ودي اسلم عليه

[معيض الضعيني]

يا سلام الله سلامن ياصل اللحالي مكانه = يدرج داخل عنيزه لين ياصل عند بيته
ودي اسلم عليه واحب خشمه مع عيانه = شايبن له قدر عندي وبعده عني ماقويته

[اللحالي]

المشاركة الأصلية كتبت بواسطة معيض الضعيني

يا سلام الله سلامن ياصل اللحالي مكانه = يدرج داخل عنزيه لين ياصل عند بيته
ودي اسلم عليه واحب خشمه مع عيانه = شايبن له قدر عندي وبعده عني ماقويته

مرحبا باللي لمقصود الخفوق اطلق عنانه
من بعيد الدار عبر النّت مكتوبه قريته

في زمانٍ كل منّا صار مشغولٍ بشانه
مير ماينساني الطّيب وانا اللي مانسيته

[معيض الضعيني]

المشاركة الأصلية كتبت بواسطة اللحالي الغيداني

مرحبا باللي لمقصود الخفوق اطلق عنانه
من بعيد الدار عبر النّت مكتوبه قريته

في زمانٍ كل منّا صار مشغولٍ بشانه
مير ماينساني الطّيب وانا اللي مانسيته

عطني اعلومك عساك ابخير يامعطي ضمانه = والنصيحه لي هديه منه ولله ماشريته
جعل ربي يحفظك من كل مكروه اوزمانه = ويسعدك في كل حزه وكل دربن لانويته

[اللحالي]

المشاركة الأصلية كتبت بواسطة معيض الضعيني

عطني اعلومك عساك ابخير يامعطي ضمانه = والنصيحه لي هديه منه ولله ماشريته
جعل ربي يحفظك من كل مكروه اوزمانه = ويسعدك في كل حزه وكل دربن لانويته

العلوم اللي زمنها مستشيطٍ بحدوانه
عندك رموزن عن المقصود لامنّي رميته

شايبن ياخذمع الهقوات بالفكر سرحانه
تقل ماهو واثقن بالليل لامنّي سـريته

[معيض الضعيني]

يكفي العود المبارك بس منطوقت لسانه = وغير ذلك ماحدن يجحد لفعله وطيب صيته
في حضوره او غيابه بالمجالس له رزانه = شيب عيني لو يغيب العود خلاني شتيته

[اللحالي]

المشاركة الأصلية كتبت بواسطة معيض الضعيني

يكفي العود المبارك بس منطوقت لاسانه = وغير ذلك ماحدن يجحد لفعله وطيب صيته
في حضوره او غيابه بالمجالس له رزانه = شيب عيني لو يغيب العود خلاني شتيته

الله يمدك بطول العمريارع الميانه=انت تامرامروالمطلب لك في مأحتزيته
وبوجودك خاطري مرتاح بأحلا عنفوانه=الله انّه يمدي بوقت السّعاده في مشيته

[معيض الضعيني]

بارك الله فيك يااللحالي يارع للمكانه= اشهد انك مستشار الراى لامني بغيته
وفي مثابت والدي نحسبك وبنفس الحصانه = ياعسى عودي وعودك بالجنان لهم المبيته