كم راح من عمري

[رجآوي]

كم راح من عمري وأنا ودي أتوب=ولولا الهوى والنفس كان أمس تايـب
عشرين عام أمنّي النفـس بالتّوب=لين اكتشفت إني مع الوقـت شايب
راحـت حياتـي بيـن طالـب ومـطلوب=ولي خاطرن لو طبت ما هو بطايب
وأخاف من يـوم بـه الـمـوت مكتـوب=لا حـوّلـوا بـي بـيـن عوج النصـايـب
في منزل مظلم عن الناس محجـوب=محجـوب حـتى عن نـسيم الهـبـايب
وصار الكفن يا ناس يغنـي عن الثـوب=وفارقـت ربـعي والأهـل والـقـرايـب
ما عاد فيهـا جـاه وأمـوال وأسلـوب=ولا عاد فـيهـا حـب خـشـم وطلايـب
خدعنـي التّـسـويف وأغرتنـي دروب=مـن يـامـن الدنيـا وغـدر النـوايـب
يالله يــا فـارج عـلـى كـل مـكـروب=يـا واحـدٍ بـأمـرك تـهـون المصـايب
يـا مـن تقلـب بيـن أصابيعـك قـلوب=خلقتها مـن بـيـن صلـب وتـرايـب
يـا غافـر لمـن جالـك وكـلـه ذنـوب=عبـدٍ ضعيـف وجـاك تـايـب ونـايـب
يـا رب لـو قلبي صخـر عندك يـذوب=يـا مـن لهيبتـك الجـبــل خــرّ ذايب
أتـوب ثـم أعـود وأعـود وأتـوب=ما هـي عجيبة وأنـت رب الـعـجـايـب
من المهـد لّلّحد ترى الوقت محسـوب=مـا ضاع شـيء وما بقـى شـيء غـايب
يـا رب ما لـي غـيـر رحمتـك مطلوب=من لي سواك إن جيـت يا رب تـايب

للشاعر زياد بن حجاب بن نحيت

اصايل ,اللحالي الغيداني معجبون بهذا

[ابو مناحي]

صح لسان الشاعر
ومشكوره وسلمت يداك
على النقل الرائع
ولك تحياتـــي وتقديـــري

[اصايل]

صح لسان الشاعر وتسلم الايادي ^^

[ترانيم حربيه]

يسلموووووو رجاااوي اختيااار موفق يالغلاااا

قصيده من اجمل قصايد زياااد صح لسانه ابوطارق مبدع دائما