06-06-2020, 11:12 PM
|
#1 |
|
مالك الموقع
تاريخ التسجيل: May 2014
المشاركات: 6,563
|
تعمم علينا ليه
تـعـمـم عـلـينا لـيـش يالـمـحـتـرم سـلـطـان انـا مــع رجــــاء مـافــيــه شـيٍ مـسـويـنـه عـسـاء الله يبعـدنا عـن الـسـجن والـسجان يـازيـن الـسـلامــه مـنـه والـســتـر يازيـنـه صحيح ان رجاءصديق مخلص لابن جمران واذا جـيـب واحـد جـاك هـذاك مـن حيـنـه وصحيح ان كسب واحدتراءالثاني الكسبان فـلاشـك مـاحـدٍ ضـاع لــه عـنـدهــم ديـنــه وصحيح ان خسرواحد تراءصاحبه خسران رجـاءالصاحـب الـغـالـي وديـنـي على دينـه يـاسـلـطـان تـكـفـا يـمـكن الـمـدعي غـلطان تـنـشــد تـاكــد وانــشـــده خـصـمـنـا ويـنـه تراء اهل السوابـق مثل ناصر و ابو سلطان يـــبـــوجـون درب لـلـمـنــاعـير مــاشـيـنــه عـلـيـهـم عـلـيـهـم جـودو مـغـلـق الـبـيـبان عـلـى عـاتـقـي يـالـجـزل لـيـبـين لـه عـينـه الشاعر / مضحي بن جمران الحربي أنا اخو من طاع الله يامـضحي يابن جمران عـسـى الـربـع مـابــه شــي عـنــا مخـفـيـنـه أظـنـه لعب بعوقولـهـم مـغـرض وشـيـطـان سـمـعـت ان بــه سـجـنٍ لـنـا خـص بانـيـنـه يقـولـون مطلوبـيـن أنــا وأنـت مهـمـا كــان فـلـكـن مـاحـنــا مــثـل هــالأمـــر راضـيـنـه إذا حـدت. الـدعــو نـبي نـزبــن الـضـلـعـان هـي اخـيـر مـن سجـنٍ تـراقـص شياطينـه مــا والله يـفـيـد الـهـرج لاصـكو الـبـيـبـان تـحكم بـنـا سـلـطـان والـسـجـن يـاشـيـنـه مـعـه وحـدة مـابـه لـهـا شـكل بالـنـسـوان إلـيــا جـــودت مسجـونـهـا تـلـوي يـديـنـه لـهــا هـيـبـة تـخـلـع مـثـل هـيـبة الرهـبان ولا تــتــرك الــرجــال لا مــا انـهـا تـديـنـه ولا يـنـفـع الـرجـال لوهـو مـن الشـجـعـان إلـيـا طـاح بـيـديـهـا تــوالـت سـكـاكـيـنـه الشاعر/ رجاء بن جهز الهويملي الحربي عن اذنك عن اذنك ياللحالـي رفـيـع الـشـان وصلنـي خبـر عـن عـلـم ماجـهـل عـناويـنـه تـريــح تـريــح عـنـك انــا ابـنـزل الـمـيـدان اشــــوف الـرفـافـقـه كــلٍ ايـحـد سـكـيـنـه و انا الـيـا وصلت لساحـة الشعر و الفرسان اقـول ازهـل الـمـردود وايجـيك فـي حينـه عـلامـك يامـضحـي منفعـل او تقـل زعـلان وانــا اقــول مفـعـول الـزعـل عـاد ياشيـنـه عـليـنـا بـعــد تهـمـتـك جـتـنـا بــلا وكــدان اقـــول اتـهـامـك يـالـخـوي وش بـراهـيـنـه مـن الـلـي حـداك تـولّـع السـجـن بالـنـيـران وعــلــم اتـهـامـك جـاهـلـيـنـن مـضـامـيـنـه تــعـوذ مــن الشيـطـان ياشـايـب الرحـمـان وتفـاهـم مـعـا صاحبـك جـعـل الله