وين اللحالــي ؟؟

[ابو مناحي]

ياللحالــي بعـــد جينا تعال=والحقايق تعال وعدها
انت من وين ياسمح القبال=جيب الاخبار والا ودها

اللحالي الغيداني معجب بهذا

[اللحالي]

ياسلامي على السيل الزلال=كلمةٍ مثبتٍ لك جدّها
حرب ربعي مثل شمخ الجبال=لابةٍ ياهجـاد مـضـدّها

[ابو مناحي]

مرحبابك عدد نو الخيال=النشاما عريبٍ جدها
نعم فيكم ياوافين الخصال=مد يمناك عجل مدها

اللحالي الغيداني معجب بهذا

[اللحالي]

البقى فيك ياسمح القبال=وخذيميني رفيعٍ قدها
انت من وين ياكرم السبال=كلمـةٍ تستبينك بدّها

[ابو مناحي]

الوفا طبعنا في كل حال=بين مزح العلوم وجدها
الاجابه على قد السوال=من شبابه ونفسك هدها

[اللحالي]

ايه اناجـارك بذيك التّلال=والـهـقـاوي تـشـابه فـدّها
مرحبابك وياحي الجزال=وارسل رموز خافي سدّها

[ابو مناحي]

انته بنجد والبارق شمال=وان كتبت الحروف تعدّها
السوالف عريضاتٍ طوال=مايلشنا ترا في ردها

[اللحالي]

كـل دار(ن) لـنـافـيـهـا أجـتـوال=والمسافات ممدي حدّها
والسوالف على حسب المقال=عشّ كلمتك وإلاّغدّها

[ابو مناحي]

منت ناقص ولله الكمال=مير نفسك وراك تحدّها
الوسيمه على خدود الجمال=ياللحالي وسمنا خدها

[اللحالي]

ماتحديت في نفس العذال=غيرمانيب عارف عدها
والوسيمه لنا معها عقال=كلمه وانت جيت بسدّها