الأحفاد

[اللحالي]

وصايا اللحالي لـ أحفاده الله يسعدهم واخوانهم المسلمين
الحفيد الاول مازن ابن نواف الغيداني الحربي

مـازن هـو الأوّل بـترتـيـب الأحـفـاد
الشّيـخ ابــن نــوّاف و الـجـدّ عـايـد ‎

وأنـا بـعـد جــدّه بترتـيـب الأجــداد
وعلـيّ لـه واجــب بـحـبّ الحفـايـد
‎
مـازن أميـر ولـه مـقـامـه بـالأوجـاد
وعـن واجـبـه علـيّ مـانـي محـايـد

يا كثر مغلاتـه على روس الأشـهـاد
والله لـيـبـقـى بـالـغــلا والــودايـــد‎

دام العمـر باقـي ولـي فـيـه مــرواد
وبـشـوفـكـم لله عـلـيـنــا حـمــايــد‎

يـا مـازن أبوصـيـك بكتـاب الأفـواد
تـلـقـى بــه آيــاتٍ جـــزال الـفـوايـد

وسنّـة نبـيّ الله فـي ملتغـى الضّـاد
و لوالـديـنـك غـيــث مـابــه نـكـايـد

الله يسـهـلّ لــك طـواريـق الأسـعـاد

ويصـلـح لــك الله حـافـلات البـدايد‎
إشهد على ما قلت لك يابن الأجـواد
إنّـك عـلـى بـالـي و لــك قــدر زايــد‎‎

الله يعيـذك مـن صواديـف الأحـسـاد
ويجعـل عمـوم أيّـام وقتـك سـعـايـد

الحفيد الثاني زياد ابن سلطان الغيداني الحربي

يا زياد في شهـر الفـضايـل قـدومـك
غيثٍ على جدّك عسى الله يحـيّـيـك

فـي تـالـي الـعـشـر الأواخـر تمـومـك
يا كثر مغـلاتـك عـلى قـلب مـغـلـيـك‎

عمّك يشيـلـك و الّـلـفـايـف هـدومـك
و أبوك في عـقـله و عـينـه يـراعـيـك

العالم الله كيف أبي ألـحـق عـلـومـك
الّـلـي مـبـاديـهـا. نـواغـم.. غـواغـيـك

لـكـن. لـيـا. هـدّت. رحـايـل عـزومـك
وطالت مصابيحك وعرضت مماسيك
‎ ‎
مـع الـخـويّ الّـلي يـمـومـه يـمـومـك
من وين ما وجـهت شـفـتـه يـبـاريـك

أمّـا.. ولـد. عـمّـك. غـزيـزة لحـومـك
و إلاّ. ولـد. عـمّـتـك خـيـرة دوانـيـك
‎
وادرس كتاب الله من أوّل جهـومـك
وسنة رسول الله عسى الله يهـديـك

يا زياد وأمّـك خـلّـهـا هـي هـمـومـك
حذراك عـنـهـا يـشـغـلـنّـك هـقـاويـك

مـشـاعـلـك. تـرعـاك لـيـلـك ويـومـك
أمـانـتـك. يـا زيـاد. مـانـي بـوصـيـك

الحفيد الثالث مالك ابن سطام الغيداني الحربي

يا مالك أهلا بك ويا مـرحـبـا بـك
ترحيبةٍ من قلب جـدّك يـحـيّـيـك

الـلـه يـفـرِّح والـديـك.. بـجـنـابـك
لهـم و لأجدادك عـسى الله يهديك
‎ ‎
يا ثـالـث الأحـفـاد صرت أهـقـابك
إنّك سندهـم كلّ مـا يـعـتزوا فيك

وأقـول يـا مـالـك من أوّل شـبابك
يا مسندي يـا تـاج راسـي بوصّيك
‎
تدرس كتاب الله وتحسب حسابك
إنّك عـلى نـهـج النّبي مـن مـباديك
‎
من شان مدري هو أنا ألحق مثابك
وأقول خذ هذي و حذراك من ذيك
‎‎
وخلّك جِبَل من جاك يلقى الذّرى بك
من فزعة القـادر من أمشاج منشـيك
‎
الـلـه رحـمـنـا. فـيـك يـا فـرحـنـا بك
في مقبل أيّامك و مـقـبـل لـيـالـيـك

شفتك مع إخوانك وفكري سرى بـك
ولاني بـقـايـل ويـن فـكـري مـودّيـك

المقصـد إنّـك مـع إخـوانـك هـلا بـك
وإنّك مثل مغلاتـهـم عـنـدي أغـلـيـك
‎

دحمان-الحاج ,اصايل معجبون بهذا

[دحمان-الحاج]

صح لسانك يا أبا سلطان
الله يطوّل بعمرك على الطاعة
وبصحة وعافية
و يصلح أحفادك و يسعدهم

اللحالي ,الهاشمي معجبون بهذا

[اللحالي]

جزاك الله خير واخوانك المسلمين
ابو براهيم وصح الله بدنك يالامير وياك يالغالي

دحمان-الحاج معجب بهذا