يعـيـنـه رجـاء ينـفـي اقـوالـك ويثـبـت لـنـا يافـلان عـلـى مـفـتـرق خـطـين والــخـط قـاريـنـه تخالـفـتـم وهـــذا عـلـيـكـم تــرى بــرهــان يـثـبّـت مطـالـبـنـا ولــنــا الــحـق يـازيـنــه صـديـقـك تـغـيّـر والـمـخـبـى تــراه يــبـان وعـلـم الحقـيـقـه اخـتـفـى بـيـنـك وبـينـه لكـن ليـت ابـو عـبـدالله ايكلـم ال سلـطـان وساطـه لأجــل مايحطـكـم مـع مساجينـه او انـــك تــعــذر للـحـالـي و حـنــا اخــوان ومـــن ردّ مـاعــده شـــرد وانـتـهــى ديـنـه الشاعر /ناصر بن عوض الشميلاني الحربي يا فكر العنا وش جبت في نفضت الجنحان خبـر فـي ســرور الـبـال ينـفـض جناحـينـه تـقـول الـعـرب متناوليـنـك يــا ابــن حمدان وش اسـباب سـهـمـن يـمّـك الـرّبـع رامـيـنـه ويـقـولـون مـعـك ناصـر الـشـاعـر الفـهـمـان تفادوبـكـم فـي فـنـدق أبـوغـريـب تحزيـنـه وأنـا أقـول مـالـي بالخـبـر مـعـرفـة عـنـوان غـيـر إنّـي سمـعـت أخبار للـفـكـر تفـطـيـنـه وتنشّـدت عـن مضحي وقـالـوا لـي الجيران عـلـى سيـكلٍ مشـيـه حـسـب دوس رجلينـه وقـلـت البنـاخـي يمـكـن إنّ موتـره عـطـلان او انـــه ريـاضــي والـكـسـل عـنـه نـاهـيـنـه وتنـشـدت عـن رجـاء وقـالـوا لـي الـرّعـيان تـراوالـهــم زولــــه مـــع الـطّـلـح بـهـويـنـه مـع الـوادي الّلي مـنحدر مـن هـاك الضّلعان مـعـه بـدرتـه وصفـنـة زهابـه عـلى متـينـه قـلـت إيــه الـولـع غـربـال ويـعذّب الهويان يمـكـن إنّــه بيغـنّـي عـلى الـرّجـم تهجيـنـه لـكـن بـعـد مـا سـمـعـت نـاصـر بهالقـيفـان بــديــت اتـقـصـقـص لـلكلام ومـضـامينـه وأثـرهـم عليـنـا بالتّـواصـي هــم وسلطان وعـلــى طـول سامـحـهـم ويقـول ناخينـه يـجـي دوركـم وتـشـوفوا الـعلم بالوكدان ونـعـرف الدّفـاع الّلي هـل الـثّـار حاسينـه الشاعر / جزاع بن حمدان الغيداني (اللحالي) حبايبي الجميع للمعلوميه اناذاك كتبت ابياتي ونزلتها قبل انتبه لابيات ابو مناحي وإلا كان مالي حق المشاركه حيث هو تزهّل وكفو والجميع لذالك طلع كلامي معهم لـقـيت الــدرر لـكـنـهــا غـالــيــات اثــمـــان انـا اعـرف جـزيـل الشـعـر وافـهـم بتثميـنـه وعرفـت الرجـال اللـي يصوغـونـهـا باتـقـان خـبـيـريـن بـاابــداع الـقـصـيـد وقـوانـيـنــه رجاومضحـي وناصـر وجـزاع ابــن غـيـدان وكــــم مـثـلـهـم شــاعـــر قـريـنـا دواويـنــه الابـــداع لــه فـي كل مـايـكـتـبـون الــــوان يضـيـع الغـشـيـم ويبـتـحـل فـــي تـلاويـنـه وانــا لاقـريـت الشـعـر هــذا يـاابـو سـلـمـان اغـنــي طـــرب واجـــر