إضافة رد
 
أدوات الموضوع انواع عرض الموضوع
قديم 06-07-2020, 03:19 PM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي ديوان سالم مغيران العماوي


السلام عليكم ورحمة الله وبركاته وبعد
مرحبا بكم مرتادي منتدى اللحالي في ديوان شاعر جزل صاحب مفردات لها ثقلها وتميزها بتعبير شاعرها الكبير بقدره الشاعر سالم مغيران السليمي الحربي ومع اول قصائده بديوانه هنا المتجدد وبه نوافيكم بكل مايصلنا من قصايد ابو عبدالله و إلى الاتي

ياذيب ياللي تكسر الصوت ويشـيق
في راس مـزمـومٍ تـعّـلى الـطويلات

عـقـب سـكـون الليل خليتني أفـيق
بـددت نـومي في قـنيبك بلاصوات

هـيـضـتـنـي بـعـواك بـد الـمـخـاليق
واحـرمـتـنـي عـن لـذة النوم مابات

مـدري تـعـانـي عـلـةٍ بـالـمـعـالـيـق
و إلّا تـقـول انـا ألـحـالـي و بـالـذات

و إلاّ لـك ايـامٍ و عـن فـكـة الرّيـق
اهل الغنم حدوك عن مسكة الشات

الخوف ندري مانت خايف ولا يليق
بـك يامـسـمى فـيك راع الجـمـالات

اليا بغيت الدرب محدٍ لـك ايـعـيـق
سـبـع الجـويـه طـفـتها لك بساعات

و نهبت رزقك من يدين المشافـيق
واقفيت به تهذل عن الناس بسكات

يوم السنين اللي بـهـا كل تـوفـيـق
و إلّا زمـان الـيـوم كـلـه هـوالات

بـنـشـدك بالله يـاخـوي المـطـالـيق
خـاويـتـهـم واكسبتهم جل خلفات

باللّه صارحني تعـاني من الضـيـق
و إلاّ رفـعـت الصـوت كله وناسات

انا عرفنك لا عـتليت الـشـواهـيـق
واغفيت في غارٍ دروبه عسـيـرات

ابـعـدت عـن ناسٍ تـسـمى تفـافيق
مـايـقـدرونـك رمـي و إلّا حـيالات

في ضل قيف بطايح العصروتويق
مـتـعـلـيٍ مـشـرف بكل اتجـاهـات

امـا بـفـغـانـات و إلّا بـطـقـاطـيـق
ماتـقـلـد اللي راس مالـه جنيهات

الضيق خله للضـلـوع الـمـغـالـيـق
اللي لذياب الصدر فيهن لجاجات

قنيبهن وقت العصـيـر وتـشـاريق
من لاوفـنّـه ماحصـل له سلامات

وانا حـصـلّي من وهجهن مزاريق
حـطن لهن بين النحايف علامات

صـالـن و جالن واركبني ملا طيق
عوبٍ وبالسم السقطري مساقات

وسـوّن بـنـا مـاقـال سبيل تطبيق
(باللون والا في عددهن كثيرات)

و الله يـالـولا بـدعـتي لـطـواريـق
لاطـق ياهـل العرف طق البلونات

بـيـديـن ورعـانٍ ملـقـف مطافيق
وصارن هدف رجلينهم بالحركات

يـالله يـامـن لك عـرانٍ مـواثـيـق
اربـط اعـرانـا في عراك الوثيقات

يـاواحـدٍ لك كل لـيـلـه مـعـاتـيـق
تجعل لنا في باب لطفك مناجات

الاتي على البحر الوسطي

الـلـيـالـي يـظـهـرن. الـلـي تـنـكّر و اخـتـفى
لو يحاول يخفي الجره بهـالـكـون الـوسـيع

والتجارب يخبرن الرجل و الـجـهـل انـتـفى
خص في بعض الاموراللي تبي حسمٍ سريع

وش عـلام الـجـو غـيـم بـالـغـيـوم ولاصـفى
كل ماقلـنـا لـيـالـيـنـا صـفـت تـضـرع ضـريع

