ياوجيه الخير

[اللحالي]

‏

ياوجيه الخير والعقل الرهاوي=خففو بعض المدايح لو شويه
راحت أيام الغزاوي والعزاوي=والعَياله والسطر والعنجهيه
العدود مقضّبه والذيب عاوي=بين باب وبين داب وبين حيه
كم رجلٍ في نحا بيته غناوي=مايفرق بين ذيك وبين ذيه
لابسٍ للمرجله بشتٍ حساوي=وشرهته كبر أمّره والا طميه
يركب اللكزس عقب وارد عراوي=كن مافوق الوطا.. انسان زيه
ينقش اسمه في كبيرات الهقاوي=في حروف الإنقلش والأبجديه
ولو يدور الوقت وتطيح الغطاوي=قلّت الحيله على الضبع وحليه
يَظهر المذخور والعد السناوي=والمواقف والكفوف الحاتميه
دامها بالمال كل انسان قاوي=يصبح أكبر شيخ وكفوفه نديه
=.
=الشاعر / حمدان مخلد الغيداني

ابو مناحي معجب بهذا

[اللحالي]

العذر من الجميع

عن عدم التنسيق

الدخول من الجوال هذه الايام وهذا عرفي فيه

لجل الاعتذار من الشعار اللي اكتب لهم قصايد

جزيل التحيات للجميع

ابو مناحي معجب بهذا

[ابو مناحي]

صح لسان الشاعر
على الابيات الجزله والهادفه
وسلمت يداك على النقل والاختيار
بيض الله وجهك ولاهنت
ولك تحياتي وتقديري

اللحالي الغيداني معجب بهذا

[اللحالي]

كفو عليك مديرنا الغالي ابو منحي

جزاك الله خير ع التنسق ياتج راسي

ابو مناحي معجب بهذا