إضافة رد
 
أدوات الموضوع انواع عرض الموضوع
قديم 08-28-2016, 03:24 PM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي اللحالي و كتش الهندي

أيّام مضت كان عندي مؤسسه وفي يوم من الأيام جاء واحد من الجماعه عنده ناقلات وطالب سواق من الهند وجاء واسمه كتش وجديد ما يعرف العربي والكفيل بدوي
وجابه عندي عشان عندي بالمكتب عامل متعلم عربي بعض الشّيء وقال ابيه لعلّه يعرف لو بسيط دام اطلّع له إقامه ورخصه وصار مع عاملي الله يذكرهم بالخير ويحللنا منهم؛؛ وصار يجي كفيل كتش ومرّ يقول ما هو عارف يسوق يمكن احطه عامل تنزيل ومر يقول أحطه راعي وكتش المسكين باختبار النظر صار ضعيف ويحتاج لعلاج وأنا ليا صار ما عندي شغل، انشد عاملي عنه أقول هاه يا مرشد وش أخبار كتش ويعلمني عن حالته هناك وهنا / مرشد عاملي الهندي

؟ وقلت


يا مـرشـد الاخـبـار فـيها تجاحيف=واللي سمعته منك بيّح ابدودي

لكن خذ اللي قلت من دون تحريف=وقل له على لساني يقول النّجودي

يا كتش كفيلك علومه تخاطيف=مرّن حدور ومرّ ترقى سنودي

وأوامرن ساقت عليك التّكاليف=من يوم من مدراس جيت محدودي

عرفت حالك من خلال السواليف=ترجم لغتك اللي تلقّى نشودي

وقارنت حال بحال مامن تخاليف=إلاّ إن حال بصنف غربه تزودي

وأقول لك يا كتش بعد التعاريف=أحوالنا متشابهه بالبنودي

حظّك مثل حظّي يبي دوم تدفيف=بس إن ذا هندي وهذا سعودي

لكن من الصّدفات صاروا مواليف=تشابهت حالاتهم باللهودي

وصّفتهم باللي تقافوا من السّيف=مقرود نجدي مع قريد الهنودي

مع البحر خاضوا بليّا مجاديف=مترادفينن لوح مثل القرودي

وأقفت بهم يا كتش هبايب الصّيف=ولا أدري متى فيهم علينا تعودي

ولا لنا يا كتش فيهم تحاسيف=نثرة شويّ الماء برمل النّفودي

و إلاّ بعد لعلهم بالمذاليف=مقلاع ضرسن طاح من حنك عودي

أو حرقة الغاندي بمجهود راجيف=في دين هندوسي مصادق يهودي



اللحالي الغيداني
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-28-2016, 03:40 PM   #2
اصايل
إدارة عامّة
 
الصورة الرمزية اصايل
 
تاريخ التسجيل: Jul 2014
المشاركات: 5,325

اوسمتي

افتراضي



مقرود نجدي مع قريد الهنودي

ههههههه لا يارب عمي مو مقرود

صح لسااانك قصة حلوه وابيات أحلى

يعطيك العاااافية
__________________


اصايل غير متواجد حالياً   رد مع اقتباس
قديم 08-28-2016, 03:49 PM   #3
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

الأحلا مرورك يالاميره

الله يجزاك خير اصايل حرب

واخوانك المسلمين
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-28-2016, 09:26 PM   #4
دحمان-الحاج
عضو مُشارِك
 
تاريخ التسجيل: Apr 2015
المشاركات: 77

اوسمتي

افتراضي

صح لسانك يا أبا سلطان
فعلاً قصة حلوة وأبيات أحلى

ذكرتنا ذيك الايّام وأيام ((مرشد))
تحياتي لك وللجميع
دحمان-الحاج غير متواجد حالياً   رد مع اقتباس
قديم 08-28-2016, 11:48 PM   #5
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

صح بدنك يابو براهيم

تسلم يالامير صادق ايّام حلوه وانت احلا وامثالك يابن العم افتّش بهالاوراق وتطلع لي اوراق ناسيها الشايب ههههههههههه
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
ذيب اللحالي 2 اللحالي جلسة الألـغـاز 27 01-07-2020 10:53 PM
ذيب اللحالي 3 اللحالي جلسة الألـغـاز 8 07-26-2017 05:26 PM
ذيب؟ اللحالي اللحالي جلسة الألـغـاز 12 07-25-2017 12:48 PM
مع الهندي اللحالي قـصـة وأبـيـات 4 04-22-2016 12:07 AM
محمد إقبال الهندي اللحالي الشّعر الفصيح 0 09-03-2014 10:27 PM


الساعة الآن 12:27 PM