يالوطن

[اللحالي]

أمشي بعرضك يالوطن وأمشي الطّول=وفي كلّ ديره يالوطن طيب ناسك

والكلّ منهم عن مخاوفك مسئول=ومن حجّ لك بالأمن يدّي المناسك

وصلت بك بالفخر لحدود مذهول=من ما حصل للي يحاول مساسك

رغم إنّ يوجد فيك رخمان وحثول=واللي من أجل المال يبي افتراسك

لكن هل التّوحيد ما فيهم نذول=وبمنهج التّوحيد يا عزّ رأسك

نعرف من التّاريخ عن ماضي جيول=ينقال من بِعد الرّطوبه يباسك

واليوم في كلّ الملذّات مشمول=في واضح أوضاحك ومجهم دماسك

ليا شفت ناسك يوم تزعب من المول=واللي سكن صرحك ويخرف غراسك

أقول مرغادك على ناسك يزول=وعلى قليل الدّين يصعب مراسك

يالله تهدينا لما فيه محصول=نستزهبه بمغادرتنا دواسك

[ابو مناحي]

الله

الله الله

الله الله الله

الله الله الله الله

صح لسانك واعتلا شانك

ابيات جزله وشاعر جزل

وفي موضوع من الأولويات بالاهميه

بيض الله وجهك ولاهنــــت

ولك تحياتـــي وتقديـــري

اللحالي الغيداني معجب بهذا

[اللحالي]

الله يفرّحنا بسعادتك وامنثالك

يالفالي ابومناحي

والجزاله انت أوّل اهلها يأبن العم
يشهد الله انّي افتخربك أمثالك
اللي ياقلّهم اليوم

تحياتي وتقديري لك وأخوانك

وخواتك ولايوفيكم الكلام مهماقلت