إضافة رد
 
أدوات الموضوع انواع عرض الموضوع
قديم 08-08-2017, 08:45 PM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي تعال ياعزوز

قصيده تحكي عن بعض جوانب احوال كبار السّن بالمجتمع اليوم

تعال .. يا عزوز .. شغل - سنابي
أبا أتواصل مع - ربوعي و الأصحاب

يوم إن كل(ن) - في سنابه - يبابي
ويصور - الرحلات - ذهاب وإياب

حتى العذارى - صوّرن -بالسنابي
رحلاتهن - للسوق - بإسلوب جذاب

وأنا أبا أسوّي - مثلهم - في حسابي
درب - الجماعة - مالنا - عنه مجناب

حتى إيش لو - شنّو علي - العتابي
وقالو عويد(ن) - منفتن بعد ماشاب

أبا أتعوض - مامضى - من شبابي
وأعيش - في جو التمدن - والأطراب

قد كان - بالماضي - جليسي كتابي
قبل زمان - العولمة وإسم الارهاب

مرتاح - بالي - ماشكيت إكتئابي
بجو(ن) من الإيمان في خاطري طاب

باب(ن) - من السيرة وقصة صحابي
أعيش مع مصعب و حمزة - و خبّاب

وقصة - حياة المصطفى هي هبابي
ايام - عز الدين - و الحق غلاب

عصرٍ مضى مافيه شي(ن) يعابي
ولاقيل - بالعالم - جماعات وأحزاب

و اليوم عصر التقنية - و الخرابي
خيره و شره مخلتط -سلب و إيجاب

عصر(ن)على الشيبان فيه إغترابي
حتى - المجالس مالها ذوق وآداب

كل (ن) عن الثاني ملق العلابي
ومدلي(ن) رأسه تقل غارب إغراب

تسولف - عليه ولا يرد الجوابي
واليا - تكلّم - خاطره تقل منصاب

وناسن وراء الشهره تحث الركابي
كل(ن) يحاول شهرة الزير وذياب

مثل الذي يطرد ضحاح السرابي
لااروى ظماه ولا تريح ولاجاب

وناس تهزع في سيوف وجنابي
تشبهو بالبيض عكفان الأشناب

هذا زمان الغطرسه والتغابي
وعصر المفاخر والتكبّر والإعجاب

وابعدت عن ذاك المصاول جنابي
وصديت عن هرج المفاخربالأنساب

وأقول كلمت حق - ماني محابي
إن الفخر للحقد و الشر جلاب

وقفلت عن ذيك المواضيع بابي
ومالي بهرج الناس صادق وكذاب

وأنا مفصل قد جسمي ثيابي
يوم إن بعض الناس للزود طلاب

وأنا غرامي شوف مزن السحابي
اليا لاح براقه تقل ضوح مشهاب

وإنهل وبله فوق نفد وروابي
وغدى لسيله مع مجاريه ضبضاب

هذا هواي وحلمي اللي غدابي
إليا إختلط نبت النوامي والاعشاب

في خايع(ن)مابه عريب(ن) منابي
ﻻبه إتصال وﻻ مراسيل وآتساب

منوة بديوي(ن) مع البدو رابي
ربيع قلبه شوف نزلات الاعراب

وسود البيوت مروبعات القطابي
شدو عمدها ومسسوها بالاطناب

يارب - تجبر بالبداوه - مصابي
اللي بها فرقاء المشاكل والانشاب

الشاعر/
سالم مطر البيضاني
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-09-2017, 02:02 AM   #2
اصايل
إدارة عامّة
 
الصورة الرمزية اصايل
 
تاريخ التسجيل: Jul 2014
المشاركات: 5,325

اوسمتي

افتراضي


وقصة - حياة المصطفى هي هبابي
ايام - عز الدين - و الحق غلاب

عصرٍ مضى مافيه شي(ن) يعابي
ولاقيل - بالعالم - جماعات وأحزاب

و اليوم عصر التقنية - و الخرابي
خيره و شره مخلتط -سلب و إيجاب

عصر(ن)على الشيبان فيه إغترابي
حتى - المجالس مالها ذوق وآداب

صح لسااااانه وسلمت يمناك
تحياتي

__________________


اصايل غير متواجد حالياً   رد مع اقتباس
قديم 08-09-2017, 08:28 PM   #3
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

الله يجزاك الخير اصايل حرب
ويسعدك بالدارين ومن يعز عليك آمين
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 02:19 PM