احملن في حمل ناقص وانجبـن مـاهـو وفى
ورغم هذا النقص اشوفه عاش ووذابالجميع

شجرة الغرقد مايوجد في مـكامـنـهـا الـدفى
ماتذرى خـلـفـهـا غـيـر الـيـهـودي و الـلـكـيـع

ولوتخفى راعي الوجهين و مـثل مـصـطـفى
اعرف الرجل السنافي واعرف الرجل الوضيع

شاذب العرقوب شذبه بـالـعـروض وبـالـقـفى
مهنـتـلـه مـثـل مـاهـي طـبـع للكلب الـدنـيـع

والسعيد اللي عن اهل الزيف جنب واكـتفى
بشخص عاقل يشري الاصحاب غالي مايبيع

ومثل ماقال المثل في قول قايـل وانـصـفى
رفقـةٍ ماهي على ديـن الـحـنـيـفـيـه تـضـيـع


سالم مغيران العماوي
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 06-08-2020, 01:27 AM   #2
اصايل
إدارة عامّة
 
الصورة الرمزية اصايل
 
تاريخ التسجيل: Jul 2014
المشاركات: 5,325

اوسمتي

افتراضي



صح لسان الشاعر
وتسلم يمناك ياعمي على النقل المتميز
والمجهود الرائع بأنشاء الدواوين
احترامي وتقديري

__________________


اصايل غير متواجد حالياً   رد مع اقتباس
قديم 06-09-2020, 11:35 AM   #3
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

الله يسلمك يالاميره اصايل
جزاك الله خير واخوانك المسلمين
وانا احرص على دواوين اللي يستاهلون هوايه
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-09-2020, 06:39 PM   #4
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 08-10-2020, 03:39 PM   #5
معيض الضعيني
شـاعـر
 
تاريخ التسجيل: Aug 2014
المشاركات: 908

اوسمتي

افتراضي

مضبوط تصميم صوره
صح السان ابو عبدالله وطاب نقلك وتفاعلك ياابو سلطان وكفو بالجميع
معيض الضعيني غير متواجد حالياً   رد مع اقتباس
قديم 09-02-2020, 11:46 AM   #6
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

ياضيقـة الصدر ما يوجد لك مسكن
غاديه يـاضـيـقـتي عـنّـك يـسـكـنّي

حدب المحاني مليتـيـهـنّ وانـتـكن
تك الـهـواء كـورةٍ و الـعـوب تـكـنّي

صـارن علـيّـه مـجـاهـيـمٍ الـيـا دكن
وتخابطن بالـقـوايـم يـوم يـمـشـنّي

حاديهن القيض للميراد و اصـطـكن
على جبا بير حول الحوض صـكـنّي

تداحمن بالمناكب حـيـل و انـضـكن
وقامن يعركن بعضهن يوم يـحْـدنّي

في خافقي مثلهن لين انـه اتـمـكـن
عوب الملامس وحرش جنوب بذنّي

ركبن عليّ الخيول الـسـود و انركن
عن المخاليق وسط الـجـوف كننّي

هذي تواصـيفـهـن بالصدر و يشكن
مـره يـعـرضـن و مـراتٍ يـغـيـرنّـي

وليااظلم الليل ياهل العرف يحتكن
مـثـل الـحـيـايا يوحن كل ماوحنّي

ابـاتـنـاسـا.. لـهـن. لـكـنّـهـن.. وكـن
مجرى النفس ثـم عـيّـن لايـفـكـنّي

واللّٰه. لوكان غـيـري كـان لـه بـكن
لكني اقراء عـلـيـهـن كـل مـاجـنّي

والله علـيـمٍ ابـمـغـزاهـن ومـازكن
لـكـنـهـن. حـلـن. بـصـدري وزكـنّي
(سالم مغيران العماوي)
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 10-26-2020, 12:47 PM   #7
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي آه ياهمّ ٍ

