إضافة رد
 
أدوات الموضوع انواع عرض الموضوع
قديم 10-11-2016, 05:31 PM   #1
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي في برّ وأبحار


يا حال من يقدر يعبّر بالأشعار=وترمي على ما تهتويه السّهمّي

وأنت بزمان اللي يعشقون الأسهار=اللي تجي نوماتهم بالجهمّي

حالي وأنا أبخص فيك بعشوق الأزهار=ما قلت للي مسدرك لارحمّي

أقول والله لو تخيّلت الأنهار=حبر المحابر في بطون القلمّي

وتسطر الأحرف بتدوير فرجار=ماقول غير أرثاك في فصد دمّي

أرثاك يا حالي بعد موت ابو ذعار=واللي كتبه الله بأمره يتمّي

من مبتدا هالكون وحصول الأقدار=والخلق تتفاجى بالأمر المطمّي

وتكاثر الأرواح في برّ وأبحار=والموت لأرواح الخلايق يخمّي

ماجديت عن من عقبهم ذقت الأضرار=أبوي وذراعيه عمّي وعمّي

بقي بفكري ذكرهم له تمحوار=وخالي وأخوي وروح الأسعاد أمّي

واجدادنا في واجب الضّيف والجار=نمشي على منهاجهم بالمتمّي

من لابةٍ لا ردّوا الشّار للشّار=تطلع هقاويهم لفوق القممّي

منهاجهم في ما شرع سيد الأبرار=وأرواسهم تزهى بلفّ المعمّي

الله أكبر يا تذامير الأحرار=اللي بشرع الله جياد الذّممّي

يوم أتذكّرهم بسجعات الأذكار=ينفجّ جرحٍ بالضّماير ملمّي

ثم تذرف الدّمعه من أوهاج الأعبار=وتلقف لها الرّاحه وتنزل لكمّي

ويصير لي في سجّة الفكر مطيار=ويبعد بمشلاعه وأصارع سقمّي

يالله تعين اللي على الفقد صبّار=اللي بعض أوقات فكره يغمّي

ليا وصلته بعض الرّسايل بالأخبار=يجيه بالوتساب بعض الرّقمّي

عن موت من يحسب مقامه بمقدار=ما هو مثل راع المقام المرمّي

واللي بفقدانه تراواه الأنظار=ما هو مثل من فقدته ما تهمّي

وإلاّ الحميدي في مواقيف الأعسار=يفزع ولا أحدن لاحقه في شتمّي

يا كثر من يمدح جنابه من أبشار=وابو ذعار بسيرته مستهمّي

وأخوك يابو ذعار وافي بالأشبار=والنّعم بمحمد ولا به مذمّي

سبقّك بالرّحله وتوثيق الأسفار=ذاك الأمير اللي فدوه الهلمّي

قام بمكانه شيخ صنديد الأخيار=بندر عسى له بالجزايل هممّي

أنتم من شيوخ القبيله بالأذمار=ومأمّر الشّجعان فيهم يأمّي

وإلاّ القبيله كلّها شرّ الأسطار=من مبتدى من بالدّماء يستحمّي

يوم اللهود معششاتٍ بالأزوار=ومنهن يصابن الزّور بالزّرمّي

الله يرحم من توارى بالأقبار=أواصل الدّعوات من فيض فمّي

ويعين من لا زالوا أمداد الأعمار=الكل منهم عدّ وافر مجمّي

من غير قاصر فالقبايل بالأقطار=أعمّهم بإجماع ماني مسمّي

الله يخلّي للشّجيعين الأذرار=ليامنّ مردوم الزّهوم ادلهمّي

ماحطّ في حظّي تذاميم الأقشار=والخلق عليه الصّوادف تعمّي

كم قصّةٍ يسدل على نهوّها ستار=ماهوب خافي مقصدي للفهمّي

كم راح من دون الوطن سرّ وجهار=في حاضر الأوقات وإلاّ القدمّي

يالله لطفك بالصّغيرين الأغرار=اللي بقوا بعد الشّهيد بيتمّي

ويالله تنجي والديهم من النّار=واللي قتلهم في سعير الجحمّي

السّوسه اللي في جمامير الأجذار=وهي مع عداء الأسلام لها ريمّي

لمعادي الإسلام في وصف الأوكار=جروح من ريحانها تستشمّي

ما يشتفي من عولجات التدكتار=ولا يشفي المشموم ريح الثّومّي

اللحالي الغيداني
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 10-12-2016, 02:08 PM   #2
اصايل
إدارة عامّة
 
الصورة الرمزية اصايل
 
تاريخ التسجيل: Jul 2014
المشاركات: 5,325

اوسمتي

افتراضي



رحمة الله عليه
وصح لسااانك وبيض الله وجهك
أحترامي وتقدبري

__________________


اصايل غير متواجد حالياً   رد مع اقتباس
قديم 10-12-2016, 03:34 PM   #3
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

امين واخوانه المسلمين

جزاك الله خير اصايل حرب

وصح الله بدنك يالاميره
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 10-23-2016, 05:39 AM   #4
ابو مناحي
إدارة عامّة
 
الصورة الرمزية ابو مناحي
 
تاريخ التسجيل: Sep 2014
المشاركات: 1,852

اوسمتي

افتراضي

صح لسانك واعتلا شانك
ابيات رائعه وجزله
بيض الله وجهك ولاهنــــت
ولك تحياتـــي وتقديـــري

__________________


ابو مناحي غير متواجد حالياً   رد مع اقتباس
قديم 10-23-2016, 02:21 PM   #5
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

حياك يابو مناحي
تسلم ع الاشاده يالجزل
وماعليك زود يابن العم
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 11-26-2016, 09:27 PM   #6
همس الآيام
عضو مُشاركة
 
الصورة الرمزية همس الآيام
 
تاريخ التسجيل: Aug 2015
المشاركات: 195
افتراضي

الله يرحمه ويتقبله راضي عنه ويرحم اموات المسلمين جميعا

صح لسانك وعلى شانك مبدع كعادتك
همس الآيام غير متواجد حالياً   رد مع اقتباس
قديم 11-26-2016, 09:59 PM   #7
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

جزاك الله خير يالاميره الله يسعدك

مشكوره همس الايام
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
قديم 02-21-2017, 12:58 AM   #8
سعد السمين
شاعر ومراقب عام
 
الصورة الرمزية سعد السمين
 
تاريخ التسجيل: Jul 2014
الدولة: الخرج - المدينه
المشاركات: 599

اوسمتي

افتراضي

صح لسانك يابو سلطان
القصيده أكثر من رائعة
الله يعطيك العافيه وعادتك الجزاله
دمت بخير
__________________



أنا من رجالٍ بوقت اللقاء عز=حربي لمن يسأل عن إسم القبيلة
ربعي قبيلة حرب لي مصدر العز=هم محزمي وقت الأمور الثقيلة
سعد السمين
سعد السمين غير متواجد حالياً   رد مع اقتباس
قديم 02-21-2017, 01:09 AM   #9
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

وياك و ماعليك زود يشاعرنا

هلابك يابوتركي واشادتك اجزل تشريف منّك يالجزل
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 04:01 PM