إضافة رد
 
أدوات الموضوع انواع عرض الموضوع
قديم 07-11-2014, 12:51 AM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي الجماعة - للشاعر لافي حمود الغيداني


يامكثريـن الـهـرج لااسـمـع ولااجـيـب = تريحـوا مــن فضلـكـم واسمـحـوا لــي
تـريـحــوا لاتـلـحـقـون الـمـشـاهـيـب = علـى الـردى مـانـي شـفـوق عجـولـي
بالعقـل والصبـر ادب النفـس تـاديـب = والا لــهــا مــــده تــصــول وتـجـولــي
خـلـج تــرازم فــي سـيـاج المحـاديـب = مافيـهـن الـلــي بالـعـقـال معـقـولـي
اشــد وطـيـة زور مــن شـمـخ النـيـب = اليـا ضـاع مفعـو ل الحيـل والحلـولـي
انــا لاقـلــت ارتـــب الـقــول تـرتـيـب = حـتـى يـجـي كــي عـلـى فــك قـولــي
اليـا ارسلـت لافكـار القريحـه مناديـب = ترايـعـن مــن عـقـب مـاهـن جفـولـي
لـكـن مـالـي مــن وراهـــا مكـاسـيـب = لـو كـان عشـاق القشـر صفـقـوا لــي
مامستـفـيـد الا الــعــدو والاجـانـيــب = ولانــي مطـيـع مقرقعـيـن الطبـولـي
خليـتـهـا تـعـطـي فـجــوج مـجـاديــب = جـربـا تـجـود فــي رسـنـهـا مهـبـولـي
والله لااجـنـب دام لــي درب تجـنـيـب = مـن شرهـة حشـام الرفـاقـه خجـولـي
لـــو انـهــا بـيــن الـنـحـر والـتـلابـيـب = مـن الحيـا وجـهـي مـهـوب مغسـولـي
طـبــع لـنــا نـشــب عـلـيـه ونـشـيـب = وطـبــيــعــةٍ لـعــلــهــا مــاتـــزولـــي
عـلـى الجمـاعـه للجمـاعـه مـواجـيـب = الا جـهـلـوا قـــدر الـرفـيـق الهـتـولـي
مانـي علـى ربعـي قـريـب محاضـيـب = ادنـــاة مايخلـيـنـي اســــرج خـيـولــي
ان جات من طيب شقاها على الطيب = لــو انـهـا اعــوج مــن رقـبـة الذلـولـي
وان جات من مسكين منطق واساليب = حطيـتـهـا بـيــن الــثــرى والـنـعـولـي
لاحـركـت شـعـره ولاطـلـعـت شـيــب = ولاضيـقـت صــدري ولاطـــق جـولــي
وان كان في صبري على ميلهم عيـب = العـيـب تفتـيـش الـصـرر والحـثـولـي
لاقمـت تذكـر فــي رفيـقـك عـذاريـب = وتـبـيــن عـيـوبــه لــذولــي وذولــــي
صبـرك علـى ربعـك عــلاج وتطابـيـب = يقـصـر حـبــال السـالـفـه لاتـطـولـي
حتـى مايلقـا فـي طرفهـا مقاضـيـب = كـــراه خــيــر وللـمـشـاكـل مـيـولــي
والـيـا بلـيـت بتـايـه شـــره وصـعـيـب = يقـول انــا الـعـراف وانــت الجهـولـي
قـــل الله الله يـاحـصـان الاطـالـيــب = يالفـاهـم العـالـم عطـيـب الفـعـولـي
هـذا الكـلام اللـي مافـي صحتـه ريــب = لانـيــب لاحـولــك ولانــتــاب حــولــي
حصـان وبـن حصـان طـيـب مجـاذيـب = وبالمـعـرفـه رجـــل مـحـلـي ودولـــي
خلـه يـروح يخـطـي الــدرب ويصـيـب = يـقـول مابالـنـاس عـرضـي وطـولــي
والفـرق مـاهـو باللـحـى والاشانـيـب = الفـرق بـيـن الـنـاس فــرق العقـولـي
كـم واحـد تحسـن بـه الـظـن ويخـيـب = الـســن يـضـحـك والـفــواد مـعـلـولـي
واللـي غـدت بــه كلـمـة مالـهـا غـيـب = ماهو من اطيـب ربعـي اللـي غـود لـي
يالله عساهـا صيحـة فــي قـفـا ذيــب = وقـلـع الـنـيـا بـيـنـي وبـيـنـه يـحـولـي
الرجل مايغصب على الطيـب تغصيـب = الـيـا صــار مـاهـو دل ضـمـن الدلـولـي
ومن عادة اللـي طيبـه يحضـر ويغيـب = لاطـالــت الـرفـقـة زهـــوق مـلـولــي
والـيـا بلـنـك غـبــر الايـــام بصـحـيـب = فـي مستـوى طيـبـه صـعـود ونـزولـي
اعـرف تـرى الدنـيـا دروس وتجـاريـب = والـكـامــل الله والـنـقــا لـلـرسـولـي
لاتصـيـر مـشـذاب يـقـص العـراقـيـب = خــلـــه وراع الاولـــــه وش يـقــولــي
اخــذت حكـمـه مــن كــلام اللواعـيـب = للطـيـب نـــاس ولـلـعـذارى فـحـولـي


اللحالي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
لافي الغيداني - يا جبل اللحالي قصائد مسموعة 4 11-23-2015 01:40 PM
سالفة وقصيدة للشاعر /لافي حمود الغيداني ابــو ُمــتعـًب الغيداني عذب القوافي 5 07-28-2015 10:15 PM
لافي الغيداني العين اللحالي قصائد مسموعة 0 11-11-2014 09:51 PM
قصة الشاعر / لافي حمود الغيداني مع زميلة عفاس والقصيدة فارس الامواج مختارات من نبض المشاعر 0 08-18-2014 12:16 AM
موخرها ابهام - للشاعر لافي حمود الغيداني اللحالي مختارات من نبض المشاعر 2 08-16-2014 10:22 PM


الساعة الآن 09:56 PM