06-24-2016, 04:47 AM
|
#1 |
|
مالك الموقع
تاريخ التسجيل: May 2014
المشاركات: 6,563
|
ابن زويبن
السلام عليكم و رحمة الله وبركاته ثم إلى الموضوع اللذي اكتب حروفه وانا محزون يشهد الله حيث انّي اكتب عن شاعر علم من اعلام الجزيره العربيه بعد رحيله إلا مثواه الآخير الله يرحمه وعموم موتى المسلمين كتابة هذا الموضوع : أعزّي نفسي واولاده و القبيله والجزيره وشعراءها / بالشاعر عبدالله ابن زويبن المعمّري الحربي شاعر تجسيد الحكمه والتعبير الهادف والوصف الدّقيق وغزارة المعنى فقصائده تشهد بذالك ومعروفه لدى الكثير: وهنأ في المنتدى له عدّة قصائد في قسم نبض المشاعر والقصائد المسموعه بصوته الله يرحمه واخوانه المسلمين واخترت الأتي من قصائده ::::::: قبل سفره للعلاج بساعات حسب ماوصلني لاحظ على بنته ذات السّبع سنوات ماورد بماقال وراك يابنتي من الصّبح تبكين= ترى دموع العين ماهي خفيّه تبكين وابكيتي صغارٍبريين=وانا بعد دنيتها هاشميّه مير البكاوالحزن ماهو بهالحين=فرقا بنات الناس ماهي قضيّه أليا تعدّت عشرة ايام تنسين=انتي وهن كلٍ يسليه حيّه لكن ليا حطّوا على راسي الطّين=هاك النهار اليا بكيتي عليّه ومادام انا وانتي على الارض حيين=ياسعدعينك لو بكيتي شويّه والله لا انسيك الزّعل لين ترضين=وأمهد لك الدّنيا فجوجٍ فضيّه واحماك مثل حماية الجفن للعين=وكلّش فداك ليابغيتي شريّه يفداك ماشافت عيونك من الزّين=لو ان متر الثوب من خمس ميّه لوانّي اسجل على ذمتي دين=زودٍ على مايملكنّه ايديّه :::::::::::::::::::::: وخارج الوطن قبل العمليّه بساعات تذكّر ابنته ذات السّبع سناوات وقال البارحه عيّت عيوني عن النّوم=ابيه مير النّوم عيّى يجيني ماني بخايف دام باقي معي يوم=في دبرة اللي يحيي الميتيني لكن تواردني هواجيس وهموم=متشوّقٍ لبنيّةٍ ترتجيني الله يغفر للشاعر عبد الله ابن زويبن ويرحمه رحمةٍ واسعه ووالدينا وعموم موتى المسلمين آمييييييييييييين حبايبي الجميع اربعه توفيوا ليّ ولم استط ارثيهم بأبيات / اخي / ووالدي/ ووالدتي / وهذا الشاعر ؟ الله يرحمهم اجمعين واخوانهم المؤمنين وإليكم من قصايد الشّاعر ياعزوتي يابدر مااقرب حضايبـك =على الخطا والصح حبك نقـازي نوب تنسينا الشقا فـي عجايبـك =ونوب تولعهـا بليفـة وقـازي ادناة مايرضيك وأدناة مااغضبـك= تلقّط الغلطات لقـط الجهـازي ماهي عداوة يوم اطالبك واضربك= أنته حفيد جدودنا ماانـت نـازي لاشك انا يابدر ابنصحـك وادبـك= واعطيك عن كل المعاني أجـازي تلقى فوايدها ليـا خـط شاربـك= بها على كل الوصايـا أمتيـازي خلك شمالي عند زلـة قرايبـك= وعلى الحقوق اليا نصنك حجازي لاتذخر المذخور من دون واجبـك= اوف الحقوق اللازمات بنجـازي للضيف والجيران ليّـن جوانبـك= وبالطيب جاز وبالردى لاتجـازي احلم على زلة رفيقـك وصاحبـك= ادمح خطاهم لاتصيـر انتهـازي يابـدر والله ماتخونـك مناسبـك= لك منسب طيب وساس عـزازي أفرح ليا قالوا هاك العود جاذبـك=يصير عندي مفخرة واعتـزازي ياسعـودعـل دياركـم عمهـا السـيـل=عقـب البـروق اللـي تكاشف جهتهـا عطنـي جمـيـع اخبـارهـا بالتفاصـيـل=عـسـى الـرّجـوع التـالـيـة سيلـتـهـا لعـلـهـا دايـــم تـصــبّ الهمـالـيـل=عـلـى الـفـروع جبـالـهـا واوديـتـهـا دار ربـو فيـهـا الـرجـال المشاكـيـل=مـن ماضـي الايـام مـا احـد شمتـهـا حمـايـة الـخـايـف وصـبـّابـة الـهـيـل=وعـوق السميـن اللـي تمـوح ذنبتهـا لو كان ما رجي من وراهـا محاصيـل=ميـر الرّجـال تـحـب مــن سامعتـهـا وفـي ضفهـم راع العيـون المكاحيـل=اللـي يـذ وب القلـب مــن سلهمتـهـا إلى اقبلـت قـام يتكفكـف دجـا الليـل=كـــل الـديــار