العمر مركب

[اللحالي]

‎ ‎‎ ‎ ‎ = ‎ ‎ ‎
العمر مركب والليالي مجاديف=وأيامنا تكثر ويقصر مدانا
‎ ‎‎ ‎ ‎ = ‎ ‎ ‎
والموج عاتي والحموله تحاسيف= ويسوقنا مع غير يمه هوانا
‎ ‎‎ ‎ ‎ = ‎ ‎ ‎
والوقت سكه والمنايا خطاطيف= وشباكها من دون غاية منانا
‎ ‎‎ ‎ ‎ = ‎ ‎ ‎
نركض عليها ما نحسب التكاليف=وتسوقنا صوب النهايه خطانا
‎ ‎‎ ‎ ‎ = ‎ ‎ ‎
والزاد صحه والعوافي مصاريف= واللي كسبنا ما يساوي عنانا
‎ ‎‎ ‎ ‎ = ‎ ‎ ‎
واللي فقدنا من يدينا تخاليف=غير السنين الله يجبر عزانا
‎ ‎‎ ‎ ‎ = ‎ ‎ ‎
ما قدر المعبود رحمه وتخفيف= لله حكمه بالامور تخفانا
‎ ‎‎ ‎ ‎ = ‎ ‎ ‎
الصبر هو سترة نجاة الصواديف=والنيه الحسنه حزام الامانا
‎ ‎‎ ‎ ‎ = ‎ ‎ ‎

لشاعرها : منير الهرساني

اصايل معجب بهذا

[اصايل]

صح لسان الشاعر والناقل

كل التقدير والاحترام

اللحالي الغيداني معجب بهذا

[اللحالي]

تسلمي اصايل

صح بدنك وصح لسان شاعرها

اعجبني غرابة اسلوبه ماشاءالله عليه

[ابو مناحي]

صح لسان منير الهرساني

وسلمت يداك على النقل الجزل

بيض الله وجهك ولاهنــــت

ولك تحياتـــي وتقديـــري