صــوتــي بتلـحـيـنـه وانــا اشـكـرك ياسلـطـان ياطـيـب الالـحـان تـمـكـنـت مـــن تـحريـك شــعــرٍ مـخـفـيـنـه يـازيـن القـصـيـد الـلـي يـغـنـونـه الشـيـبـان لـيـا صــار فـيـه مـن الـتـحـدي لـكـم عـيـنـه هــذولا قصايـدهـم تـجـي كلبـوهـا اسـمــان سـمـن واجـبـن للـضـيـف غـالــي وشـاريـنـه قصايـد ذهـب تحتـاج صايـغ حكيـم لـسـان مـثـل صـايـغ صـف الـذهـب فـي دكاكـيـنـه ذهـب صـافـي اللمـعـه ثقـيـلٍ عـلى المـيزان عـيــاره مـابـيـن اربــع وواحــد وعـشـريـنـه ماهم مثل من يعرض قصيده على الخـبلان يـسـويـبـهــا شــاعــر وربـــعــه مـقــريــنــه غشيـمٍ يعجـن بيـوت شـعـره كـمـا العـجـان ويعـرض بهـا حـتـى علـى اصـغـر وراعـيـنـه ماهـو عـارف ان الشعرمثـل الـذهـب ملـيـان ولا يـعـرف الـمـاس الـشـعـر مـــن بليـتـيـنـه ويــارد عـلـى عــد الــروى مـثـل هالغشـمـان ولـكــن مـثــل غـيـره دلـو مـاء.دلـو طـيـنــه الشاعر / نداء بن حويان الغيداني
__________________
لا إله إلا أنت سبحانك إنّي كنت من الظّالمين |
|
|
|
06-08-2020, 02:36 AM
|
#2 |
|
إدارة عامّة
تاريخ التسجيل: Jul 2014
المشاركات: 5,325
|
ههههههههه مـعـه وحـدة مـابـه لـهـا شـكل بالـنـسـوان إلـيــا جـــودت مسجـونـهـا تـلـوي يـديـنـه لـهــا هـيـبـة تـخـلـع مـثـل هـيـبة الرهـبان ولا تــتــرك الــرجــال لا مــا انـهـا تـديـنـه ولا يـنـفـع الـرجـال لوهـو مـن الشـجـعـان إلـيـا طـاح بـيـديـهـا تــوالـت سـكـاكـيـنـه الشاعر/ رجاء بن جهز الهويملي الحربي الله ياذيك الايام ههه ترى المقصودة انا ياعمي ((وجة السعد)) بابيات الشاعر رجا الهويملي ايام سجن منتدى حرب الادبي والله بنيتك قشرة كل مكان لها سجن .png "2 (1)") .png "3 (12)") ليتني اقدر اصيدهم واسجنهم بسجن النجوم وماننحرم من ابدعاتكم .gif "M (4)") تسلم على النقل المتميز
__________________
 |
|
|
|
|
11-10-2020, 11:01 AM
|
#3 |
|
مالك الموقع
تاريخ التسجيل: May 2014
المشاركات: 6,563
|
الله ياذاك السعد بكل وقت. ذيك الا يام احسبه يقصد سحر الاردنيه ههههههههههههه كلكم ماشاء الله لاخلا ولاعدم تحياتي وتقديري للجميع
__________________
لا إله إلا أنت سبحانك إنّي كنت من الظّالمين |
|
|
|
|
11-11-2020, 07:02 AM
|
#4 |
|
إدارة عامّة
تاريخ التسجيل: Jul 2014
المشاركات: 5,325
|
ههههههههه سجن النجوم بكل مكان اصايل موجوده فيه الله يسعد قلبك ويحفظك
__________________
|
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض العادي