المظـلـمـة نـورتـهــا وإلى ادبرت غطّت جسدها المجاديـل=بـيـن الخـلايـق لــو تـعـرى كستـهـا وأن كفّتـه مثـل الغـصـون المحامـيـل=وان فـلـتـه قـــام يـتـثـنـى تـحـتـهـا كنـّه سبيـب اللـي ليـا ماحـت الـذّيـل=راســه تـعــدى راسـهــا وارقبـتـهـا صفرا وهي بعذارهـا سمعـت الخيـل=اشـد مـن ضـرب الـدفـوف أرجفتـهـا وقامت تشيل بنفسها بالسمـاء شيـل=وصـاح النّذيـر وسبـّق الخـيـل جتـهـا خيّالهـا دايــم عـلـى خصـمـه يمـيـل=الــى فــرق رجلـيـه عــن معرقتـهـا شـيـخ مضـرّيـهـا لـنـطـح المقـابـيـل=صـــوب الـخــلا بعنـانـهـا ماعفـتـهـا تفـرح بـه اللـي مـاوراهـا رياجـيـل=وصكـت عليهـا خـيـل قــوم وخذتـهـا قـــوم تـقـفـوا جـلـهـا والمـخـالـيـل=أقـفـوا عـلــى خلفـاتـهـا واجنبـتـهـا وابطـت فـزوع مسحبيـن الشمالـيـل=وجـاء مـن يـرد البـل علـى راعيتـهـا عـن كبدهـا يجلـى الصـّدا والبهاذيـل=إلـى لفـت فيـه الصّـدف مـن بختـهـا ونـادى لهـا يـام الحـلـق والخلاخـيـل=ويــن اتـجـاه الـقـوم يــوم اقتفتـهـا وقـامـت بـذرعـانٍ زهتـهـا المفاتـيـل=تنـعـت وراهــم لـيـن وكّـــد نعـتـهـا وقامـت تزغـرد بالغـنـاء والمـواويـل=وجاه الدهاش وشـاش مـن غطرفتهـا ولحـق بسيـفٍ لمعتـه مثـل الأستيـل=وصفـراً إلـى جـات الحـلاة أطمرتـهـا وأومى بهـم مثـل الهـوى بالمخاييـل=وضاقت بهـم جـرد السهـال وسعتهـا من راح ماعـوّد ومـن طـاح مـا شيـل=قطـم الـحـذا راجــت علـيـه غبرتـهـا فيمـا مضـى واوردتهـا ضـرب تمثيـل=لـوكـان دورات الـزمـن كــد محتـهـا دنيـا تفـرّق شمـل جيـلٍ بـعـد جـيـل=قـدامـنــا كــــم عــاالــمٍ فـرقـتـهـا دارت بـنـا الايــام مـثـل المحـاحـيـل=عنـهـا نـحـت فـيـّه وعـنــي نحـتـهـا نحـت ولاجتـنـي خـطـوط ومراسـيـل=وإلـــى كـتـبـت رسـالــةٍ ماقـرتـهـا لاكـن قــرار الـحـبّ مافـيـه تعـديـل=لـو عشـت بالدنيـا إلـى آخـر سنتـهـا يبقى على مـا كـان لـو طالـه الطيـل=رســمٍ بـذاكـرتـي وفـــي ذاكـرتـهـا هاض الضمير وقلت من عرض ماقيل=واخيـر مـن ســرد العـلـوم اثمرتـهـا اختـرت ماتصلـح علـيـه التعالـيـل=عنـد الرجـال اللـي تـصـوغ أمثلتـهـا بعـض الرجـال يقابـل الكيـل بالكـيـل=وبـعـض الـرجـال تحـدهـا معرفتـهـا والنـاس باللي ماتعـرفـه جهاهـيـل=ويـبـيـن غـيــب قلـوبـهـا بالسنـتـهـا وتـعـرف فصيـلـة دمـهـا بالتحـالـيـل=وتـبـيـن جنسيـاتـهـا مــــن لـغـتـهـا الشاعر/ عبد الله بن زويبن المعمري رحمه الله
__________________
لا إله إلا أنت سبحانك إنّي كنت من الظّالمين |
|
|
|
06-24-2016, 07:06 AM
|
#2 |
|
إدارة عامّة
تاريخ التسجيل: Jul 2014
المشاركات: 5,325
|
رحمة الله عليه وعلى جميع المسلمين أسكنهم الله الفردوس الإعلى كلمات مؤثرة كل التقدير ياعمي جزاع
__________________
 |
|
|
|
|
06-24-2016, 05:38 PM
|
#3 |
|
مالك الموقع
تاريخ التسجيل: May 2014
المشاركات: 6,563
|
الله يرحمه وعموم اموات المسلمين آمييييييييين ياربّي .. لوالديّ . ارجيك .. غفرانك يامنّ .. لوجهك وفي ماتامره صمنا يآلله. صايم. لوجهك واطلب احسانك تغفر... لعبدالله . زويبن .. وترحمنا
__________________
لا إله إلا أنت سبحانك إنّي كنت من الظّالمين |
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| البارحه يوم انقطع حس الاوناس عبدالله زويبن | اللحالي | قصائد مسموعة | 2 | 01-27-2017 12:09 AM |
| ابن زويبن | اللحالي | عذب القوافي | 10 | 06-23-2016 05:23 AM |
| قصيدة ياوجودي وجد مجروح الفوادي للشاعر / عبدالله بن زويبن الحربي | فارس الامواج | قصائد مسموعة | 1 | 08-21-2014 02:12 AM |
العرض العادي