آه... يـاهـم ٍ عـلـى. قـلـبـي.. يـلـوفـه
مـثـل مـالاف الـهـواء رمـل السـوافي

عـنّ. خـيـلـه. مـانـوانـا... بـالـنّـكـوفـه
وجـاح قـلـبـي بـالـرمـاح و بـالشلافي

اسـتـبـدّ. بـخـافـقـي. و اثّـر. بـجـوفه
شـل. تـفـكـيـره و بـيّـح. بـالـخـوافي

صـار لـيّـه مـثـل حجرف مـع خـروفه
لـيـن شـفـنـا يـاسـعـد مـنـه الـخـلافي

وان. تـحـمـلـنـا.. تـحـمـلـنـا.. كـلـوفـه
وان هـرجـنـا مـاحـصـل فيهـا عوافي

و الـسـبـايـب بـالـزمـان وفي ظروفه
يـازمـان ٍ صـايـر ٍ فـيـه.. اخـتـلافـي

يـازمـن كـل الـبـشـر فـيـه امـهـروفه
بـحـر. عـايـم مـالـقـيـنـا. بـه. مـرافي

ياسـعد يـاخـوي ويـش اللي تـشـوفه
يـابـو فـهـد يـالـعـروف و يالـسـنـافي

السـوالف مثل شخـصـك مـاتـطـوفه
يـاحـكـيـم الـراي يـانـبـض الـقـوافي

سالم مغيران العماوي

-------------//////////////---------
مـرحـبـا و اهـلـيـن مـاكتبت حروفه
وماخضرت عقب المحل جردالفيافي

وعـد هـطـال الـسـحـايب مع قنوفه
بـالاديـب الـلـي مـثل صقر النصافي

مـرسـل لـي صـنـف مانعرف صنوفه
واضـح ٍ لاشـك صـعـب الانـكـشـافي

والـمـعـاني داخـل الـبـوك امـغـلـوفـه
كـيـف نـكـشـف سـر مـدبـول الغلافي

جـانـي.الـمـرسـول مـدبـولـه ظـروفه
وسـط خـام ٍ مـن حـديـد ولايـشـافي

داخـل الـصـنـدوق ماتكشـف اكشوفه
والـلـه اعـلـم بـالـبـيـان و بـالـخـوافي

و اتضحلي عـقـب تـفـكـيـر و كـلـوفه
مـقـصـده بـالـضـبـط مافـيه اختلافي

ياعسى يـالـقـرم تـسـلـم من صـدوفه
عـنـدك الـتـمـيـيز و ايضا العقل وافي

صبر ٍ عـلـى الـهـم عـقـبـاه مـخـلـوفه
وخيل هـمك رايـحـه تـرجـع مـقـافي

انـت. طـبـك. نـاجـح ٍ يـافـيـلـسـوفه
ذرّ.فـوق الـهـرف مـن طـب الـهـرافي

يابن سيناء حط حالـي مـع نـصـوفه
وصب ذاك وذاك في وسط المصافي

و الـدبـاء لايـاتـي الـزرع و يـحـوفـه
رش. جـو. الـمـنـطـقـه سـمّ ٍ زعـافي

وكان شفت الجن ترقصلك اصفوفه
خالـق. السلـطـان لـلـشـيـطـان كافي

والخـتام من النفل نـرسـل قـطـوفه
مـع نسيم ٍ جوها مـنـعـش و صـافي

(سعد عبدالرحمن الفضيل)
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 10-26-2020, 07:10 PM   #8
معيض الضعيني
شـاعـر
 
تاريخ التسجيل: Aug 2014
المشاركات: 908

اوسمتي

افتراضي

صح السان ابو عبدالله الشاعر سالم مغيران السليمي وطاب نقلك ياابو سلطان ومنتدى مشرف الجميع متع الله صاحبه واعضاه بالصحه والعافيه
معيض الضعيني غير متواجد حالياً   رد مع اقتباس
قديم 07-31-2021, 08:34 PM   #9
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 03:11 PM