الرائع دايم اختياراتك موفقه ربي يطول بعمرك ويسعدك والقصيده للشاعر رائد العالي العتيبي |
|
|
|
|
11-24-2015, 12:08 AM
|
#3 | |
|
مالك الموقع
تاريخ التسجيل: May 2014
المشاركات: 6,562
|
اقتباس:
على الاشاده الجزله منّك يالجزله ومشكوره على ذكراسم شاعر القصيده وباضيف اسم شاعرها ولعلمك بنتصادق كلّ هالرّبيع وبعده نشوف
__________________
لا إله إلا أنت سبحانك إنّي كنت من الظّالمين |
|
|
|
|
|
11-24-2015, 02:35 AM
|
#4 |
|
إدارة عامّة
تاريخ التسجيل: Jul 2014
المشاركات: 5,325
|
ابيات رائعه واختيار راقي . 
__________________
 |
|
|
|
|
11-25-2015, 01:21 AM
|
#5 |
|
مالك الموقع
تاريخ التسجيل: May 2014
المشاركات: 6,562
|
مشكوره يابنتي
__________________
لا إله إلا أنت سبحانك إنّي كنت من الظّالمين |
|
|
|
|
09-19-2016, 07:15 AM
|
#6 |
|
شـاعـر
تاريخ التسجيل: Aug 2014
المشاركات: 910
|
وتسلم يا ابو سلطان على النقل الجزل وسلمت ترانيم على إثبات شاعرها ودمتم بخير |
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| صاحبي | شقاوي الغيداني | مجلس الخواطر | 0 | 07-17-2016 04:19 AM |
| يا صاحبي لا تمنع الطيّب | اللحالي | قصائد مسموعة | 2 | 11-21-2015 12:39 PM |
| يا صاحبي فجيت | اللحالي | قصائد مسموعة | 3 | 09-03-2015 06:53 PM |
العرض العادي
